Muḓulu, Thendo o takadza vhomakhlu avho nga lwendo uya Durban

Tshiṱori nga: Maanda Bele. Ṱhalutshedzo nga: Khathutshelo Raliphaswa.

Thendo Netshishivhe, mudzulapo wa muvhundu wa Vhufuli nnḓa nyana ha Ṱhohoyandou, ovha o farwa lwendo lwe avha a khou takadza vhomakhulu awe vhavhili. Thendo o fara lwendo lwa maḓuvha mararu uyangei khala Kwazulu Ntala khala, Durban na vhomakhulu avho vhavhili he vhadalela la Durban lwau thoma vhutshiloni havho.

Thendo wa minwaha ya fumbili-sumbe o pembela ḓuvha ḽawe ḽa mabebo nga ḽa fumi-sumbe Thafamuhwe nga u ṱuwa na makhulu awe kha lwendo lwa uḓi mbvumbvusa: Makhulu Vho Nthumeni Masindi (91) na Makhulu Vho Tshinakaho Netshishivhe (76). Thendo uri makhulu awe mubeba mme awe vhovha vha tshi dzulela u amba nga ha u tama u namela bupho, izwi vhovha vha tshi dzulela umu vhudza zwone.

“Ndovha ndi khou ṱoḓa u wedza muḽoro wavho wau namela bupho, mashudu mavhuya vhuvhili havho vhomakhulu anga vhovha vha sa athu uḓi wana vho namela bupho vhutsiloni havho kana uya tsini na lwanzhe zwazwo. Izwo zwo ita uri ndi vha takadze vha tshi hone,” Thendo a amba. O engedza zwauri u muḓuhulu ane a dzulela u takadza vhomakhulu awe nga dzi mpho na u ṱuwa navho uḽa zwiḽiwa fhethu ho fhambanaho.

Thendo uri vhomakhulu awe vhovha thikho yawe nga zwifhinga zwikonḓaho vhutshiloni hawe. “U aluwa zwovha zwi songo leluwa kha nṋe na vhabebi vhanga. Kha sia ḽa masheleni rovha ri tshi ṱangana na vhuleme, fhedzi hovha hu muḓi une wo ḓala lufuno vhukati havho. Zwiṅwe zwa zwifhinga rovha ri tshi tou zwimana na zwifuwo uri ri kone u wana zwiḽiwa. Nzie hovha hu zwiḽiwa zwa ḓuvha ḽiṅwe na ḽiṅwe. Fhedzi kha zwifhinga izwo zwa vhutshilo hanga ndo kona u guda zwinzhi,” vha amba. A tshi vhudziswa nga ha vhabebi vhawe, o ṱahisa zwauri vha tshe hone vha khaḓi tshila hone vha khou shuma zwavhuḓi zwa zwino.

“Vhushaka hanga na vhomakhulu anga ndi ha tshipentshele nga maanḓa. Ndi thikho dzanga vhane vha nkovhela nḓivho na lufuno. Ndi na mashudu uvha na vhushaka horaliho na vhomakhulu anga vhoṱhe. Vho no ngudisa zwinzhi hone vha dzulela u nṱuṱuwedza. Vhushaka hashu ho fhaṱwa nga lufuno, u seisana, na zwiṱori zwine ra kovhelana,” a amba.

Sa vhathu vhe vha aluwa vha tshi nekedzela matshilo avho kha muvhundu wavho na miṱa yavho, lwendo ulu lwovha lwo fanela kha Vho Nthumeni na Vho Tshinakaho uri vhavhe na tshenzhemo ntswa na uḓi mbvumbvusa ngau fhedza tshifhinga na muḓuhulu wavho.

Vho Nthumeni vhari vho pfa vho takala nga tshifhinga tsha lwendo lwavho. “Zwovha zwi tshi touvha u wedza ha muḽoro kha rine. Heyi hovha mpho ya khwinesa kha dzine ro no neiwa dzone vhutshiloni; ri khou kana zwe ra zwala kale; ro mu alusa zwavhuḓi e muṱhannga are na mikhwa yavhuḓi. Ri tama uri mudzimu vha mu engedzele maḓuvha a vhutshilo u fana na rine sa izwi nḓila dzashu dza umu alusa dzo ri vhuyedza namusi,” vha amba.

Date:08 May 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 97