Maḓumbu na mvula khulu dzo sia vhadzulapo vhe si na vhudzulo

Tshiṱori nga: Kaizer Nengovhela na Bernard Chiguvari . Ṱhalutshedzo nga: Khathutshelo Raliphaswa.

Vhadzulapo vha Muraleni, kha vhupo ha Sinthumule vhamidi i paḓaho ya furaru vho xetshelwa nga vhudzulo nga murahu ha maḓumbu na mvula khulu ye ya na nga Mugivhela wa ḽa fumi Luhuhi. Mvula iyo na maḓumbu zwo sia dzi nnḓu dzo wa, ṱhanga dzo fuḓuluwa, na miṅwe miri yo tupuwa u mona na kusi uko. Huṅwe ha fhethu he havha na tshiyalelo ndi tshikoloni tsha nṱha tsha Tshirululuni ma linwela  la mavhemgele.

Vhadzulapo vha Muraleni, vhane vhunzhi havho vha shaya mishumo a vhango xetshelwa nga vhudzulo fhedzi, vho xetshelwa na nga ndaka dzavho. Nga matsheloni a Sondaha ya ḽa fumi-na-thihi, vhunzhi havho vhovha vha khou lingedza u phulusa ndaka dzavho u fana na nguvho dza u fuka, zwiambaro, na thundu dzavho na zwiṅwevho.

Munwe wa  tshipondwa ,Vho Rose Lisoga vho tshinyadzelelwaho nga nnḓu yavho ya phera dza sumbe, na ndaka dzoṱhe dze dzavha dzi nga ngomu afho nḓuni. “Maḓumbu a tshi thoma, ho fuḓuluwa ṱhanga yanga, zwe zwa sia mvula itshi nela dzi nguvho, thundu na zwiḽiwa. Zwa zwino ahuna masheleni ane nda ḓo shumisa u vhuedzedza ndaka yanga. Mashudu mavhuya ahuna we a huvhala, fhedzi ro sala ro shushea. Ro xetshelwa nga zwoṱhe na zwiḽiwa,” vha amba. Muṅwe wa vhathu vhe vha xetshelwa nga ndaka vha kusi uko ndi Vho Christina Rabaloyi, mualuwa vhe vha tshinyalelwa nga nnḓu yavho ya phera ṱhanu. Vhari vha humbula tshifhinga tsha musi maḓumbu a tshi thoma, vhathu vha tshi lila vha tshi ṱoḓa vhushavhelo.

Muambeli wa masipala wa tshiṱiriki tsha Vhembe (VDM), Vho Matodzi Ralushai, vhari vhathu vhe vha  tangana na  tshinyadzo iyi vha fanela u kwama mukoma na vha khantselara uri vha ḓi ṅwalise sa vhathu vhane vha ḓo liliswa. Vhari vha thimu ya vhulangi ha tshinyalelo kha VDM vho rumelwa kha vhupo hothe ho tshinyalelwaho uri vha ṱole tshiimo tsha tshinyalelo.

“Vha VDM na masipala wapo vha khou shuma vho ḓi nekedzela vho farisana na vhafaramikovhe uri vha kone u thusa miṱa yo tshinyalelwaho. Zwo ralo ri humbela uri na vhadzulapo vha thusane kha nyimele iyi,” vha amba.

Zworalo, vhunwe ha vhupo kha tshiṱiriki tsha Vhembe he havha na tshinyalelo nga maḓumbu na mvula e a itea nga Mugivhela, ndi Musina he miḓi i swikaho ḓana ya tshinyadzwa, vhadzulapo vho sala vho xetshelwa na ndaka dzavho u fana na zwiambaro, thundu, zwishumiswa zwa nḓuni na bambiri dza vhune dza vhuṱhogwa. Vhanwe vho tshinyalelwa nga zwiliwa.

Muṅwe wa vhathu vhe vha tshinyalelwa fhedzi vha hana u bulwa vha dzulaho Matswale Extension 10, vhari vho tshinyalelwa nga nnḓu ine hovha hu tshi dzula vhathu vha sumbe, hu tshi katelwa munna wa muholefhali na mualuwa wa minwaha ya furathi-nthihi. “Nga madekwana nga awara ya vhuṱahe, ro vhona maḓi atshi dzhena ngomu nḓuni kha phera dzoṱhe, he ra balelwa ua thivha. Zwo sia ndaka yashu yoṱhe yo ḓala nga maḓi nau tshinyadzea,” vha amba. Vhari vha muṱa vho vhudza mukhantselara vha wadi yavho, vhe vha vha fulufhedzisa u thusa fhedzi vha si vha thuse. “Ro ḓou ya u ḓi ṅwalisa nga ḓuvha ḽi tevhelaho kha vha tshumelo dza vhathu he vha ṅwalisa miṱa yoṱhe ye ya tshinyalelwa uri vha ḓou vha lilisa. Nga ḓuvha ḽeneḽo, ro ḓiselwa zwiḽiwa,” vha engedza.

Nedoro vha Musina Vho Godfrey Mawela vho dalela vhathu vho kwameaho nga Musumbuluwo vhe na tshigwada tsha vha vhulangi ha tshinyadzo. Vho Mawela vho humbela vhoramabindu, vha sekhithara dza phuraivethe, na vhaṅwe vhadzulapo uri vha farane zwanḓa na vha masipala kha u thusa vho tshinyalelwaho.

Uya nga muambeli wa masipala wa Makhado, Vho Wilson Dzebu, vhari ahuna u huvhala kana dzi mpfu dze dza ḓivhadzwa. Vhari masipala vho netshedza zwiḽiwa kha miṱa yo welwaho, zwine na zwino zwi khou bvela phanḓa.

Date:16 February 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 203