Tshikolo tsha Russell Bungeni tsho netshedzwa tshifhaṱo tsha saintsi

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Vha tshikolo tsha nṱha tsha Russell Bungeni vho netshedzwa tshifhaṱo tsha saintsi tsha state-of-the-art. Tshikolo itsho tshi wanala kusini kwa Bungeni. Mushumo wa u netshedza wo farwa nga Lavhuṱanu ḽa ṱhanu Lambamai. Tshifhaṱo itsho ndi mvelelo yau shumisana ha vha muhasho wa saintsi na tshanduko (DSI), vha gudedzi ḽa Stellenbosch, tshiimiswa tsha mveledziso ya fulufulu ya lushaka ya Afrika Tshipembe (SANEDI), na vha khoro ya sialala ine ya rangiwaphanḓa nga Hosi Given Bungeni.

Mushumo wau netshedza tshifhaṱo wo loshwa nga vhahulisei u fana na MEC vha pfunzo vha fhano Limpopo Vho Mavhungu Lerule-Ramakhanya, neḓorobo muhulwane vha masipala wa tshiṱiriki tsha Vhembe, Vho Freda Nkondo, na vharangaphanḓa vha sialala, hu tshi katelwa Khosi Given Bungeni na Thovhele Nthumeni Masia.

Minwaha miraru yo fhiraho, Khosi Bungeni vho humbela thuso ubva kha minisiṱa wa pfunzo dza nṱha Vho Blade Nzimande uri vha vha fhaṱele tshifhaṱo tsha saintsi kha muvhundu wavho. Ndoro yau netshedza vhagudiswa vha mivhundu ya mahayani nḓivho na vhukoni nga ha saintsi zwo teaho yo wedza.

Tshifhaṱo itshi tshi na zwishumiswa zwa sola zwine zwa shumiswa nga tshifhinga tsha u khauwa ha muḓagasi hone zwi ḓo thusa vhagudiswa vha mirole ya vhumalo na wa vhuṱahe nga ha saintsi vha tshe vhaṱuku kha mabuḓo avho a saintsi.

Vha tshi amba na vha nyanḓadza mafhungo ya Limpopo Mirror, munwe wa vhagudiswa kha murole wa vhufumi-na-thihi Nothando Sisanda o ṱahisa dakalo ḽawe nga ha tshifhaṱo itshi tshine vha ḓo shumisa u ita dzinwe dza dzi ndingo dza saintsi. “Ndi kale ro lindela hetshi tshifhaṱo, sa izwi rovha ri tshi fanela u tshimbila lwendo lulapfu uri ri shumise zwifhaṱo zwire kha miṅwe mivhundu. Zwa zwino, ri ḓo gudiswa nga ha maga o teaho ane ra fanela ua dzhia kha ndingo dzashu na uri ri kona u wana mvelelo dza khwine,” a amba.

Mugudisi wa thero ya Natural Science na Physical Science, Vho Tinyiko Shirinda, vhari vha tenda uri tshifhaṱo itshi tshi ḓo vhuyedza vhagudiswa vhane vha bva kha mivhundu i shayaho. “Ri ḓovha na mishumo ine ya ḓo thusa vhadededzi na vhagudiswa kha ndingo dzavho,” vha amba.

Khosi Given Bungeni vho ombedzela kha vhundeme ha u netshedza vhagudiswa zwishumiswa na zwifhaṱo zwa musalauno uri vha kone u ṱuṱuwedzea kha pfunzo dzavho nauri vha kone u ḓisa mveledziso kha mivhundu ine vha dzula khayo.

MEC vha pfunzo fhano vunduni la Limpopo Lerule-Makhanya vho amba zwari vhagudiswa vha ḓovha na tshikhala tsha u shela mulenzhe kha ndingo dzine dza itiwa dza saintsi, avha tsha ḓo gudiswa nga maipfi fhedzi. “Ri na pulane ya minwaha miraru ine ya do khwaṱhisedza u ṱhogomela tshifhaṱo itshi, hune vha gudedzi la Stellenbosch vha ḓo ri thusa,” MEC vha amba.

Date:19 April 2024

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 108