ADVERTISEMENT:

 
 

Mikiel Mabasa, we a lovha kha khombo ya moḓoro nga Mugivhela. Tshifanyiso tsho bveledzwa.

Muhashi wa Munghana Lonene o lovha kha khombo ya moḓoro

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

U fhira fhano shangoni ha muhashi wa mbekanyamushumo ya Tiko Axi Etleli kha tshiṱitshi tsha Mughana Lonene FM, Mikiele Mabasa. Mikiel o lovha nga Mugivhela wa ḽa fumbili-malo Tshimedzi, kha khombo ya moḓoro ye ya bvelela kha bada ya vhukati ha Levubu na Louis Trichardt. Ovha a khou reila tshiendedzi tshawe tsha VW Polo he a xelelwa nga ndango ya moḓoro a thulana na tshiendedzi tsha VW Amarok ya baki.

Muambeli wa mapholisa vunḓuni ḽa Limpopo, Brigadier Vho Hlulani Mabasa vho khwaṱhisedza tshiwo itsho. “Vhareili vhoṱhe vhovha vhe si na munwe muthu ane vha khou tshimbila nae. Mureili wa baki iyo ovha e mudzulapo wa Louis Trichardt, hone o gidimiselwa vhuongeloni he a bulwa muthu o lovhaho a tshi swika. Mikiele o lovhela he khombo ya bvelela hone. Hu khou sedzuluswa tshivhangi tsha khombo iyo,” vha amba.

Mukomana wa Mikiel, Eric Mabasa we avha a tshi shuma nae ha SABC uri u lovha ha Mikiel ndi u xeletshelwa zwihulu kha vha muṱa. “Ro xeletshelwa nga munna wavhuḓi vhukuma, we avha a tshi ḓi ṱukufhadza kha vhathu, ovha e zwoṱhe kha rine. Ro vhaisala vhukuma, zwihulu nne ngauri ndovha ndi tshi shuma nae kha SABC. Ndi tshi humbula uri athi tsha ḓo dovha nda mu vhona, ndi a vhaisala vhukuma,” a amba.

Ramafhungo Bishop Baloyi, vhe vha alusa Mikiel musi a tshe kha Mala FM, he buḓo ḽawe kha nḓowetshumo ya radio ya thoma hone, vhari u lovha ha Mikiel zwo vhaisa vha muṱa na tshitshavha nga u angaredza. “Ndo balelwa u kholwa ndi tshi vhudziwa nga ha lufu lwawe lwa maḓuvha a swikaho mavhili. Ndovha ndi khou balelwa na u ṅwala nga ha Mikiel nga hone u vhaisala. Roṱhe ro xetshelwa vhukuma,” vha amba.

Ho farwa mushumo wa tshihumbudzo nga ḽa mbili Ḽara. Mikiel u ḓo vhulungwa Hamulamula nga Mugivhela, wa ḽa iṋa Ḽara.

 

Date:06 November 2023

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 286

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT