Makhadzi u khou imedzana na Royal Gardens

Ṱhalutshedzo nga Khathutshelo Raliphaswa.

Ramuzika a funeaho wa Limpopo, Makhadzi, o dovha hafhu u vhuya khau ita ṱhoho dza mafhungo zwi tshi tevhela u dzudzanya hawe bepha ḽawe nga ḓuvha ḽithihi na bepha ḽa Phalaphala FM Royal Heritage, izwo zwo ḓa nga murahu hau kundelwa u swika kha ḽithihi kha sia ḽa dzi mbadelo vhukati ha Makhadzi na vha Phalaphala FM Royal Heritage. Izwo zwo sia vhatevheli vhafuni vhawe vho kulea nungo ngauya kha bepha. Izwo zwo sia Makhadzi a tshidi dzhiela tsheo yau ita bepha ḽawe.

Makhadzi u ḓovha na vhuṱambo fhethu huraru nga ḓuvha iḽo, Madombidzha Highway vhuponi ha Sinthumule hudivhea khala Western, Vuwani The Exclusive, na huṅwe hu songo bulwaho dzina vhuponi ha Nzhelele. Kha bepha ḽawe hu ḓovha na vhaimbi vha fanaho na AsaTee, King Mizo Phyll, Karishma, Skomota na mufunwa wawe wa kale ramuzika Master KG.

Usa swikelela ḽithihi kha mbadelo ha Makhadzi na vha bepha ḽa Phalaphala zwo sia zwo vusa nyambedzano vhukati ha vhathu nga ha tshiimo tsha masheleni a vha bepha iḽo, zwihulu sa izwi vho xetshelwa nga vhalambedzi vhahulwane vha bepha. Nga ṅwaha wa 2017, bepha ḽa Nandoni Royal Gardeens ḽo wana R10 miḽiyoni ubva kha vha tshikwama tsha khomishini ya zwa lothari ya lushaka (NLC) na R5 miḽiyoni ubva kha bannga yo faho ya VBS. Zworalo, husi tshena masheleni aya, vhathu vha aḓi vhudzisa uri naa bepha iḽi ḽi ḓo vhuya ḽa kona u vhuelela kha vhuimo haḽo ha kale kana u thomani naa.

Izwo zwoṱhe zwo thoma nga Lavhuṱanu ḽa mbili Ṱhangule, musi hu tshi anḓadzwa mutevhe wa vhaimbi vha bepha ḽa Royal Heritage, zwa sia vhathu vha tshi gungula nga u savha hone ha Makhadzi. Vhaṅwe vho ḓi humbula zwauri a ngavha e ene muimbi wa tshidzumbe, fhedzi Makhadzi a ḓouya kha Facebook u vhudza vhathu nga ha zwine zwa khou itea. Kha mulaedza wawe wa vhatevheli vhawe Khadzinators, o ṅwala zwauri:

“Aa KHADZINATORS.

Athi khouya Royal ngauri vhari avhana masheleni o linganaho.Di khou amba u itela uri vhatevheli vhanga vha songo pfa unga ndoto kola, kana ndivho kola.  

Ndi khou vhona honovha na vhathu vhane vhono thoma u ntshinya dzina khavhatevheli vhanga. Makhadzi ndi Makhadzi wa lushaka honoula asa shumi asa holi. 

Sa muṅwe wa vhaiti vha madikita anonga Makhadzi 'One Woman Show', ine ya ḓo farelwa Peter Mokaba Stadium nga ḽa 21 Nyendavhusiku. Ndia zwipfesesa uri vhalambedzi avha kombetshedzwi uwana muimbi vhasina masheleni o linganaho. 

21 Nyendavhusiku Peter Mokaba Stadium. Kha vharenge dzi thikhithi. Aa"

Naho nyanḓadzo iyo ya Makhadzi i songo tou bvisela khagala u savha hone hawe, zwo ḓi ṋea vhathu mihumbulo yauri izwo ndi zwone zwine zwa khou ita uri avhe na ḽawe bepha nga ḓuvha ḽithihi na ḽa Royal Heritage. Khuḓano vhukati ha Makhadzi na vha Royal Heritage ndi zwine zwo ḓowelea vhukati ha vhoramuzika na vhadzudzanyi vha mabepha, musi nyambedzano nga ha mbadelo dzi tshi fhela nga nḓila dzisi dzavhuḓi. U fhira u tenda kha zwe vhadzudzanyi vhovha vha khou ṱoḓa u mu ṋea zwone, Makhadzi o ḓou nanga u dzudzanya ḽawe vho bepha ḽine ḽa vhonala ḽi tshi ḓo tshimbila zwavhuḓi, hune na vhaimbi vha bepha iḽo, hu vhane vha mbvumbvusa vhathu vha fushea. “

Promatick Mulaudzi, mudzudzanyi wa vhuṱambo na mabepha ḓivheaho a bvaho kha Pro-Hustler o ṱahisa hawe vhupfiwa he a amba zwauri:

“Sa mudzudzanyi wa mabepha na vhuṱambo, ndia pfesesa zwine zwa ḓa nau badela vhoramuzika uri vha ḓe bephani ḽau nau tevhedza mugaganyagwama wo vhewaho. Musi ndi tshi rwela vha Phalaphala zwanḓa kha zwe vha ita u lingedza u sumbedzisa mpho dza vhaimbi vha hayani, zwi touvha khagala uri u savha hone ha Makhadzi zwi ḓo pfiwa nga vhanzhi. Zworalo ha, tsheo ya Makhadzi yau fara ḽawe bepha nga ḓuvha ḽithihi na vha Phalaphala ndi nḓila yavhuḓi kha zwa vhubindudzi zwine azwi solei, sa izwi e muthu ane zwa zwino a khou ṱoḓiwa fhethu hunzhi.

Ṱhanwe ngavhe vha Royal Heritage vha lingedze u wana dziṅwe nḓila dzau wana thandululo vhukati havho na Makhadzi kana vha bvisele vhatevheli khagala malugana na usavha hone ha Makhadzi. Zworalo, tsheo ya Makhadzi yau ṱoḓa u ḓi vhuyedza kha sia ḽa masheleni nga nṱhani hau ḓivhea hawe zwia pfesesea, fhedzi zwi nga vhonala sa u furalela bepha ḽe ḽa thusa khauri a ḓivhee nau takutshedza ha lwendo lwawe kha zwa muzika. Sa muthu ane a ima vhukati, ndi takalela uri ḽiṅwe ḓuvha Makhadzi na Royal Heritage vha vhuye kha ḽithihi nau vhea phanḓa vhatevheli na zwine vha takalela. U bvelela ha Royal Heritage na Makhadzi zwo tikwa nga zwezwo.”

Sa zwezwi ḓuvha ḽi khou sendela, khuḓano vhukati ha bepha ḽa Makhadzi na vha Nandoni Royal Gardens zwo sia vhatevheli vhe kha vhupfiwa hau fhambana. Vhunzhi ha vhathu vha Limpopo vho lindela nga maṱo matsuku uri vha vhone uri naa ndi nnyi ane aḓo kunda muṅwe. Zwine wa touvha khagala ndi zwauri vhatevheli vha Makhadzi vha ḓo mbvumbvuswa nga nḓila ya maṱhakheni, zwi si na ndavha uri bepha iḽo ḽi ḓo farwa ngafhi.

Date:20 August 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 347