Vhulenda o pfufhiwa uvha Miss Mashau 2023/2024

Tshiṱori nga: Elmon Tshikhudo. Ṱhautshedzo nga: Khathutshelo Raliphaswa.

Vhulenda Precious Makhuvha o pfufhiwa nguwane ya uvha Miss Mashu 2023/2024 kha vhuṱambo ha vhonyalunako heha farelwa Elias Nefale Eco Estate ho dzudzanywa nga vha tshiimiswa tsha Miss Mashau. Vhuṱambo uho ho farwa nga ḽa fumbili-malo Nyendavhusiku 2023.

Vhulenda wa minwaha ya fumbili-mbili ane a bva kha muvhundu wa Hamashau hone ndi mutshudeni wa ṅwaha wa vhuvhili wa Business Management kha gudedzi ḽa Yunivesithi ya Venda.

We a wana vhuimo ha vhuvhili ndi Chantal Maimela (22), ngeno Lutendo Maluleke (16) o bva kha vhuimo ha vhuraru.

Vhulenda uri muṱaṱisano uyu hovha hu wau thoma a tshi dzhenelela muṱaṱisano wa vhonyalunako. U fulufhela uri sa muthu ane a imelela u maanḓafhadza vhafumakadzi, uvha khosikadzi ya Miss Mashau zwi ḓo mu thusa na umu vulela mavothi uri a kone u maanḓafhadza vhanwe vhafumakadzi na vhasidzana. 

Muambeli wa tshiimiswa tsha Miss Mashau, Vho Mulanga Mashau, vhari muṱaṱisano uyu una minwaha miraru u tshi farwa, ndivho yawo huu itela u ṱuṱuwedza vhasidzanyana uri vhavhe na ndoro khulu nau shuma vhoḓi imisela uri vha kone u ṱuṱuwedza vhathu zwavhuḓi kha mivhundu yavho. “Vhunzhi ha vhasidzana vha mivhundu ya mahayani vha kundelwa u bveledza vhukoni havho nga hone u shaya zwishumiswa na fhethu. Muṱaṱisano wa Miss Mashau u ṱoḓa u ṱuṱuwedza vhasidzana na uvha sumbedzisa uri vha fhira zwine vhanwe vhathu tshitshavhani vha vha vhudza uri vha zwone. U ṱalifha havho, u fhambana na vhanwe vhathu, u ḓivha nga ha mvelele na zwinwe zwinzhi ndi zwine zwa sumbedza vhuvha havho na u naka havho tshitshavhani nau mona na ḽifhasi.”

Vho Mashau vhari vhovha vho takala vhukuma nga u vhona vhathu vhe vha swika nga ḓuvha ḽa vhuṱambo. “Rovha na vhathu vha swikaho vha maḓana mavhili. Ndoro yashu ndi u vhona hoyu muṱaṱisano u tshi aluwa ṅwaha na ṅwaha,” vha amba.

Date:12 January 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 153