Asa Tee o anḓadza luimbo lune lwa pembela lufuno

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Ramuzika a takalelwaho nga vhathu vhanzhi, wa muzika wa Afro-pop Asakundwi Mulaudzi a bvaho Hamadala, ane a ḓivhea khwine nga ḽa Asa Tee kha nḓowetshumo ya muzika o anḓadza nyimbo yawe ine ya vhidzwa Maanḓa Manzhi. Nyimbo iyo, ye avha na ṱhanganyelano na JR Player, yo takalelwa nga vhathu lwe lwa swika khau lavheleswa kana u lidziwa nga vhathu vha paḓaho zwigidi zwa fumi-na-nthihi hu sa athu u fhela maḓuvha maṱanu lwo anḓadziwa. Luimbo ulu lwo anḓadzwa nga ḽa u thoma Luhuhi. Nyimbo iyi ndi yone ine yo no lidzeswa Venda mathomoni a ṅwaha uno wa 2024.

Lwendo lwa Asa Tee kha muzika lwo thoma nga ṅwaha wa 2013, fhedzi ngau ṱoḓa pfunzo ya khwine a vhea zwa pfunzo phanḓa. Nga ṅwaha wa 2020 o ḓou ṱhaphudza pfunzo dzawe kha dipiloma ya Public relations gudedzini ḽa Vaal Yunivesithi ya Thekinolonzhi. Zwa zwino ono anḓadza aḽibamu thangeli tharu, dzine dzavha ‘Lufuno Na Thonifho’ nga 2020, ‘Live your Life’ nga ṅwaha wa 2022, na ‘From Venda with Love’ nga ṅwaha wa 2023. Zworalo o no ḓi anḓadza nyimbo dzo imaho nga dzoṱhe kha minwaha iyi yoṱhe.

Luimbo lwa Asa Tee alu pembeleli tshifhinga itshi tsha lufuno fhedzi, lu dovha hafhu lwa sumbedzisa uri ndi ramuzika ane a khou aluwa kha nḓowetshumo ya muzika. Luimbo ulu lwa Maanḓa Manzhi lu amba nga ha vhuṱhogwa ha u engedza maanḓa kha vhushaka ha lufuno vhukati ha vhathu vhavhili, u ṱhogomelana na u fulufhedzea misi yoṱhe. “Vhathu vho lu takalela, nga murahu ha vhege nthihi fhedzi ndo mbvumbvusa vhathu nga luimbo ulu, lwovha lwo novha nyimbo i ḓivheaho kule na tsini,” vha amba.

Nyimbo iyi ndi ine ya tou ḓivhadza nga ha aḽibamu thangeli yawe ya ‘Mukundi’, ine ya ḓo anḓadzwa nga ṅwedzi wa Lambamai ine o shuma na vhoramuzika vha fanaho na JR Player, Mizo Phyll, Ramzeey, Sky Captain na vhaṅwe vhanzhi. “Rori ri khou shuma kha aḽibamu thangeli ya ṱhanganyelano na JR Player ṅwaha wo fhelaho nga ṅwedzi wa Thafamuhwe ravha ri kha vhushaka havhuḓi na vhafunwa vhashu, ndi he ra vhona zwi zwa vhuṱhogwa uvha livhuwa nga zwiṅwe zwa maṱhakheni. Nga u vhona uri kha sia ḽa masheleni a rongo ima zwavhuḓi, ra vhona uri muzika washu ndi wone une wa kona u ri ambela. Ndo takala vhukuma nga u shuma aḽibamu thangeli yanga ine ya khou anḓadzwa nga Lambamai. Ndi tenda uri na vhatevheli vhanga vha ḓo i takalela,” a amba.

Date:21 February 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 165