Vhutsila ha Vho Mathebula vhu amba nga ha tshifhinga

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Vho Nation Mathebula, vhane vhavha mutsila vha bvaho kusini kwa Bungeni, vhari vha wana ṱhuṱhuwedzo na mbonela phanḓa ubva kha vhupo vhune ha dzulela u shanduka nga zwifhinga, vha kona u bveledza zwine vhathu vha zwi takalela nga kha vhutsila havho. Tshifanyiso tshe vha bveledza zwa zwino, ndi tshine tshavha na mualuwa na ṅwana muṱuku, vhari zwo ṱuṱuwedzwa nga u vhona uri tshifhinga tshine ravha natsho ndi tshiṱuku.

Vho Mathebula vha shuma sa muofisiri wa vhutsila sentharani yau sedzulusa vhutshinyi kha vhupo ha Polokwane. Lwendo lwavho lwo thoma tshikoloni tsha nṱha tsha Russell Bungeni, hone ṱhuṱhuwedzo ye vha wana kha khotsi avho yo ḓou vha swikisa kha u ṱuṱula vhutsila havho naho vhovha vhe sina pfuzno yo fanelaho ya zwa vhutsila. Nga murahu ha u phasa murole wa vhufumi na vhuvhili nga ṅwaha wa gidimbili raru, Vho Mathebula vho ḓou ḓi ṅwalisa gudedzini ḽa Sedibeng ḽire Vanderbijlpark lwa minwedzi ya rathi. Nga kha nḓowetshumo iyo ye vha ḓi ṅwalisa khayo ya zwa vhutsila, vho kona u wana mutheo uri vha kone u gudela zwa vhutsila gudedzini ḽihulwane ḽa Vaal Yunivesithi ya Thekinoḽodzhi, ha vha wana ṱhanziela ya dipiloma nga ṅwaha wa gidimbili malo.

Vhudidini havho kha mushumo wavho vhu sia milaedza ine vhathu vhai takalela na upfa vho ṱuṱuwedzea. “Vhutsila hanga vhu sumbedza nḓila ine tshifhinga tsha tshimbila ngayo, musi vhaaluwa vha tshi tama unga humisela tshifhinga murahu, vhaṱuku vha tama u vhona zwine vha ḓo ṱangana nazwo musi vha tshi aluwa,” vha amba.

Sa muimeleli wa sialala ya Afrika, Vho Mathebula vha anzela u shumisa zwifanyiso zwa Afrika kha mishumo yavho, vha tshi ḓi ṱumanya na vhubvo havho. “Kha nne vhutsila vhu ḓisa fulufhelo na vhutshilo. Vhu sumbedza vhundeme ha vhathu, ha alusa nau bveledza vhukoni ha vhathu,” vha engedza.

Date:23 January 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 182