Muṅwali wa bugu dza Tshivenda vho huliswa

Tshiṱori nga Silas Nduvheni. Ṱhalutshedzo nga Khathutshelo Raliphaswa.

Muṅwe wa Vhaṅwali vha kale vha bugu dza Tshivenḓa, Vho Ndivhudzannyi Emelinah Sigogo, vha khou ṱuṱuwedza vhaswa uri vha thome u ṅwala dzi bugu nga lulimi lwa ḓamuni nau ita khuwelelo khavho uri vha gude kha vhaṅwe vhahulwane vhare na tshenzhemo ya khwine vhane vha ṅwala musi vha tshe hone vha khaḓi tshila.

Vho Sigogo vha minwaha ya fusumbe-ṱhanu, vhane ndi mudededzi vho no nothaho vha bvaho muvhunduni wa Ngweneni Hathemeli, hune havha nnḓa nyana ha Ṱhohoyanḓou, vho huliswa nga vha muhasho wa mitambo, vhutsila na mvelele nga Lavhuṋa ḽa fumbili-mbili Ṱhangule, nga tshiphuga tsho khetheaho.

Bembela ḽa vhafumakadzi kha maṅwalo ḽo farelwa Christian Fellowshp Centre hone ho dzhenelela vharangaphanḓa vha sialala vha vhuponi, vhaṅwali vha Tshivenḓa, vha ḓivhi vha tshikolo, na neḓorobo vha masiapala wapo wa Thulamela, Vho Athongozwidivha Sarah Rambuda. “Ri ṱuṱuwedza vhagudiswa vha zwikoloni zwa vhupo hashu uri vha shume vho ḓi imisela nau dzhiela nṱha pfunzo, uri vha kone u takula vhupo vhu fanaho na Ngwenani ya Hathemeli nṱha, nauri kha vhupo hashu huvhe na vhaṅwali vha dzi bugu vha khwine vhane vha bveledzwa dzi bugu nga luambo lwa Tshivenḓa,” vha amba.

Vho Sigogo, vhovha mugudiswa wa tshikolo tsha nṱha tsha Tshivhase nga minwaha ya 1960s, he vha humbula vha tshi ṱuṱuwedzwa nga vhaṅwali vha khwine u fana na munnaavhane Vho Titus Ntsieni Maumela, Vho Ethian Silas Madima, na Vho Asnath Khuba.

Nga ṅwaha wa 2022 nga ṅwedzi wa Lara, Vho Sigogo vho huliswa nga tshiphuga tsha Golden Shield Heritage nga vha ndaulo kana khoro ya lushaka ya vhufa.

Mulangi mufareli wa tshumelo dza luambo kha muahsho wa mitambo, vhutsila na mvelele, Vho Tshifhiwa Netshifhefhe, vho amba zwauri Vho Sigogo ndi muṅwe wa vharangaphanḓa vha maṅwalo a Tshivenḓa hone vho no shela mulenzhe zwihulu kha mveledziso ya luambo lwa Tshivenḓa. Vho dovha hafhu vha vha hulisa nga kha u thusa u vhulunga sialala ya Vhavenda nau funza murafho muswa uri vha ṱhonifhe vhathu vhahulwane.

Muṅwe wa vhaambi kha vhuṱambo uhu hovha, Vhamusanda Vho Mutulagole Nyamande, vho ḓivhadza pulane dzau fhaṱa hune dzi bugu dza Vho Sigogo dza Tshivenḓa dza ḓo bveledzwa nau itwa khungedzelo hone. Vho dovha hafhu vha amba nga ha u shumisa dzina ḽavho u nea Tshiṱaraṱa tshine tsha swikisa nḓila muḓini wa Vho Sigogo hanefho kha muvhundu wa Ngwenani Hathemeli, sa nḓila yau livhuwa mishumo yavho.

Date:11 September 2024

By: Silas Nduvheni

Read: 93