Muratho wau dzhena Limpopo wo tshinyadzwa u lwa na vhugevhenga

Tshiṱori nga Bernard Chiguvare. Ṱhalutshedzo nga Khathutshelo Raliphaswa.

U tshinyadzwa ha muratho kha mulambo wa Limpopo River nga Lavhuṱanu ḽa fumbili Khubvumedzi, we wavha u tshi shumiswa nga vhabvannḓa u ḓisa thundu na u dzhena vhathu na ubva Afrika Tshipembe, zwo ḓa sa tshimangadzo kha vhanzhi vhe vhavha vha tshi dzulela u shumisa muratho uyo. Zworalo vhadzulapo vha tsini vho ḓou amba zwauri vha vhona uri izwi zwi ḓo thusa kha u lwa na vhugevhenga vhune ha itea mikanoni

“Zwovha tshimangadzo, sa izwi ro shumisa muratho uyu nga Lavhuṋa hune ndi mulovha ha hone musi ri tshi dzhena Afrika Tshipembe,” hu amba muṅwe muthu we avha nyanḓadza mafhungo vha amba nae mathomoni a ino vhege. Vhari vhovha vha tshi dzulela u shumisa muratho uyo u fhira mulamboni. “Ro fanela u ita maṅwe maano, fhedzi ra vhona uri sa izwi husina maḓi madzhi ndi khwine ri tshi shumisa iṅwe nḓila ine ya touvha mithara miṱuku ubva kha muratho uyo we wa tshinyadzwa,” vha engedza. Vho amba zwauri vha tshe na nyofho yauri hu ngavha nau fariwa ha vhathu husongo lavheleleaho nga mapholisa.

Vha nyanḓadza mafhungo vho amba na vhathu vhare na tshivhalo vhane vha dzula tsini na mulambo uyo wa Limpopo River. Vhunzhi havho vho ṱahisa u vhilaela havho, hune vha tenda zwauri avho vhane vha dzhena kha lino shango ḽa Afrika Tshipembe vha tshi shumisa nḓila dzi siho mulayoni vha anzela uvha vha tshi khou endedza thundu na zwibveledzwa zwine zwavha zwi siho mulayoni hone vha ṱangula kha vhadzulapo vha Musina. Vhaṅwe vho ita nau pomoka vhaofisiri vha vhulindi ha mikanoni uri vha tenda zwiito zwa tshanda nguvhoni uri vha kone u fhirisa thundu idzo.

“Vhathu vha dzhena vhane vha bva Afrika Tshipembe vha tshi shumisa miratho ndi vhane vha vhilaedzisa kha mivhundu yashu. Vha ṱangula vha ṱuwa vha tshi shumisa fhethu hune ahungo ṅwalisiwa kana u tendiwa sa fhethu ha u bva nau dzhena, zwine zwa ita uri zwi konḓe u vha wana. Nne ndi vhona vhaofisiri vha vhulindi ha tsireledzo mikanoni hu vhone vhane vha tea u vhoniwa mulandu sa izwi vha tshi ṱanganedza masheleni a vhufhura. Asi u thoma hu tshi tshinyadzwa muratho, fhedzi vhathu vha ḓi bvela phanḓa nau shumisa miṅwe miratho,” hu amba Vho Sewani Kaunda, mudzulapo wa Musina.

Muṅwe mudzulapo wa Musina, vhe vhari vha vhidzwe Bra Solly, vho amba zwauri naho vhathu vha tshi ḓi dzhena kha shango ḽashu nga nḓila dza mulayo kana nḓila dzi siho mulayoni, vhatshe khaladzi na vhakomana kana vharathu vhashu sa izwi vha tshi ḓisa vhubindudzi kha vhathu vha Musina. “Thaidzo i thoma musi vha tshi thoma zwa u tswa nau shumisa nḓila dzisiho mulayoni musi vha tshi bva,” hu amba Vho Solly, vhane vha tenda zwauri avho vhane vha shumisa magondo asiho mulayoni vha ḓo fhaṱa muṅwe muratho, zwine mapholisa vha ḓo dzhia tshifhinga u vha wana.

Musi vha tshi vhudziswa nga ha maga ane a ḓo dzhiiwa u thivhela u fhaṱiwa ha miratho, Col Amanda van Wyk vho amba zwauri mapholisa vha ḓo dzulela uvha na vhusedzi, vha tshi lwa na vhugevhenga u khwaṱhisedza uri vhathu vhoṱhe vha tshila fhethu hune ho vhulungea kha vhathu vhoṱhe.

Uya nga Col van Wyk, u tshinyadzwa ha muratho zwovha tshipiḓa tsha fulo ḽa Vala Umgodi, fulo ḽine ndi ḽa muvhuso ḽine ndivho khulwane ndi u lwa na vhugevhenga ha zwiito zwa ugwa migodi zwiho mulayoni u mona na Afrika Tshipembe. Fulo iḽo ḽo thoma nga ṅwaha wa gidimbili fumbili-raru. Vhaofisiri vhane vha shuma kha fulo iḽi hu hu katelwa mapholisa, vha mmbi ya vhupileli ya Afrika Tshipembe, muhasho wa zwiko zwa mineral na mafulufulu, khathihi na vha muhasho wa muno.

Date:27 September 2024

By: Bernard Chiguvare

Bernard Chiguvare is a Zimbabwean-born journalist. He writes mainly for the online publication, Groundup.

Read: 24