Black Leopards vho khetha mugudisi muhulwane muswa.

Tshiṱori nga Frank Mavhungu. Ṱhalutshedzo nga Khathutshelo Raliphaswa.

U tou khwaṱhisedza uri thimu yo ḓi imisela ngau aluswelwa ubva a ḽiga ya vhugwena ya Motsepe Foundation ya 2024/25, thimu ya Black Leopards yo khetha Vho Maxwell Konadu sa mugudisi muhulwane.

Mugudisi avho vha bvaho kha ḽa Ghana vha minwaha ya fuṱhanu-thihi vho ḓivhadzwa kha tshivhidzo nga tshifhinga tsha tshumelo ye ya farelwa kerekeni ya United Apostolic ngei Vhufuli nnḓa nyana ha Ṱhohoyanḓou nga Sondaha ya ḽa fumbili-malo Fulwana. Vho Konadu vho swika fhano Afrika Tshipembe nga Lavhuṋa ḽa fumbili-ṱhanu Fulwana he vha ḓivhadzwa kha vhatambi musi vha khou ita nḓowenḓowe dzavho mudavhini wa thimu ngei Polokwane nga ḓuvha ḽi tevhelaho.

U tshi sedza mutevhe wa zwine vho no bveledza na hune vho no shuma hone, zwia vhonala uri Liḓoḓa Ḓuvha vho khetha muthu o fanelaho kha uvhu vhuimo. Nga murahu hau tambale thimu dzi songo aluwaho kha shango ḽine vha bva khaḽo , Vho Konadu vho aluwa uvha mutambi makone nga ṅwaha wa 1991. Vho tambela thimu dzine khadzo ha katelwa Asante Kotoko, CS Sfaxien, Leria FC, Beira-Mar, Marinhense FC, na yone King Faisal, vhukati ha minwaha ya 1991 na 2004. Vho ḓou ṱutshela zwa bola nga makhaulatshele a 2003/4. U bva afho vho ḓou ngalangala kha zwa mitambo ya bola lwa minwaha ya tshivhalo u vhuya u swika vha tshi vhuye kha nḓowetshumo ya zwa mitambo ya bola musi vhe mugudisi muhulwane wa thimu ya Wa All Stars FC nga ṅwaha wa 2010.

Naho Vho Konadu vhe si munna wa maipfi manzhi, mishumo yavho i a vha ambela. Vho shuma sa muthusa mugudisi kha thimu ya lushaka ya Ghana vhukati ha 2011 na 2019. Vho dovha hafhu vha gudisa thimu dza vha minwaha ya fhasi ha 20 na fhasi ha 23 kha minwaha yo fhiraho.

Vho Konadu vhovha vha ngasi kundelwe u ṱanganedza thendelano na vha Black Leopards nga murahu hauri vhushaka havho na mutholi wavho wa kale, Nsoatreman FC, vhu swike magumoni nga ḽa furaru Fulwi uno ṅwaha.

Musi vha tshi ḓivhadzwa kha tshivhidzo ngei kerekeni Vhufuli, mudzulatshidulo wa Black Leopards, Vho Tshifhiwa Thidiela, vho amba zwauri u khethwa ha Vho Konadu zwovha zwi khagala uri vho ḓi imisela ulusa thimu khanwaha wa bola wa 2024/25 uya kha liga khulwane ya Betway. Musi vha tshi vhudziswa arali zwi tshi ḓo konadzea uri vha swikelele maitele one nga kha khalanwaha yau thoma na thimu iyi, Vho Konadu vho amba zwauri vhovha vha ngasi vhumbe vhushaka na thimu kana u tanganedza mushumo arali vhovha vhe si na fulufhelo kha thimu na maanḓa avho.

Date:05 August 2024

By: Frank Mavhungu

Frank is a Human Resources Manager at the Department of Public Works in Limpopo. He is the longest serving correspondent of the Mirror, having joined us at the end of 1990.  He mainly writes sports reports and resides at Tsianda Village. In 2004, Frank won the National Castle League Award, an award for the best reporter in the SAB league in South Africa.

Read: 174