ADVERTISEMENT:

 
 

Vhadzulapo vha Mavambe, Ghandlanani ngei Malamulele, vhane vha shumisa maḓi o tshikafhalaho ane vha a shumisa na zwifuwo u bika, u kuvha na u ṅwa. Tshifanyiso tsho bveledzwa.

Vhadzulapo vha Ghandlanani vho sinyuwa nga ṱhahelelo ya maḓi

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Vhadzulapo vha vhupo ha Mavambe, Ghandhlani, ngei Malamulele vho sinyuswa nga uvha na ṱhahelelo ya maḓi lwa tshifhinga tshi swikaho nwedzi he vha swika kha u vala vhupo hune havha na nḓisedzo ya maḓi ha Malamulele Water Treatment Scheme. Izwo zwo bvelela nga ḽa fumbili Lara.

Uya nga vhadzulapo, khaedu yavho ya uvha na ṱhahelelo ya maḓi zwo thoma musi munna wavhane vhe vhavha vhe neḓorobo ya Collins Chabane, Vho Moses Maluleke vha tshivhulahwa. Ṱhahelelo iyo ya maḓi ivha kombetshedza uri vha shumise maḓi ane vha a shumisa na zwipuka hone o tshikafhalaho.

Vho Rosinah Chabalala vho vhudza vha nyanḓadza mafhungo ya Limpopo Mirror uri vhadzulapo vhanzhi vha kombetshedzea u shumisa maḓi o tshikafhalaho ane vha thoma vha a vhilisa uri vha kone ua shumisa kha u bika, u ṱamba na mishumo yavho ya nḓuni. “Nyimelo yashu iri kombetshedza u shumisa maḓi ane vhathu vha laṱela khao malaṱwa u fana na maḽeiri a vhana ono shumiswaho, hone kha maḓi ayo, vhanwe vha vhadzulapo vha bambela khao. U lovha ha muṅna wavhane Vho Moses Maluleke, ria fhedza dzi vhege na miṅwedzi hu si na maḓi. Vhanwe vha tshimbila nyendo ndapfu uri vha wane maḓi o kunaho,” vha amba.

Hosi Xirele Manganyi vhari ṱhahelelo ya maḓi ndi khaedu kha vhupo hoṱhe ha Malamulele. Vhadzulapo vha na mbilaelo dzine vhari dzi fanela u tandululwa nga tshihaḓu. “Ari farei zwavhuḓi nga nyimelo. Asi roṱhe vhane ra swikelela u badela vhathu uri vha ri ḓisele maḓi, zwine zwa ri kombetshedza u shumisa maḓi o tshikafhalaho. Ri fulufhela uri vha masipala wa tshiṱiriki tsha Vhembe vha ḓo kona u tandulula khaedu yashu, zwihulu ngauri ri kha khalaṅwaha i fhisaho lune vhathu vha fanela uvha na maḓi o kunaho misi yoṱhe,” vha amba.

Vho Matodzi Ralushai, muambeli wa masipala wa tshiṱiriki tsha Vhembe, vhari vha a dzhiela nzhele khaedu ya vhadzulapo. “ Sa masipala ri kha nzunzanyo dza u lugisa dzi phaiphi uri vhadzulapo vha wane maḓi. Vha tshumelo ya thekiniki vha khou lugisa khaedu dza maḓi nga maṱiraka, izwi ndi ngauri masipala u na mbilaelo nga u vhona vhadzulapo vha si na maḓi,” vha amba.

 

Date:04 December 2023

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 258

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles