Mutshudeni wa Univen u khou rwelwa zwanda nga u wana hawe dzilafho la u lwa na HIV.

Tshiṱori nga Maanda Bele. Ṱhalutshedzo nga Khathutshelo Raliphaswa.

Tendani Matamela wa minwaha ya fumbili-ṱhanu a bvaho Nzhelele, Dopeni ane avha mutshudeni wa masiṱasi na mudzulatshidulo wa muhasho wa zwa Biochemistry na Microbiology Yunivesithy ya Venda (UNIVEN) u khou ḓi sikela dzina kha nḓowetshumo ya vhorasaintsi nga ṱhoḓisiso yawe ya zwa dzilafho ḽine ḽa lwa na tshidzhili tsha HIV.

Ubva atshe muṱuku, Matamela ovha a tshi dzulela u sumbedza e na dzangalelo na zwa dzi saintsi hone atshi ṱoḓa u pfesesa nḓila dza vhutshilo na nḓila ine zwithu zwa shuma ngayo zwi zwi zwituku. Dzangalelo ḽawe ḽo ḓou muswikisa kha u dzhia buḓo ḽa zwa microbiology na biochemistry, zwine a sedzana na nḓila dzau fhambana muvhunduni wa hawe Wanzhelele, Dopeni.

“Ndovha ndi tshi dzulela u funa saintsi hone ndi tshi ṱoḓa u pfesesa nḓila ine zwithu zwiṱuku zwi fanaho na zwitzhili zwau fhambana, zwine ari koni u zwi vhona nga maṱo, na nḓila dzine zwiswika kha uri zwi vhange malwadze,” a amba.

Zwe zwa ṱuṱuwedza Matamela uri a lavhelesane na zwa tshitzhili tsha HIV ndi u vhona nḓila ine HIV ya kwama ngayo vhathu, hune ya kavha miḽiyoni wa vhathu u mona na ḽifhasi fhedzi husina dzilafho. Afrika Tshipembe, ḽiṅwe ḽa mashango ane ho ḓala vhathu vhare na HIV/AIDS, ḽo ḓou ḓivhadza dzilafho ḽa Dolutegravir kha zwa dzilafho nga ṅwedzi wa Khubvumedzi 2019. Naho hu tshi sumbedza hu na u kundelwa ha dzilafho iḽo uri ḽi shume, hu na zwinzhi zwine zwa fanela u ṱolwa. Ṱhoḓisiso dza Matamela ndi dza u lavhelesana na izwo.

“Musi HIV i tshi khavha muthu, i dzulela u wana nḓila dzau tshila ngomu ha muthu ngau shandukisa mvumbo ya DNA ya muthu. Azwi mangadzi u tshi vhona dzilafho ḽe ḽa shuma namusi ḽi si tsha shuma matshelo,” a amba. Ṱhoḓisiso yawe i lavhelesana na zwau vhumba mvumbo ire na DNA uri a kone u zwi guda zwavhuḓi uri ndi ngani hu tshivha na dzi tshanduko dzine dza kundelwa u lwa na Dolutegravir.

Ṱhoḓisiso dza Matamela ndi dzine dza khou fulufhedzisa. Ngau kuvhangana zwine azwi ḓivha nga ha tshanduko dza dzilafho nau sedzana na dzine adzi athu u sedzuluswa kana u ṱolwa, tshigwada tshawe vho ḓou sedzulusa tshanduko idzo vha ḓou shumisa zwa online uri vha humbulele mvelele dza dzi laborothari, he zwoṱhe zwe vha humbulela nau ita maedza zwa ḓouvha zwo pfhuletshedzaho.

“Ndi tenda khauri ṱhoḓisiso dzanga dzi ḓo ṱalutshedza uri ndi ngani dzilafho dza HIV dzi tshi nga ngalangala musi dzi tshi ṱolwa muvhilini wa muthu. Zwi ḓo dovha hafhu zwa sika dzilafho dza khwine hone ndi tenda uri dzi ḓo lwa na u kundelwa, u khwaṱhisedza uri dzilafho dzine dza netshedzwa vhathu u fana na Dolutegravir dzi ḓo shuma lwa tshifhinga tshilapfu,” Matamela a amba.

Naho Matamela o ṱangana na dzi khaedu u fana na uvha muimana musi e kati na ṱhoḓisiso dzawe, Matamela o dzulela u sedzesa kha zwe avha a khou ita nau ṱoḓa u swikelela. “Zwovha zwi tshi konḓa nyana u vhala muthu o neta nau dzulela u ṱoḓa u awela kana u eḓela vhunzhi ha zwifhinga. Ndo ḓou fanela u dovholola thero yanga yau ṱodulusa sa izwi ndovha ndi khou kundelwa u fhedza maedza anga nga tshifhinga. Naho ndo ṱangana na khaedu idzo, zwo ḓou nṱuṱuwedza uri ndi shume ndo ḓi funga u itela ṅwana wanga na nṋe muṋe. Ndi tou takalela uri ndo kona u zwi swikelela hone ndo phasa nga naledzi,” a amba.

Ṱhoḓisiso yawe yo bveledzwa fhasi ha u sedzuluswa, ngeletshedzo na u ṱolwa nga Dr Vho Nontokozo Daphney Matume na vhone Phurofesa Vho Pascal Obong Bessong.

Date:14 August 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 178