Vhadzulapo vha Itsani vho shushwa nga bulayo ḽa mudzulapo wavho.

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

U vhulawa lwa tshiṱuhu ha muṱhannga wa minwaha ya fumbili-raru, Eric Mukoma Thahala, wa Itsani nnḓa nyana ha Ṱhohoyanḓou nga Sondaha zwo sia vhadzulapo vho shushwa.

Uya nga muvhigo, Eric ovha a khouḓi mbvumbvusa na ṱhama dzawe kha vhengele li rengisaho zwnwiwa tshiwo itshi tshoitea nga maḓautsha a Sondaha, ḽa fumbili-malo Phando, musi hu tshi takuwa khuḓano vhukati hawe na tshigwada tsha vhaṅwe vhaṱhannga afho vhengeleni. Zwe zwa ṱuṱuwedza khuḓano iyo azwi athu u ḓivhea, fhedzi vhathu vha tsini vhari vha humbulela uri ndi mafhungo a zwa vhushaka ha lufuno na musidzanyana na vhaṱhannga avho.

Ṱhanzi dze dza zwi vhona nga maṱo, vhari hu vhonala Eric hu ene we a thoma khuḓano iyo. O ḓou ṱhaselwa a thathiwa afho vhengelemi nga vhanna vhasa ḓivhei, vhe vha mu sala murahu u swika ḓakani, he a ṱhavhiwa lwa tshivhalo. Tshitumbu tshawe tsho ḓou wanala nga murahu.

Mudzulapo we a hana u bulwa dzina, o ṱalusa bulayo iḽi sa bulayo ḽa tshiṱuhu ḽine aḽi athu u itea kha kusi kwavho. “Tshitumbu tshawe tshovha tshi na mbonzhe dza tshivhalo. Hovha ho ḓala malofha hoṱhe, khotsiawe vhori vha tshi swika, vha kundiwa nga vhuṱungu he vha wa nga upfa vhuṱungu,” vha amba.

Mudzulatshidulo vha davhi ḽa SANCO ya Itsani Matieni, Vho Michael Gumula, vhari u vhona vhaswa vha khou lozwa matshilo avho nga nḓila dzaurali zwi humisela mveledziso ya muvhundu wavho murahu. “Vhugevhenga kha muvhundu washu ndi zwithu zwine zwa itea zwi tshi ima. Ro no lozwa vhaswa vhanzhi nga hone vhugevhenga, zwihulu vhugevhenga vhune ha itea musi vhathu vha khou ḓi mbvumbvusa. Ovha mashudu uri rovha na maḓuvha a vhuawela a mulalo, hone rovha ri na fulufhelo ḽauri ṅwaha uno u ḓovha wavhuḓi kha muvhundu washu, fhedzi namusi ho itea izwi. Ri rumela na milaedza ya ndiliso kha vha muṱa. Ri dovha ra huwelela kha vhaswa uri vha ṱutshele zwikambi na zwidzidzivhadzi vha sedzane na ngudo dzavho,” vha amba.

Uya nga muambeli wa mapholisa Col Malesela Ledwaba, tshivhangi tsha bulayo atshi athu u ḓivhea hone tsedzuluso dzi khou bvela phanḓa. “Ho vulwa mulandu wa bulayo, fhedzi ahuna muthu ono fariwaho,” vha amba.

Ane avha na vhuṱanzi vhune ha nga thusa mapholisa u fara vhahumbulelwa, a nga founela Detective Sedzheni Vuledzani Radzilani kha 076 812 9567, kana vha founela nomboro dza lushaka dza 08600 10111, kana vha rumela mulaedza kha MySAPSApp.

Date:02 February 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 294