“Vhathu vha fanelwa u thonifhiwa misi yothe” hu amba Thovhele Vho Tshedza Netshimbupfe.

Ṱhalutshedzo nga Khathutshelo Raliphaswa

Thovhele Vho Tshedza Netshimbupfe, vhane vhavha muṅwe wa vharangaphanḓa vhahulwane vha vhupo ha Vuwani, vho ita khuwelelo kha Murangaphanḓa muswa vhe vha dadza mativha, Vhamusanda Vho Nkhetheni Alpheus Nemavhulani, uri vha fanela u thonipho vhalanda vhavho sa izwi vha tshi ṱoḓa uri navho vha vha ṱhonifhe.

Vho Netshimbupfe vhovha vha khou zwi nga tshifhinga tsha vhuṱambo hu ḓadza mativhaha Khosi Vho Nemavhulani vha muvhundu wa Mavhulani nga Mugivhela wa ḽa fumbili-sumbe Fulwana. Nga tshifhinga tsha vhuṱambo, he ha rangiwa phanḓa nga Thovhele vhone vhane, Khosi Vho Nemavhulani vho ḓou neiwa dzina ḽiswa ḽa hune vha ḓo vhidza Khosi Vho Matase. Zworalo, Vho Mpfariseni Muhali vho ḓou vhewa sa ndumi, ngeno kha dzi hu tshi ḓovha Vho Mushaisano Nemavhulani.

Vharangaphanḓa vha lutsinga lwa Nemavhulani vhovha vhesi vharangaphanḓa zwavho fhedzi vhovha vhe kha maimo a vho Thovhele musi vha sa athu u bviswa nga khani kha mavu avho a Mdavula nnḓa nyana ha Malamulele. Vho ḓou ṱanganedzwa nga vha lushaka lwa Netshimbupfe, vhe vha vha ṋea mavu auri vha vhuse khao, nga minwaha ya 1960s. Ubva minwaha uyo, vho ḓou tea u bva kha uvha vho Thovhele uya kha uvha dzi khosi.

Khosi Vho Nemavhulani vha khou dadza mativha vha tshi tevhela mune wavho Vho Thovhele Tendani Nemavh3vhevha dza a nga ṅwaha wa 2012, vhe vhavha Thovhele vhau fhedzisela kha lutsinga lwa vha Nemavhulani.

Musi vha tshi anisa murangaphanḓa muswa, Thovhele Vho Netshimbupfe vho zwa zwau pfala uri murangaphanḓa muswa vha fanela uvha tshanduko ine vha ṱoḓa u i vhona kha muvhundu wavho. “Zwine ra ṱoḓa ndi u vhona mveledziso, hone hezwo ri ḓo kona u zwi bveledza arali havha nau shumisani vhukati havho na vhalanda vhavho. Ndi khou vha anisa Ṋamusi uri huvhe na mavhusele avhuḓi, hune vhone vha ḓovha maṱo anga. Ndi azwi bula ṋamusi phanḓa ha vhathu vhoṱhe uri vhavhe murangaphanḓa vhane vha ṱhonifha vhalanda vhavho, uri navho vha kone u vha ṱhonifha,“ vha zwa.

Murangaphanḓa muswa vhari vha ḓo ḓi tika nga khoro ya musanda na Thovhele Vho Netshimbupfe musi vha tshi ṱoḓa dzi ngeletshedzo. “Ndi vhona uri hu tshe na zwithu zwinzhi zwine zwa ṱoḓa tshifhinga tshanga. Vhathu vhashu vha na ṱhahelelo ya mishumo. Ri na mavu o nonaho hune ra nga bveledza dzi nḓuhu hune vhathu vhashu vha ḓo vhuyelwa nga masheleni. Hone hezwo zwoṱhe zwi ḓo ṱoḓa magondo avhuḓi, hone mushumo wa zwa vhulimi u ḓo ṱoḓa maḓi ane arinao fhano,“ vha zwa

Vhari vha ḓovha na therisano nga hazwo na Thovhele Vho Netshimbupfe, vhane vha ḓo zwi fhirisela kha muvhuso.

Date:13 August 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 120