Tsengo ya Rotshidzwa Musetsho yo fhiriselwa phanḓa kha ḽa furaru Ṱhangule

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Uḓi vhonadza ha muhwelelwa kha bulayo ḽa Vho Rosina Ramasimu zwo vusa matsivha a vhanzhi musi muhwelela a tshi ḓi vhonadza khothe ya madzhisiṱiraṱa wa Vuwani. Izwo zwo vhonala musi murathu wa mupondiwa, Vho Rosina a tsha lila lu khaulaho mbilu musi a tshi vhona muhwelelwa lwa u tou thoma khothe. 

Uḓi vhonadza khothe ha Rotshidzwa Musetsho nga Lavhuṋa ḽau thoma Ṱhangule zwo kunga vhadzulapo vha tsini vhe vha ḓou ḓadza Court A, khothe iyo ya madzhisiṱiraṱa. Ho dovha hafhu havha na vhunzhi ha mapholisa nga vhuḓalo.

Nga tshifhinga tsha u ḓi vhonadza, Musetsho ovha o tou dzika hone a tshi vhonala muya wawe wo fhola vhukuma. Mulandu wawe wo ḓou fhiriselwa kha ḽa furaru Ṱhangule uri ṱhoḓisiso dza mapholisa dzi bvele phanḓa. Zwa zwino u tshe thumbuni ya lukhoe.

Nnḓa ha khothe, ho ḓi vhonala vho na vharangaphanḓa vhe vhavha vha khou vhigela vhathu nga ha tsengo. Zwe zwa ṱungufhadza ndi musi murathu wa mupondiwa, Josephine Manavhela a tshi khaula tshililo ngomu khothe. "Ndo ḓa fhano ndi khou ṱoḓa u tou ḓi vhonela nga anga maṱo muthu we a vhulaha mukomana wanga, fhedzi u tou mu vhona zwiṱuku zwo vhuisa zwinzhi zwine zwa vhavha kha nṋe. Ndi khou pfa vhuṱungu vhu sa ṱalutshedzei hezwi ndi hafha. Hoyu muṱhannga o ita tshinyalelo khulu muṱani washu. Mukomana wanga vhovha vhe muthu wa lufuno. Nga kha masheleni e vhovha vha tshi a shuma nga kha u rengisa dzone khuni, vhovha vha tshi kona u unḓa muṱa wavho," vha amba.

Vho Manavhela vho amba zwauri muhwelela ovha asa sumbedzi u ḓi tsola hone u vhonala sa ane a khou ḓiphina e khothoni. “Sa muṱa ri khou ṱoḓa u vhona vhulamukanyi kha mulandu hoyu. Ndorali athi tsha kona umu sedza. O fanelwa ngau valelwa dzhele,” vha amba.

Murangaphanḓa wa muvhundu Vho Joseph Mauba, vhane vha dovha hafhu vhavha tshanḓa tsha mudzulatshidulo wa dzangano ḽa siviki ya Manavhela, vho amba zwauri vha khou farea zwavhuḓi nga u fhiriselwa phanḓa ha tsengo. “Zwi khou ri shumela zwavhuḓi, ari ṱoḓi u vhona mapholisa vha tshi ita ṱhoḓisiso nga tshihaḓu vha swika hune vha sia tombo nṱha ha ḽiṅwe zwine zwa nga wisa kana u nyamisa tsengo,” vha amba.

U farwa ha Musetsho zwo tevhela zwe ha waniwa tshitumbu tsha Vho Rosina Ramasimu (60) nga ḽa iṋa Lambamai uno ṅwaha masimuni a Hamanavhela. Vho Rosina vhovha vho ya masimuni u reḓa khuni na ṱhama yavho vhe vha kona u vhuya muvhunduni vha vhudza vhathu nga ha zwe zwa itea. Tshitumbu tshavho tsho ḓou waniwa he vhavha vha khou reḓa hone khuni.

Date:12 August 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 162