Makhulu Vho Leshavhana vho pembela minwaha ya ḓana

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Nga Mugivhela wa ḽa fumi-ṱhanu Fulwi hovha hu ḓuvha ḽo ḓalaho dakalo kha Vho Mary “Mbau” Leshavhana musi vha tshi pembela ḓuvha ḽavho ḽa mabebo ḽa minwaha ya ḓana. Vhuṱambo uho hau pembela ḓuvha ḽa mabebo ho farelwa Hamashamba.

Uya nga muṅwe wa vhaḓuhulu vhavho, Vho Mudau, vho dzudzanya vhuṱambo uho sa nḓila ya u hulisa makhulu avho. “Hovha hu vhuṱambo ho vha fanelaho sa izwi vho swikelela kha minwaha ine vunzhi ha vhathu vha a kundelwa u swika khayo. Ri funa makhulu ashu, hone navho vha a ri funa,” vha amba.

Naho vha tshi tshimbila nga thonga, Vho Leshavhana ndi muthu are na nungo hone vha fulufhela uri vha ḓo pembela na miṅwe minwaha minzhi. Vha kha ḓi kona nau vhona zwavhuḓi, hone na muhumbulo u khaḓi shuma zwavhuḓi zwine zwa ita uri maḓuvha avho vha ḓiphine ngao. Vho Leshavhana vha na vhana vhasumbe, vhaḓuhulu vha furaru-ṱahe na vhaḓuluḓulu vha ḓana fuiṋa-rathi. Vha tshihumbula tshifhinga tshakale, vhari vha humbula tshifhinga tsha musi hovha husina zwiko, dzi kiḽiniki, maongelo, na dzone bada dza khwine u fana na ṋamusi. “Rovha ri tshi tou tshimbila husina zwinamelo, risina ndavha uri fhethu hune ra khou ya hone ndi kule vhungafhani,” vha amba. “Vhahulwane vhovha vha tshi lima zwiḽiwa, ngeno vhatuka na vhasidzana vhovha vha tshi lisa dzi mbudzi na kholomo.”

Vhari u vhuya vha swika kha minwaha iyi ndi ngauri vhovha vha tshi dzulela u ḽa zwiḽiwa zwire na pfushi misi yoṱhe vha ṱhonifha na vhahulwane misi yoṱhe. “Ndovha ndi tshi takalela u ḽa mitshelo na miroho, hone ndi hafha ndi muthu ane ha ḓivhi u nwa halwa na luthihi,” vha amba. “Ndi ṱoḓa uri vha murafho u ḓaho vha gude nga ha ḓivhazwakale yashu, hone ndi tenda khauri ndi ḓo tshila miṅwe minwaha minzhi. Arali muthu avha na vhutshilo ho kunaho, na Mudzimu vhaa kona u mu fhaṱutshedza nga vhutshilo vhulapfi,” vha amba.

Vho Leshavhana na muraḓo o ḓi nekedzelaho kha tshivhidzo tsha Zion Christian Church (ZCC) hune vhari ndi hone hune ha ṱuṱulwa lutendo lwavho. “Ndi fhano nga lufuno lwa mudzimu. Ngavhe hovha husi mudzimu, ndovha ndi ngasi kone u pembela minwaha ya ḓana namusi. Hune havha na mudzimu, hu na vhutshilo,” vha amba.

Vhafunzi Vho Reuben Mashamba vha tshivhidzo tsha ZCC vhuṱambo uhu hau pembela ḓuvha ḽa mabebo sa vhuṱambo vhune havha ha ḓivhazwakale. “Muṱa usina mualuwa khawo u na ṱhahelelo ya nḓivho na ngeletshedzo,” vha amba. Vho livhuwa na u khoḓa zwe vha muṱa vha ita vha tshi itela mukegulu Vho Leshavhana na uri vha khou vha ṱhogomela u fhira u vha rumela fhethu hune ha ṱhogomelwa vhaaluwa, vha tshi vha sikela mupo une vha kona u ḓiphina khawo.

Date:26 June 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 34