Phethani o vhuya na mendele wa siḽivhere kha muṱaṱisano wa track

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Mugudiswa vha murole wa vhufumi-na-thihi a bvaho kha tshikolo tsha Vhulaudzi ngei Tshitavha, Phethani Mabala, o vhuya na mendele wa siḽivhere ubva kha miṱaṱisano ya u gidima ha vhugwena ha vhagudiswa vha zwikolo. Muṱaṱisano uyo wo farelwa vunḓuni ḽa Western Cape mathomoni a ṅwedzi uyu.

Naho ovha e na khaedu dze avha a khou ṱangana nadzo, Phethani wa miṅwaha ya fumi-na-ṱahe o kona u dzhia vhuimo ha vhuvhili kha mugidimo wa mithara dza 3,000, zwe a akhamadza vhathu vhanzhi nga vhukoni hawe na uḓi imisela kha zwine akona zwone. mashudu mavhi o fhedza o balelwa u fhedza mugidimo wa mithara dza 5,000 sa izwi ovha ona fhula nga tshifhinga tsha mbanbe iyo.

Miṱaṱisano ya vhugwena, ye ya farwa ubva nga ḽa raru u swika ḽa rathi Lambamai luvhandeni lwa Dal Josaphat ḓoroboni ya Paarl, yo sumbedzisa vhukoni ha vhaswa u mona na shango ḽashu. Sa nḓila yau pembela mvelelo dza Phethani, hovha na vhuṱambo hawe he ha farelwa tshikoloni nga Ḽavhuṱanu ḽa fumi-ṱahe Lambamai.

Lwendo lwa Phethani kha muṱaṱisano uyu wa vhugwena lwo thoma nga murahu hau fhenya kha miṱaṱisano ya tshiṱiriki ye ya farelwa tshikoloni tsha Louis Trichardt. O ḓou fhirela phanḓa uya kha muṱaṱisano wa vunḓu we wa farwa nga ḽa malo Ṱhafamuhwe luvhandeni lwa Oscar Mphetha, Bulugwane.

Phethani uri u fhedza vhunzhi ha tshifhinga tshawe o sedzana na zwa ngudo dzawe, na mishumo ya tshikolo. “Musi ndi siho hayani, ndivha ndi khou ita dzi nḓowenḓowe dzanga dza u gidima. Ndi tenda khauri zwamitambo zwi ḓo nthusa uḓi lugisela vhumatshelo hanga,” a engedza

Uri mitatisano ya vunḓu na ya lushaka yovha khaedu khae fhedzi u vhalwa vhukati ha vhathu vha khwine ndi khuliso khae. “Ndovha ndisa humbuli uri nga ḽiṅwe ḽa maḓuvha nṋe ṅwanayana wa vhupo ha mahayani ndi nga kona uya fhethu ha maimo nga yone mitambo,” a amba.

Phethani uri u livhuwa vhathu vhoṱhe vhe vha mu tikedza kha lwendo lwawe lwa u gidima. “Vhunzhi ha vhathu vho nṱuṱuwedza nau ntikedza uri ndi shume ndo ḓi imisela. Athi humbuli uri ndovha ndi tshi ḓo zwi kona nga ndoṱhe,” a amba.

Date:30 April 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 82