Dr Gerson Nthambeleni Rambiyana vho notha nga murahu ha minwaha ya 42

Tshiṱori nga: Silas Nduvheni. Ṱhalutshedzo nga: Khathutshelo Raliphaswa.

Nga murahu ha lwendo lwa minwaha i padaho fuiṋa-mbili, muṅwe wa madzhakanḓila kha sia ḽa pfunzo kha tshiṱiriki tsha Vhembe, Dr Gerson Nthambeleni Rambiyanma vho notha. Dr Rambiyana vho notha ṅwedzi wo fhiraho.

Zwi tshi tevhela u notha havho, Dr Rambiyana vho itelwa vhuṱambo hau vhaonesa nga Lavhuna ḽa fumi-malo Lambamai. Mushumo uyo wau onesa wo farelwa hodelani ya 2Ten ire Sibasa. Dr Rambiyana vhovha vhe mulangi wa tshiṱiriki tshapfunzo vhupo ha vhubvaḓuvha kha vhupo ha Vhembe. Kha vhahulisei vhe vha swika kha vhuṱambo uho hu katelwa mutumbuli wa tshiimiswa tsha Umlambo, Dr Phumzile Mlambo-Ngcuka, neḓorobo muhulwane wa masipala wa tshiṱiriki tsha Vhembe, Vho Freda Mkondo, Thovhele Midiyavhathu Tshivhase, Thovhele Vudzidzhena Nethengwe, na muhaṱuli Vho Joseph Raulinga.

Muṅwe wa vhadzudzanyi vha vhuṱambo uho, Khosi Muelekanyi Tshivhase vha bvaho kha tshiimiswa tsha Tshivhase Development Foundation, vho ṱalusa Dr Rambiyana sa muthu vhe vhavha vha tshi rangaphanḓa zwavhuḓi kha sia ḽa pfunzo mivhunduni. Vhari fhasi ha tshanḓa na vhulangi ha Dr Rambiyana, vho kona u vhona u khwinifhadzwa ha pfunzo nau aluwa kha phesenthe dza u phasa ha vhagudiswa vha maṱiriki kha vhupo ha Vhembe. Uya nga ha Vho Tshivhase, u ḓi imisela ha Dr Rambiyana kha sia ḽa pfunzo zwo shandukisa matshilo a vhathu vhanzhi nau thuso vhana vhanzhi uvha na mbonela phanḓa dza khwine kha vhumatshelo ha matshilo avho

“Ri tshi sedza murahu kha zwe Dr Rambiyana vha bveledza zwone, ari koni u sia matshilo a vhathu vhanzhi vhevha a kwama nga mishumo yavho. Vhurangaphanḓa havho ho tuṱuwedza vhanzhi vhe vhavha vhe tsini navho na zwiṱiriki zwinzh kha vunḓu ḽa Limpopo na maṅwe mavunḓu  u mona na shango ḽashu ḽa Afrika Tshipembe. Vho no bveledza vhupo vhunzhi ha u gudela na tshumelo khwalwa dzau pfumbudza vhagudiswa vha vhupo vhushayaho vhane vhavha kha zwikolo zwi si na zwishumiswa zwa khwine,” vha amba.

Neḓorobo muhulwane vha masipala wa tshiṱiriki tsha Vhembe Vho Freda Nkondo vho livhuwa zwihulu mishumo yavhuḓi ye Dr Rambiyana vha ita nga tshifhinga tshavho kha sia ḽa pfunzo. “Roṱhe ri azwi ḓivha nau humbula nḓila ye ravha ri tshi takala ngayo musi hu tshi anḓadzwa mvelele dza maṱiriki nga tshifhinga tshavho. Tshiṱiriki tshashu tshovha tshitshi dzulela u dzhia vhuimo ha nṱha. Rido Dzulela u elelwa mishumo yavho, Dr Rambiyana,” vha amba.

Vha tshi fhindula, Dr Rambiyana vhari vha pfa vho hulisea u vhona uri mishumo yavho yovha itshi dzhielwa nṱha. Vho livhuwa vharangaphanḓa vha vhuhosini u mona na tshiṱiriki tsha Vhembe nga u vha tikedza kha u bveledza miḽoro ya vhana vhanzhi nga kha pfunzo.

Date:07 May 2024

By: Silas Nduvheni

Read: 96