Vho Neluonde vho rwela ṱari dzhendedzi ḽavho

Tshiṱori nga Victor Mukwevho Ne-vumbani. Ṱhalutshedzo nga Khathutshelo Raliphaswa.

Vho Vhulenda Neluonde, muṅwe wa vhatambi vha matambwa kha vhupo hashu vhane vha na tshenzhemo, vha vha mupfhumbudzi wa vhatsila, na mualusi wa vhoralunako, vho vula dzhendedzi ḽa zwau pfumbudza kha zwa matambwa kha kusi kwa Khubvi. Dzhendedzi iḽo, ḽi vhidzwa Mr Voice Casting Agency, hune ḽo riniwa dzina hu tshi tevhedzwa dzina ḽavho ḽa luvhanḓeni, “Mr Voice.”

Vho Neluonde ndi vhane zwa zwino vha khou tambwa kha ḽitambwa ḽine ḽa funwa nga vhanzhi kha SABC 2, Muvhango.

Nga tshifhinga tsha nyambedzano na vha nyanḓadza mafhungo, vho amba zwauri hu na thoḓea ya vhatambi vha matambwa vha minwaha ya u bva kha miraru u swika kha vhaholi vha mindende. “Hu na thoḓea dza vhatambi vhane vhavha vha minwaha i fhiraho furathi zwa zwino. Ndi ngoho zwauri vhumatshelo ha matambwa vhu zwanḓani zwa vhaswa, fhedzi hu ḓivha na thoḓea ya vhathu vhane vha na tshenzhemo kha masia au fhambana vhutshiloni,” vha amba.

Musi vha tshi vhudziswa nga ha tshiteṅwa tshavho kha Muvhango, vho ṱalutshedza zwauri vha mubvumbedzwa ane ndi muofisiri wa mapholisa vhe vha ḓou fara Dr Nonhlanhla Ximba, vhane kha ḽitambwa iḽi ndi dokotela wa kale vhane vha tambiwa nga mutambi wa matambwa Leleti Khumalo. Leleti Khumalo ndi ea ita ṱhoho dza mafhungo nau takalelwa nga vhathu musi e Sarafina kha ḽitambwa ḽa polotiki nau lwela mbofholowo na pfunzo nga vhagudiswa ḽa Sarafina khathihi na kha ḽitambwa ḽa Yesterday.

Date:23 September 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 136