Mulangi wa mitambo yapo Thendo Makhavhu vho khethiwa u langa mitambo ya PSL

Tshiṱori nga Frank Mavhungu. Ṱhalutshedzo nga Khathutshelo Raliphaswa.

Vha dzangano ḽa SAFA Vhembe ḽa dzingu vho bveledza hafhu muṅwe malogwane wa mitambo ya ḽigi ya nṱha yabola yamilenzhe Afrika tshipembe.  Thendo Makhavhu okhethiwa uri vhavhe kha mutevhe wavhologwane vha mitambo vhane vha ḓo tshimbidza mitambo ya ḽigi ya Premier Soccer League (PSL) na mitambo ya ḽigi ya vhugwena ya Motsepe Founadtion kha khalanwaha ine ya khou tevhela.

Buḓo ḽa Vho Makhavhu ḽo thoma nga ṅwaha wa 2011, vhe na minwaha ya fumi-rathi. Vho ḓou aluswa ubva kha dzangano ḽa mitambo ya bola ya milenzhe uya khau langa mitambo kha luṱa lwa dzingu zwoṱhe izwo nga ṅwaha muthihi. Nga ṅwaha wa 2020, nga tshifhinga tsha u ṱaha ha vhulwadze ha Covid-19,vho ḓou aluselwa uya u langa mitambo ya ḽigi ya ABC Motsepe.

Vho Makhavhu vho no langa mitambo ya mbambe i fanaho na ya MultiChoice/Diski. Mutambo we vha thoma u langa hovha wa vhukati ha thimu ya Kruger na Dondol Stars kha mitambo ya makhaulatshele a lushaka kha vunḓu ḽa Northern Cape nga ṅwedzi wa June uno ṅwaha.

Vho amba zwauri mutambo une vho u funesa hovha mutambo wa hayani wa vhukati ha Dolphin na Magezi kha mitambo ya makhaulatshele ya mitambo ya vunḓu nga ṅwaha wa 2020.

“Ndo ḓi imisela u thusa vhaswa na uvha ṱuṱuwedza uri vhavhe vhathu vha mitambo vhathu vha mitambo uya ngau fhambana,” vha amba. “Ndi dzulela u vhudza vhathu ure vhavhe na mafulufulu kha zwine vha ita, hungavha hu kha zwa pfunzo kana zwa mitambo na mishumo,” vha amba.

 Makhavhu o dovha hafhu a livhuwa vhathu vhevha vha thusa, vha tshi katela na mugudisi wa kale Vho Frederick Nyambeni, vhe vha muthusa nga ha maitele au fhambana kha masia au fhambana vhutshiloni. Vho ṱahisa zwauri Vho Nyambeni vhovha ṱuṱuwedza uri a dzulele u lavhelesana na mushumo wawe musi a tshi langa mitambo nauri a dzulele u lugisela mitambo yawe musi mutambo u saathu u swika. Makhavhu o amba zwauri ndivho yawe ndi u langa mitambo ya u mona na ḽifhasi kha miṅwaha miraru ine ya khou tevhela.

Date:26 September 2024

By: Frank Mavhungu

Frank is a Human Resources Manager at the Department of Public Works in Limpopo. He is the longest serving correspondent of the Mirror, having joined us at the end of 1990.  He mainly writes sports reports and resides at Tsianda Village. In 2004, Frank won the National Castle League Award, an award for the best reporter in the SAB league in South Africa.

Read: 96