Tshikolo tsha vhana vha sa vhoni tshi tsini nau fhela u fhaṱwa

Tshiṱori nga Thembi Siaga (GroundUp). Ṱhalutshedzo nga Khathutshelo Raliphaswa.

Tshikolo tsha Rivoni tsha vhana vhane vhavha na khaedu yau vhona tshine tsha wanala Hanjakanjaka kha tshiṱiriki tsha Vhembe tshine tshavha na vhagudiswa vha swikaho ḓana furathi-sumbe vhane vha bva kha murole wa R u swika kha murole wa vhafumi na vhuvhili. Tshikolo itsho tsho thoma nga nwaha wa 2016 nga vha sosaithi ya Rivoni for the blind, hone tsho tumbulwa nga Fulwi 1975 vhuongeloni ha Elim nga munnaavhane vha Swiss Vho Erwin Sutter. Vha sosaithi ndi vhe vha ḓou nea vhuḓifhinduleli hoṱhe nga muhasho wa pfunzo.

Namusi, zwifhaṱo zwe zwavha zwonovha dzakale  hone hu phera dzau gudela dza vhagudiswa na phera dzau eḓela dzo no tshinyala tshoṱhe, hune havha na tshinyalelo fhasi. Vhagudiswa na vhagudisi vhavho shumisa pherakhwalwa sa mabunga.

Tshikolo itshi ndi tshithihi tsha zwikolo zwa rathi hune ha ṱanganedzwa vhagudiswa vhane vhavha na khaedu dzau vhona na vhane avha vhoni tshoṱhe. Tshikolo itsho tshi bveledza  100% khabvelele dzamatiriki ṅwaha na ṅwaha hune ndi tshiṅwe tsha zwikolo zwa khwine kha vunḓu ḽa Limpopo.

Nga ṅwaha wa 2019, vhagudiswa avho vho gwalaba vha vala bada ya R578, vha tshi ṱoḓa uri vha muhasho wa pfunzo Limpopo vha lugise tshikolo itsho.

Nga Fulwi 2021, thandela ya masheleni a paḓaho miḽiyoni dza R168 yo ḓou netshedzwa vha Clear Choice Builders. Duvha lau fhedza ha mushumo wa thandela iyo hovha ho vhetshelwa uvha 17 Fulwi 2024. Tshikolo tshiswa ndi tshine tsha katela ofisi ntswa dza vhashumi, vhudzulo, vhudzulo ha vhalangi vha madzulo a vhagudiswa, fhethu hau awela, fhethu hau ḽela, zwigwada zwivhili zwa dzi phera dzau gudela hure na phera dza 17, zwigwada zwivhili zwa mabunga, na fhethu hau pfumbudzwa hone.

Fhedzi thaidzo malugana na mbadelo dza vhashumi na vhashumi vha dzi thandela zwo ḓou lengisa mushumo. Thandela yapo vho amba zwauri vho litsha fhethu afho ngauri mbadelo khavho dzovha dzi sa swiki u badela vhashumi vhavho. “Vhaṅwe vha vhorathendara vho ḓou litsha mushumo nga nwambo wa khaedu iyo,” vha amba.

“Zwovha zwi songo leluwa u shuma afho, hovha husina zwishumiswa, mbadelo dzi tshi lenga, hone muholo u fhasi,” hu amba muṅwe wa vhashumi vha kale afho Rivoni.

Musi vha GroundUp vha tshi dalela fhethu afho nga ḽa fumbili Ṱhangule, vho wana vhashumi vhe hone, hone vha tshi khou suka daka ḽau fhaṱa. 

Mulangi wa vhulangi ha Clear Choice Builders Vho Sipho Manonga vho hanedza zwauri hovha na thaidzo na dzi mbadelo. Vho amba zwauri vhashumi na vhodzithendara vho badelwa hone mushumo ndi une wavha tsini nau fhela. Vho amba zwauri tshikolo itsho ndi tshine tsha khou lavhelelwa u fhela nga ṅwedzi wa Nyendavhusiku ṅwaha uno.

Vho Mosebjane Kgaffe, vhane vhavha muambeli wa muhasho wa pfunzo fhano kha vunḓu ḽa Limpopo, vho amba zwauri vhovha vha sa ḓivhi tshithu nga ha u lenga ha dzi mbadelo.

“Ari athu upfa tshithu nga ha u lenga ha dzi mbadelo, hone na u tshinyala kha dzinwe dza dzi phera dzau gudela dzine dza khou vhangela vhagudiswa thaidzo,” hu amba mudzulatshidulo wa khorombusi, Vho Elias Mathimane.

Tshiṱori tsho ṅwaliwa kha GroundUp u thoma.

Date:05 September 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 249