Vha muta vhari u neiwa beili ha muhwelelwa zwi khou vha tshilisa nga nyofho

Tshiṱori nga. Ṱhalutshedzo nga Khathutshelo Raliphaswa.

Vha muṱa wa musadziavhane we avha e murangaphanḓa wa khwairi ya kereke na ramabindu, Vho Funanani Patince Mbedzi, vho sala vho shushea nau akhamala vhege yo fhiraho musi vha tshi ḓivhadzwa nga ha u wana beiḽi ha muhwelelwa khabulayo lawe. Vhaṅwe vha muṱa uyo vhari vhavho ofhela matshilo avho hone vho pfulutshela fhethu hune vhari vha pfa vho vhulungea.

Vho Eric Avhapfani Mundalamo vho ḓi vhonadza zwiṱuku khothe ya madzhisiṱiraṱa ya Waterval nga Lavhuraru ḽa fumbili-thihi Ṱhangule. Vha khou hweswa mulandu wa u thuntsha vha vhulaha mufumakadzi wavho wa kale musi e kati na u rangaphanḓa khwairi kerekeni nga tshifhinga tsha tshumelo ya kereke nga ḽa furaru Thafamuhwe ṅwaha uno. Tshiwo itsho tsho itea kerekeni ya Precious Blood of Jesus Christ fhaḽa Makonde, Shadani.

Vha khothe khulwane ya Ṱhohoyanḓou, ine ya khou farelwa khothe ya madzhisiṱiraṱa ya Waterval, vho pfa nga ha khumbelo yau sedzuluswa ha khumbelo ya beiḽi ya Vho Mundalamio. He vha ḓou lungululwa nga beiḽi ya R25,000 hone vha ḓo ḓi vhonadza hafhu khothe nga ḽa furaru Khubvumedzi. Zwa zwino ahu ḓivhei ndayo kana maga e a vhewa malugana na beiḽi iyi ya zwino.

Hu pfala uri vha muṱa wa ha Mbedzi vhovha vha sa ḓivhi nga ha khumbelo ya beiḽi. Musi vha tshi ḓivhadzwa nga Lavhuṋa, murathu wa mupondiwa, Vho Lienet Mbedzi Mudau, vho ḓou khaula tshililo vha tshi pfa zwe vha ḓivhadzwa zwone. “Naa vha khou amba nga ha mini?” vha vhudzisa.

Vha muṱa vho ḓou founela muimeleli wavho, vhe navho vha ḓou amba zwauri avha ḓivhi nga ha mafhungo ayo. Muimeleli wavho vho ḓou tea u wana zwidodombedzwa ubva kha vhaṅwe vhashumisani vhavho vha vhaimeleli.

Nga murahu hau ḓivha nga ha u lungululwa ha Vho Mundalamo, vha muṱa vho ḓou dzhia ṅwana wa mupondiwa Vho Patience Mbedzi, Mulalo Mundalamo, vha ya u mu dzudza kule, nga hone u ofha uri anga huvhadzwa nga muhwelelwa. “Zwa zwino ro dzula hune rapfa ro tsireledzea. Houla munna una mbilu ya tshiṱuhu lune o thuntsha a vhulaha mufumakadzi wawe, phanḓa ha tanzhe ḽawe wa musidzana, Orifhatutshedza Mpfuni, e avha a khou pembela na mme awe luvhanḓeni musi vha tshi thuntshiwa vha lovha. Mudzimu wa tshilidzi, na zwino ri vhane vha ḓo zwi ita hani zwino?,” hu amba Lienet Mudau.

Nga murahu hau femuluwa huhulu, vho ḓou engedza zwauri vha muṱa vhovha vha sa ḓivhi nga ha khumbelo ya beiḽi ya Vho Mundalamo sa izwi maitele azwo hovha hu zwine vha vhona uri zwovha zwa tshiphirini. “Ari ḓivhi nauri uḓo dzula ngafhi zwa zwino sa izwi o bva nga beiḽi, kana uḓo dzula fhethu hure vhukule vhungafhani na rine sa izwi ro banda zwa zwino,” vha amba.

Zworalo, vha vhulangi ha tshiimiswa tsha Real Man Foundation, Vho Itani Calvin Nenguda, vho ṱahisa u akhamala havho nga nḓila ye khumbelo ya beiḽi ya tshimbidzwa ngayo hone vho amba zwauri vho kwama vhaimeleli vhavho vha tshi ita khumbelo yauri vha sedzuluse tsheo ya muhaṱuli. Vho amba zwauri khumbelo yau sedzulusa ndi ya tshihaḓu sa izwi vha muṱa vho shushea nau tshila vhe na nyofho.

“Sa tshiimiswa, ro no vhudzisa minisiṱa wa zwa vhulamukanyi na mulangi muhulwane wa vhulamukanyi uri vha dzhenelele,” hu amba Vho Nenguda.

Date:02 September 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 115