Vhabishopho vha kha tshanḓa tshi monde tsha mulayo.

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Mubishopho na ramuzika wa muzika wa Gospel, Roxley Masevhe, vhane vhavha mutumbuli wa tshivhidzo tsha Fire Temple Ministries, vhoḓi wana vha khou lwa na mulayo. Mubishopho avho vhane vha ḓivhea khwine nga ḽa Vho Masevhe vho ḓi vhinga tshiṱitshini tsha mapholisa tsha Ṱhohoyandou nga Musumbuluwo wa ḽa malo Phando, nga murahu ha u vulelwa mulandu wa u tshipa ṅwananyana wa miṅwaha ya fumi-sumbe.

Uya nga muambeli wa mapholisa a Vhembe W/O Vuledzani Dathi, mulandu wo vulwa malugana navho nga ḽa ṱhanu Phando. “Vha khou livhaniswa na u tshipa ṅwananyana na u ṱhasela. Zwa zwino ahuna zwinzhi kha mulandu uyu sa izwi ṱhoḓisiso dzi khou bvela phanḓa, fhedzi hu humbulelwa uri zwiito izwo zwo thoma nga ṅwedzi wa Phando 2023,” vha amba.

Vho Masevhe vho ḓou valelwa na zwenezwo nga Musumbuluwo vha ḓi vhonadza khothe ya madzhisiṱiraṱa wa Thohoyanḓou nga ḓuvha ḽeneḽo. Mulandu wavho wo fhiriselwa kha ḓuvha ḽa fumi-na-rathi Phando u itela u bvela phanḓa na dzi ṱhoḓisiso.

Vho Thelma Marole, muṅwaleli wa tshigwada tsha Vhembe Combined na murangaphanḓa muhulwane wa DA kha vunḓu ḽa Limpopo, vho kaidzi zwiito izwi. “Aringaḓo dzulesa kha hoyu mulandu, naho huuri ari khouri vho zwi ita, ri tenda uri tshanḓa tsha mulayo tshi ḓo vhonala kha mulandu uyu. Sa vharangaphanḓa, ri pfa ro khukhulisea vhukuma nga zwe zwa itea, zwihulu ngauri zwoitwa nga murangaphanḓa kha vhadzulapo tshitshavhani vhane vha fanela uvha dzi tsumbo kha vhathu. Ri humbela vhabebi uri vha ṱhogomele vhananyana vhavho uri vha kone uvha ḓivha musi hu na zwe zwa bvelela khavho zwisi zwavhuḓi,” vha amba.

Zwitshe zworalo, munwe muḓinḓa wa mudzimu wa tshivhidzo tsha Hope of All Nations, Mubishopho, Vho Samuel Tshabuse, vha Muledane vho livhanywa na mulayo ga murahu ha u sumbe muthu nga tshigidi.

Uya nga W/O Vuledzani Dathi, Vhafunzi Vho Francis Mhikwara (47) vho vha vhe na miraḓo ya kereke ya Masowe musi Vho Tshabuse vha tshi swika vha vha shushedza na miraḓo iyo. Izwi ndi nga murahu ha musi Vho Tshabuse vho vhudza vha kereke iyo ya Masowe uri vha vale kereke yavho, fhedzi vhone vhasi vale kereke iyo. Vho Tshabuse vho ḓou humela hayani vha vhuya hafhu, vho ambara zwiambaro zwa mivhala ya masole. Vho ḓou swika afho vha vha shushedza futhi, tshifhinga itshi vho fara tshigidi vha tshi vha sumba ngatsho.

Vho fhelekedzwa nga muimeleli wavho, Vho Tshabuse vhodi nekedzeka mapholisani. Vhoḓi vhonadza khothe ya madzhisiṱiraṱa wa Ṱhohoyandou nga Lavhuraru he vha newa beiḽi ya tshigidi tshithihi. Fhedzi zwa zwino mulandu wo fhiriselwa kha ḽa fumi-na-malo Thafamuhwe u itela u bvela phanḓa na ṱhoḓisiso.

Date:15 January 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 371