Ramavili ane a khou ḓi sikela dzina kha mutambo wa mavili Nyelisani “The Rose of Limpopo” Thagamega obula zwauri nga ṅwedzi wa Fulwana ṅwaha uno uḓo pfuluwa ubva kha tshiṱiriki tsha Vhembe fhano Afrika Tshipembe a ya u dzula Zimbabwe.

Pfarelo Naledzani, wa minwaha ya furaru-rathi ane avha mulindi wa tsireledzo a bvaho Thengwe Tshithuthuni, o pfufhiwa nga ṱhanziela ya honours kha buḓo ḽa Town planning ubva Yunivesithi ya Venda (Univen). Izwo zwo tou sumbedza zwauri u bvelela u tevhela uḓi nekedzela nau shuma wo ḓi imisela.

Arali vha tshi vhona uri u laṱela thaula ndi yone nḓila yau tandulula khaedu dzine vha ṱangana nadzo, avha humbule luvhili na luraru vha ḓi humbudze nga ha lwendo lwe Pfariso Julio Nephalama wa minwaha ya furaru-thihi a lu tshimbila, a tshi wa atshivuwa naho zwithu zwi tshi konḓa. Pfariso ane a bva Vondwe, nnḓanyana ha Ṱhohoyandou u touvha tsumbo yauri u konḓelela zwi ḓisa zwivhuya, izwi ndi ngauri o lindela minwaha ya fumi uri a kone u ṱhaphudza digirii yawe ya minwaha mina

Vhathu vha bvaho Afrika Tshipembe vhane vha dzula mashango ḓavha vhovha na tshikhala tsha u khetha kha khetho guṱe dza naṅwaha dze dza farwa nga mugivhela wa ḽa fumi-malo Shundunthule ngei mashango davha. Izwo zwo itea na ngei embasini ya Afrika Tshipembe ire Abu Dhabi ngei United Arab Emirates (UAE), he vhathu vha bvaho Afrika Tshipembe vha khetha uri vha pfiwe vho.

Mutambo we wavha wo lindelwa wa vhukati ha Matanda Rockers FC and Rabali Pull Together FC wo fhela nga masinḓambilu, he munna a lovha ngeno mukomana wawe o hwalelwa vhuongeloni.

Vhathu vha paḓaho zwigidi zwa sumbe vha u mona na vunḓu ḽa Limpopo vhovha vho kuvhangana mudavhini wa Hamakuya vha tshi kuvhanganela mushumo wau ḓadza mativha wa Khosi pfareli ya Hamakuya we wavha wo lindelwa lwa tshifhinga tshilapfu. Thovhele Vho Margret Muthige Makuya vho ḓadza mativha nga Lavhuṱanu ḽa vhege yo fhiraho.

“Muri muhulu wo wa”. Munnaavhane Dr Tshililo Alfred Netshiungani Alidzulwi vha ḓo dzulela u humbulwa sa muthu we a shela mulenzhe khaubveledzisa muvhundu nga nḓila dzau fhambana nau ḓisa tshumelo kha muvhundu.

Vhamusanda Vho Ratshilumela Edwin Ramalivhana vho ita khuwelelo kha vhadzulapo vha Makwarani uri vha songo dzumba vhana vhavho vhanotshilw na vhuholefhali ,fhedzi vha vha ise sentharani dzire hone dzo vha fanelaho. Vho Ramalivhana vho amba izwi nga tshifhinga tsha u netshedzwa ha senthara ntswa ya Muphirimia Foundation. Tshiimiswa itshi tsho tumbulwa nga muhashi wa radio ya lushaka ya Phalaphala FM, Vho Humbulani Nengovhela uri vha ṱhogomele vhaholefhali. Mushumo wau netshedzwa ha senthara wo farelwa Philamisevhe Disabled Centre nga Lavhuna ḽa fumi-rathi Shundunthule.

Dzangano ḽa u mona na ḽihasi ḽau thusa vhathu vho welwaho, Gift of the Givers, vho farana zwanḓa na vha vhengele ḽa zwiḽiwa, KFC, khau ḓisela vhadzulapo zwiḽiwa dzi sentharani dza u netshedza zwiḽiwa kha vhadzulapo vhane vha dzula kha zwisi zwa Hamatsila na zwa tsini.

Mugudisi wa zwa vhonyalunako a dovha avha mune wa dzhendedzi ḽa zwa vhonyalunako Tshepiso Mphidi vho amba zwauri u pfufhiwa pfufho iyi zwo vha ṱuṱuwedza uri vha shume vho ḓi imesela na uḓi nekedzela kha u thusa vhaswa kha nḓowetshumo ya zwa vhonyalunako. Vho Mphidi vhovha muṅwe wa vhathu vhe vha pfufhiwa nga pfufho kha vhuṱambo ha dzipfufho ha vhafumakadzi kha mabindu, he ha farwa Bolivia Lodge ngei ṅ Bulugwane nga Mugivhela wa ḽa fumi-iṋa Shundunthulu.

“Ri fanela u wana thandululo dza tshoṱhe u lwa na thaidzo yau sielisana ha muḓagasi, u fhira u shumisa dzi dzhenereitha. Dzhenereitha idzi dzi dovha hafhu dza ṱoḓa zwivhaswa u shuma, hone vhunzhi ha zwikolo zwine zwa fanela u dzi shumisa ndi vha zwikolo zwa vhupo hamahayani, hune vha balelwa u wana masheleni au renga dzhenereitha,” hu amba Vho Aphane Matlatle, vhane vhavha mudzulatshidulo vha bodo ya dzangano ḽa khoro mbusi dza zwikoloni kha vunḓu ḽa Limpopo.

Vhupo ha Vhembe ho no bveledza vhatambi vha mitambo yau fhambana, zwa zwino ho bveledzwa Maria Tshiremba, ane o imela u dzhenelela mitambo ya dzi Olympic ngei Fura ṅwaha uno. Maria, a bvaho Hamagau nndanyana ha Dorobo ya Tshitandani, o nangiwa uvha tshipiḓa tsha vhafumakadzi vha sumbe vha Afrika Tshipembe vhane vha ḓo imelela shango ḽashu Fura nga ṅwedzi wa Fulwana.

Vhalidzi vha u mona na vunḓu ḽa Limpopo na vhaṅwe vha mavunḓu a nnḓa vhovha vho kuvhangana muḓini wa ha Mulaudzi nga Mugivhela wa ḽa fumi-thihi Shundunthule vha tshi ḓisa ṱhonipho na u fhelekedza muṅwe wa vhaḓivhalea vhe vha rangaphanḓa muvhunḓuni ngei Madombidza, Vho Phophi Tshimangadzo Mulaudzi, hayani havho hau fhedzisela. Vho Phophi vho lovha vhe na minwaha ya ḓana na raru nga murahu ha u lwa na vhulwadze ha tshifhinga tshilapfu.