Unarine u ḓo fhufhisa fuḽaga ya Afrika Tshipembe ngei Mexico

Tshiṱori nga Maanda Bele. Ṱhalutshedzo nga Khathutshelo Raliphaswa.

Nyalunako ane zwa zwino ndi ene Miss Univen khathihi na Miss Teen Makhado Royal, Unarine Netshia, u ḓovha a khou imelela shango ḽa Afrika tshipembe kha muṱaṱisano wa vhonyalunako wa Miss Ecology International. Muṱaṱisano uyo uḓo farelwa Shangoni ḽa Mexico zwa ṅwaha uno hune ha ḓo dzhenelela mashango a fuṱhanu-ṱhanu.

Unarine Netshia wa minwaha ya fumbili a bvaho Tshixwadza ane ndi mutshudeni wa ṅwaha wau fhedzisela kha buḓo ḽa BA International relations yunivesithi ya Venda. U ḓo dzhia lwendo lwawe nga ṅwedzi wa Khubvumedzi uyo dzhenelela vhuṱambo vhune ha lavhelesana na u tambudzwa ha vhafumakadzi, u maanḓafhadza vhasidzana, na u vha alusa kha sia ḽa vhuḓifulufheli, vhukoni khazwa vhubindudzi, na hone ukona uvha na nḓivho kha zwa vhurangaphanḓa.

“U khethwa ha vhane vha ḓo imelela Afrika Tshipembe zwovha zwi songo tou leluwa, fhedzi ndi aḓi hudza ngauvha muthu e a nagwa u imelela Afrika Tshipembe,” Unarine a amba. Kha lwendo lwawe lwa vhege mbili, uḓo dzhenelela mishumo ya pfumbudzo nga kha zwa sialala, zwa maṅwalo, mafhungo a zwa matshilisano na ikonomi, nau davhidzana na vhaimeleli vha maṅwe mashango au fhambana vhane vha ḓovha vho dzhenelela mushumo uyo.

Unarine u ḓovha na tshikhala tshau sumbedzisa vhufa ha Afrika Tshipembe na lunako lwa zwibveledzwa zwine o zwi rungelwa nga murungi wawe, Sandy Nemakonde wa Lady Sandz Designs. Sandy u dovha hafhu avha muṅwe wa vhalambedzi vha mbekenyamushumo ya fhano Afrika Tshipembe.

“Ndi khou takalela uri ndi ḓo kovha na vhaṅwe vhupfiwa hango vhane vha bva kha mashango au fhamba u mona na ḽifhasi. Musi ndi tshi tou vhuya hayani, ndi ṱoḓa u bvela phanḓa nau lwa na vhushai nau maanḓafhadza vhadzulapo vha vhupo vhune nda bva khawo. Ndi tenda zwauri lwendo lwanga lu ḓo ṱuṱuwedza vhaswa vha bvaho kha mivhundu ya mahayani uri vha lwele u wedza miḽoro yavho, vha songo sedza miṱa ine vha bva khayo kana nzulele ya vhupo havho,” a amba.

Uri lwendo lwawe lu tshimbile zwavhuḓi, Unarine u khou humbela vhalambedzi uri vha mu thuse nga dzi mbadelo dza lwendo lwawe. “Zwi ngavha nga kha masheleni kana tshumelo inwe na inwe ine ya ḓo thusa khauri lwendo lwanga lu tshimbile zwavhuḓi,” Unarine a amba.

“Kha vhege dzi tevhelaho, ndi ḓo humbela uri maAfrikA Tshipembe vha vouthe, vha ḽaike nau isa vhupfiwa havho kha zwileludzi zwa vhudavhidzano. Ndi ḓo dzulela u ḓivhadza vhathu nga zwoṱhe kha yone Facebook na Instagram,“ a amba. Vhathu vha nga dovha hafhu vha tevhela Unarine kha Instagram: @unarine_netshia na kha Facebook: Unarine Netshia. Vha dovha hafhu vha mu wana kha [email protected].

Date:06 August 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 143