Pfufho dza TSHIMA dzo vhuya hafhu

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Pfufho dza muzika wa Tshivenḓa (TSHIMA) dza Phalaphala FM dzi khou vhuya hafhu nga murahu ha u imiswa lwa minwaha miṱanu. Vhuṱambo ha u rwela ṱari pfufho idzi vhu ḓovha hone nga Lavhuṱanu ḽa fumbili-raru Luhuhi ngei Kalahari Waterfront damuni ḽa Nandoni.

Ndivho ya pfufho idzi ndi u alusa nau livhuwa vhoramuzika vhane vha ḓi hudza nga u imba nga luambo lwa Tshivenḓa. Dzi dovha hafhu dzavha dza u vhulunga nau tsireledza mvelele na sialala ya Vhavenda kha nḓowetshumo ya muzika. Kha pfufho dza naṅwaha hu ḓovha na zwiteṅwa na pfufho dza khwine hone dzo ḓalaho.

Uya nga mulanga dzi mbekanyamushumo dza Phalaphala FM, Vho Sharon Ravele, vhari kha vhuṱambo uhu vhoramuzika vho nangiwaho vha ḓo nangwa kha zwiteṅwa zwa u fhambana. Vhari vhoramuzika avha faneli u shumisa muzika wavho u mbvumbvusa vhathu fhedzi, vha fanela u u shumisa u fanyisedza zwiṱori nau imelela vhathu vha lushaka lwavho na sialala yavho. Vhari uri vhoramuzika vha kone u ḓi ṱumanya na vhatevheli vhavho, vha fanela u shumisa luambo lwa ḓamuni sa izwi vha tshi ḓo kona uvha na vhushaka ha khwine na vhatevheli vhavho.

Vho Ravele vhari vhoramuzika vha fanela u bveledza muzika wavhuḓi hone na tshitshavha vha fanela uvha tikedza kha zwoṱhe nga u renga mizika yavho. “Inṅwe ya khaedu ine ravha nayo kha nḓowetshumo ya muzika ndi musi vhoramuzika vha tshi shuma vho ḓi nekedzela hone nga udi vhudza fhedzi havha na vhathu vhane vha tswa muzika wavho vha u rengisa zwiṱaraṱani nga masheleni a fhasi vhukuma zwine zwa sia vhoramuzika vha sa khou vhuyelwa kha mushumo wavho. Haya maitele a fanela u fhela, hone ndi rine vhane ra fanela u zwi imisa zwoṱhe,” vha amba. Vhari vha tenda uri vhuṱambo uhu ha dzi pfufho vhu ḓo alusa muzika wa Tshivenḓa nau thusa vhoramuzika kha u dzhielwa nṱha nau aluswa ng avhatevheli vhamuzika wavho.

Vho Ravele vhari vhoramuzika vha fanela u dzhia muzika wavho sa bindu hone uvhe wa vhuṱhogwa. Vho engedza uri sa tshiṱitshi vho ḓi vhudza kha u thusa vhoramuzika uri vha kunde khaedu dzine vha ṱangana nadzo kha sia ḽa masheleni na u vha gudisa nḓila dzau vhulunga masheleni a muzika wavho.

Vhutambo ha dzi pfufho vhu ḓo farwa nga ṅwedzi wa Nyendavhusiku hone fhethu hune ha ḓo farelwa hone zwa zwino ahu athu u dzudzanywa. Zwiteṅwa zwau fhedza na masheleni ane aḓo pfufhiwa zwi ḓo anḓadzwa.

Date:23 February 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 172