Vha tshumelo ya dzi mbulungo vho laela uri vha badela R60,000 ya ndaṱiso.

Tshiṱori nga Thembi Siaga. Ṱhalutshedzo nga Khathutshelo Raliphaswa.

Vha dzangano ḽa dzi mbulungo Vhembe vho bvisa nyandadzo yau kaidza nau tsivhudza vhathu uri vha dzulele u tevhedza milayo, vha tshiri arali vha sa tevhedza milayo vha nga fhedzisela vhe dzhele. Iyi tsivhudzo yo anḓadza nga murahu ha mulandu we ha ḓou badelisiwa masheleni a ndaṱiso a paḓaho R60,000 nga nṱhani hau pfukha milayo ya Financial Advisory and Intermediary Services (FAIS)

Vhege mbili dzo fhiraho, vha khothe ya makwevho ya Giyani yo ḓou ṋea nda yela yauri vha ET Funeral Scheme CC vha badele masheleni a ndaṱiso a R60,000 kana vha dzule minwaha ya rathi vhe dzhele malugana na zwiito zwa vhufhura, na iṅwe R10,000 kana miṅwaha miraru vhe dzhele malugana nau pfukha mulayo uyo.

Vho Mashudu Malabi-Dzhangi, muambeli wa ndaulo ya vhutshutshisi Limpopo, Vho amba zwauri khamphani na Vho Netshakhuma vho tenda mulandu, he vha tenda zwauri vhukati ha ṅwaha 2005 na 2019,vho shuma kha tshikimu tsha dzi mbulungo Hamakuya, nnḓa nyana ha Ṱhohoyandou vhasina thoḓea kana u nwaliselwa u shuma sa mu ṅwalisa wa tshifhinga tshipfufhi.

“Muḓisi wa mbilaelo, Vho Ndidzulafhi Tshikororo, vho fhuriwa masheleni a linganaho R14,875 nga murahu hau vhudziwa zwauri nga nyambo wa milayo miswa, vha ET Funeral Scheme avha tsha ṋea vhathu masheleni. Vho Tshikororo vho vha vho badela masheleni ubva 2005 u swika 2019, hune vhovha vha tshi khou lavhelela u badelwa R5,000 ine a vhango bva vhoiwe wana.

Nga tshifhinga tsha u gwevhiwa, muimeleli muhulwane vha muvhuso Vho Martin Molokwane vho dzinginya  ḽauri ahu badelwe masheleni a ndaṱiso nau gwevhiwa, fhedzi Vho Netshakhuma vho ḓi bvela phanḓa nau fhura vhadzulapo vha lilaho.

U gwevhiwa havho ho ṱanganedzwaho nga vha dzangano ḽa la matshimbidzi vha dzi mbulungo vha Vhembe. Muambeli wa dzangano, Vho Robert Mangenge, vho kaidza na vhaṅwe vhane vha ita zwa vhufhura uri vha ḓo ṱangana na ṱhamu i fanaho na iyi.

“Ri kha bindu ḽa dzi mbulungo hone ri fanela u fhulufhedzea kha miṱa yo welwaho. Ri khou vhiledzwa ngauri vha zwa dzi mbulungo vha vhufhura vha khou fhura vhathu vha vhupo hashu. Vha fanela uzwi ḓivha zwauri ḽiṅwe ḓuvha vha ḓo fhedzisela vhe dzhele. Ri dovha hafhu ra ita khuwelelo kha vhathu uri vha vhe na vhusedzi kha vha dzi mbulungo vhane vha ḓi ṅwalisa khavho uri na vho nwaliswa kha Financial Services Board (FSB),” vha amba.

Date:26 September 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 26