Onndwelani o vula bekhara ire yawe e na miṅwaha ya 18

Tshiṱori nga: Thembi Siaga. Ṱhalutshedzo nga Khathutshelo Raliphaswa.

Onndwelani Manganye, muswa wa miṅwaha ya fumi-malo a bvaho Itsani u khou ḓi sikela dzina kha sia ḽa vhoramabindu. Uyu ndi we a ḓou vula bekhara yawe ine ya vhidziwa uri Onndwelani’s Sweet House.

U aluwa e muthu ane a dzula na mme awe vhe vhavha vha tshi baka zwo mu tutuwedza uri a lwela u wedza ndoro dzavho dzine namusi dzo wedza. Ubva atshe muṱuku, Onndwelani ovha a tshi dzulela u vhona mme awe vha tshi baka zwibveledzwa zwiḓifhaho nau kunga, he a ḓi aluwa a tshi ṱuṱula vhukoni hawe hau baka zwibveledzwa zwine zwa ḓifha nau kunga maṱo a vhathu.

Nga murahu hau ḓi sikela dzina kha sia ḽau baka lwa miṅwaha i paḓaho mivhili, Onndwelani, e na miṅwaha ya fumi-malo fhedzi, oḓi wana u ṱuṱuwedzea uri a vule bindu ḽawe. Zwa zwino u mutumbuli mutshimbidzi wa bekhara ine yo bvelela hune a lavhelesana zwihulu ngau baka zwiḽiwa zwi fanaho na dzi khekhe, zwikontsi, na dzone dzi muffin.

“Tshenzhemo ye nda i wana ubva kha mme anga, vhane vhovha vha tshi baka ndi hanefho hone ndi tshe kha mirole ya tshikolo tsha fhasi, zwo ṱuṱula lutamo ngomu hanga. Lutamo kana dzangalelo iḽi ḽo  ḓou ntswikisa khauri ndi vule ḽanga bindu hune ndavha ndi tshi khou tikedzwa nga khaladzi anga na mme anga kha zwoṱhe zwine nda ita. Kha zwoṱhe zwine ra ita, ri ramba Mudzimu uri vha ri farise sa muṱa musi ri tshi tshimbidza bindu iḽi sa izwi vha tshi zwi ḓivha uri hunzhi dzi khuḓano miṱani dzi takuwa khau shumisana hune ha sala vhathu vhasiho kha fhungo ḽithihi,” a amba.

Orali e mugudiswa wa murole wa vhufumi-na-mbili, Onndwelani o no thola vhathu vhane vha swika vhavhili uri vha mu thuse khau tshimbidza bekhara yawe. “Nne ndi shuma nga mafhelo a vhege, hone zwiṅwe zwifhinga nda shuma vhukati ha vhege. Zwia nṱuṱuwedza uri ndi gude ndo ḓi funga kha pfunzo dzanga sa izwi ndi tshi zwi ḓivha uri ndi fanela u fhedza tshikolo nda ṱhaphudza pfunzo dzanga kha hospitality management (zwau bika),” a amba.

Bekhara yawe asi fhethu hune vhathu vha renga zwibveledzwa zwa u baka fhedzi, hu dovha hafhu havha fhethu hune a lavhelesana na zwibveledzwa kana zwiḽiwa zwau ṱoḓa fuḽauru. Naho zworalo, u tenda kha ḽauri ono ṱangana na dzi khaedu dza sia ḽa masheleni zwezwi e lwendoni lwawe lwa mabindu. “Zwine ndo no zwi guda ndi zwauri ramabindu muṅwe na muṅwe u fanela uvha muthu wa muhumbulo wa khwine khau shumisa masheleni nau ḓivha uri anga shumisa hani masheleni awe,” ua amba.

Date:02 October 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area. Thembi studied at the Tshwane University of Technology, where he completed his diploma in Journalism in 2021.

Read: 119