Munna e a lingedza u vhulaha mufunwa wawe o gwevhiwa vhutshilo hoṱhe dzhele.

Ṱhalutshedzo nga Khathutshelo Raliphaswa.

Munna we avha o farelwa u lingedza u vhulaha mufunwa wawe o ḓou gwevhiwa nga vha khothe ya dzingu ya Malamulele nga murahu hau wanwa mulandu vhege yo fhiraho, malugana na u lingedza u vhulaha. Munna uyo ovha o thoma ngau ṱhasela mufunwa wawe, a ḓou dovha hafhu u vhuya nga murahu ha dzi vhege a tshi ḓa u mu ṱhasela hafhu zwe a lingedza nau mu vhulaha. Munna uyo o gwevhiwa vhutshilo hoṱhe e khothomi.

Wisani Chauke wa minwaha ya fumbili-ṱahe fhedzi a bvaho Mafanele nnḓa nyana ha Malamulele oḓi vhonadza khothe nga Lavhuraru ḽa vhege yo fhiraho, ḽa furaru-thihi Fulwana. U wanwa hawe mulandu nau gwevhiwa hawe zwo ḓa sa mvelele dza uḓi vhonadza hawe khothe lwa tshivhalo zwe zwa thoma ṅwaha wofaho nga ṅwedzi wa Lambai, musi a tshi bva hayani hawe a tshi ya u dalela mufunwa wawe wa minwaha ya fumbili-thihi, Ntshuxeko Maluleke, e avha e na ṅwana nae.

Khothe yo vhudzwa zwauri musi vhe afho, vhafunani avho vhavhili vho ḓou vha na tsemano nga ha usa fulufhedzea. Wisani o ḓou thoma u ṱhasela Ntshuxeko. Ndi he a ḓo phuluswa nga vhaṅwe vha miraḓo ya muṱa vha hawe zwanḓani zwa Wisani, vha ḓou mu gidimisela vhuongeloni uri a wane thuso ya madokotela.

Wisani o ḓou ngalangala nga murahu ha khuḓano iyo, he ha ḓou vulwa mulandu wau thasela muthu oḓi imisela u huvhadza tshiṱitshini tsha mapholisa tsha Hamalamulele.

Nga ṅwedzi wa Shundunthule ṅwaha wo fhelaho, Wisani o ḓou vhuya hafhu musi a tshi ṱhasela Ntshuxeko e nḓilani yau vhuya tshikoloni. O ḓou mu ṱhasela a inga nga u mu ṱhavha nga tshihali, a mu sia o dzidzivhala.

O ḓou shavha he tshiwo tsha itea hone, he mupondiwa a ḓou gidimiselwa vhuongeloni sa izwi ovha a khou ṱoḓa thuso ya zwa mutakalo. Ori zwezwo e vhuongeloni, a ḓou bviswa ḽiṱo ḽe ḽavha ḽo huvhala lwo kalulaho.

Mulandu wo ḓou vulwa we wa ḓou netshedzwa W/O Vho Thanyani Albert Bakela, vhane vhavha muraḓo wa yunithi ya vhafogisi vha Hamalamulele, uri vha bvele phanḓa na ṱhoḓisiso. Vha khothe vho livhuwa Vho Bakela kha uḓi imisela havho kha mulandu uyu nau wana muhwelelwa. Vho Bakela vho ṱuṱuwedza muhwelelwa uri aḓi ise mapholisani a Saselamani nga murahu ha maḓuvha mavhili.

Tshigwevho tsha vhutshilo hoṱhe dzhele ndi tshine tsho fanela mulandu we Wisani a ita. Mukhantselara wa ward 12 kha masipala wapo wa Collins Chabane, Vho Always Baloyi, vho ṱahisa u fushea havho nga mvelelo dza tsengo kha mulandu uyu. “Duvha ḽiṅwe na ḽiṅwe ri dzulela u lila nga ha u tambudzwa ha vhana na vhafumakadzi. Ri na dzi pfumbudzo dzine ra ita, fhedzi ahu vhonali hu na tshanduko. Ri fulufhela uri hezwi zwi ḓo rumela mulaedza wo khwaṱhaho kha vhathu nnḓa uri vhugevhenga avhu vhuyedzi,” vha amba.

Date:12 August 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 200