Munei u khoudi sikela dzina kha ndowetshumo ya zwiambaro

Tshiṱori nga Maanda Bele. Ṱhalutshedzo nga Khathutshelo Raliphaswa.

Munei Nematei a bvaho Thohoyandou u khou ḓi sikela dzina kha nḓowetshumo ya zwa u bveledza zwiambaro, hune a khou kunga maṱo a vhanzhi nga nḓila dzine a bveledza ngayo zwiambaro zwawe.

Munei wa minwaha ya fumbili-mbili ndi mutumbuli na muhumbulo murahu ha ḽimaga ḽa zwiambaro zwa ‘Yowgaty’. Naho o gudela buḓo ḽa zwa mobile application na web development gudedzini ḽa Rosebank, o ḓou shandula buḓo ḽawe a sedzana na zwa u bveledza zwiambaro.

Lwendo lwa Munei kha zwau bveledza lwo thoma nga ṅwaha wa 2017 musi e kha murole wa vhumalo. Ubva tshetsho, o no ambadza vhathu vha ḓivheaho u fana na ramiswaswo na muhashi Mpho Popps wa “Podcast and Chill” na ramuzika afanho na, Dr Malinga. “U shuma na vhaḓivhalea zwi ḓisa zwiṅwe zwikhala zwau sumbedzisa bono ḽo khetheaho na vhuleme ha zwibveledzwa zwanga. Vhuḓifulufheli havho kha nṋe zwi amba zwinzhi kha nṋe na mushumo wanga,” a amba.

U bva tshe ya tumbulwa, Yowgaty yo ima khau sika nau tshimbila na zwine zwavha zwi khou itea kana u ambarwa nga zwifhinga zwenezwo. “Labi ḽiṅwe na ḽiṅwe ḽi sikelwa u amba tshiṱori nau tendela muambari uri vha ḓi sumbedzise zwine vhavha zwone vhone vhane nga nḓila yo khetheaho,” hu amba Munei.

O ṱuṱuwedzwa nga madzina mahulwane u fana na Galxboy, Boys of Soweto, Maxhosa na Louis Vuitton, fhedzi u tenda khauri ndi zwa vhuṱhogwa uri muthu avhe na zwine zwavha zwawe. “U vhona vha tshi bvelela zwavhuḓi kha mishumo yavho zwi nṱuṱuwedza uri na nṋe ndivhe na mihumbulo miswa yauri ndi takule tshiimiswa tshanga,” a amba.

Naho atshi ṱangana na khaedu dza masheleni, Munei utshe oḓi imisela kha lwendo lwawe. “Zwo khetheaho nga Yowgaty ndiuri ndi tevhela u khwaṱha ha labi, husina ndavha uri hu itea mini. Ndi nga namba nda kundelwa u bveledza u fhirisa u bveledza zwithu zwi songo khwaṱhaho,” a engedza.

Date:16 August 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 109