Takie Ndou u khou ita thoho dza Mafhungo nga ha bepha la Phalaphala FM Royal Heritage Gospel

Ṱhalutshedzo nga Khathutshelo Raliphaswa.

Ramuzika wa Gospel, mueletshedzi, na muambi wa ṱhuṱhuwedzo, Takie Ndou uri oḓi lugisela bepha ḽine ḽa khouḓa ḽa Phalaphala FM Royal Heritage Gospel. Afho ndi hune a ḓo mbvumbvusa vhathu khathihi na vhaṅwe vhoramuzika.

Takie Ndou, ane a khou toubva khau kanḓisa muzika wawe muswa musi vhathu vha tshi zwi vhona, “The Glory”, u ḓo anḓadza luimbo lwo imaho nga lwoṱhe lwa aḽibamu. Hu pfala zwauri Takie Ndou ndi muṅwe wa vhoramuzika vhane vha mbvumbvusa vhathu kha bepha iḽo nga tshifhinga tshaḽo. Ḽa ṅwaha uno, ḽi ḓo farelwa kerekeni ya Agape City fhaḽa Hamangilasi nga Lavhuṱanu ḽa fumi-raru Khubvumedzi.

Takie Ndou o dzulela uvha kha mutevhe wa vhaimbi vha bepha iḽi lwa minwaha ya fumi. Nga tshifhinga tsha musi hu tshi ḓivhadzwa mutevhe wa vhaimbi lwa tshiofisi fhaḽa Ṱhohoyanḓou vhege mbili dzo fhiraho, o ḓivha muṅwe wa vhaimbi vhe vha mbvumbvusa vhathu vha tshi sumbedza zwine vhathu vha nga lavhelela kha bepha iḽi ḽa Phalaphala FM Royal Heritage.

“Ndi dzulele u takala musi ndi tshi mbvumbvusa vhathu hayani. Hu na mabepha na vhuṱambo vhunzhi vhune ra ita nnḓa ha vunḓu ḽashu ḽa Limpopo, fhedzi musi ri tshi vhidziwa hayani uri ri ite zwine ra shuma ngazwo, ri toubva nga vhunzhi ra imba ro bvisa mafulufulu oṱhe. Ndo no ḓi lugisela bepha ili, hone vhathu vhanga lavhelela u mbvumbvuswa zwihulu,” a amba.

Takie Ndou o amba zwauri uḓo bveledza nau sumbedzisa lwendo lwawe kha nḓowetshumo ya zwa muzika. Afho ndi hune a ḓo imba na dziṅwe nyimbo dzawe dzine vhafuni vhatakaleli vha muzika wawe wa Gospel vha dzi takalela. “Vhane vha ḓovha vhe hone vha ḓovha vha mashudu vhane vha ḓo pfa dzinwe dza nyimbo dza aḽibamu yanga ntswa lwa u tou thoma. Ndi dovha ndi na tshigwada tsho lugelaho kha bepha heli,” a amba.

U kanḓisiwa ha Takie Ndou musi vhathu vha tshi zwi vhona, “The Glory,” zwo farelwa Carnival City Big Top Arena nga ḽa fumbili Shundunthule ṅwaha uno. Ubva ḓuvha iḽo, ovha atshi anḓadza nyimbo nga nthihi nga nthihi sa nḓila yau fhaṱa aḽibamu nthihi yo fhelelaho ine ya ḓo anḓadzwa husi kale.

Luimbo lwe a fhedzisela u lu anḓadza hovha lwa “Miracle” lwe lwa anḓadzwa vhege mbili dzo fhiraho. Kha ulu ovha e na ramuzika a funiwaho, Khaya Mthethwa.

Date:14 August 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 149