Maine oḓi vhiga mapholisani nga murahu hau vhulaha mufumakadzi wawe.

Tshiṱori nga: Victor Mukwevho. Ṱhalutshedzo nga Khathutshelo Raliphaswa.

Maine a ḓivheaho fhaḽa muvhunduni wa Khubvi, Azwidowi Gadisi oḓi vhonadza phanḓa ha khothe ya madzhisiṱiraṱa wa Ṱhohoyanḓou nga Musumbuluwo wa ino vhege malugana na mulandu wau vhulaha. U khou hwelelwa u rwa mufumakadzi wawe a lovha fhaḽa Khubvi.

Izwo zwi khou tevhela zwe Gadisi aḓi vhiga mapholisani nga murahu ha tshiwo itsho nga Sondaha nga matsheloni. Maine uyo hu pfala zwauri ovha a tshi tambudza mufumakadzi wawe lwa minwaha ya furaru-mbili lwa minwaha, fhedzi vhadzulatsini vhovha vha tshi ofha u amba sa izwi vha tshi mu vhona e muthu are na maanḓa a shushaho.

Mufumakadzi wawe hu pfala uri o fhedza tshifhinga tshipfufhi a tshi dzula na vhabebi vhawe ngei Damani kha muvhundu uyo wa Khubvi nga murahu hau shavha muḓini wawe ngau neta nga zwiito zwaitambudzwa nga Gadisi. Gadisi o ḓou luvhelela uri mufumakadzi a vhuye hayani havho he a ḓou vhuya.

Gadisi ovha o no ḓi farwa lwa tshivhalo a tshi farelwa u tambudza, hone vhunzhi ha vhadzulapo vha Khubvi vhovha vha tshi mu ṱahisa sa mudzia u tambudza. Vhanwe ngeno vhovha vha tshi tenda zwauri ovha o shanduka musi a tshi thoma zwa uvha maine.  

Vhege yo fhiraho musi Gadisi a sa athu u vhulaha Mufumakadzi, hovha na vidio ye ya leleḓa ka zwileludzi zwa vhudavhidzani ye ya sumbedza e na masheleni o ḓalaho lusina vhukono. O ḓou amba zwauri ene u nanga ire na maanḓa hone ua kona u thusa vhafumakadzi vha Muumba uri vhavhe na vhana. Ovha a tshi ḓi kukumusa uri anga kona u renga kholomo dza fumi nga masheleni ane a shuma nga ḓuvha ḽithihi sa maine.

Vhunzhi ha vhadzulapo vhovha vha tshi timatima vhubvo ha masheleni awe hone vhaṅwe vha tshi humbulela uri ṱhanwe o tou ṱangulwa. O lingedza uzwi khwaṱhisedza kha vhathu uri masheleni ea vhonala kha video ovha a songo tou ṱangulwa fhedzi hovha hu mbuyelo ya maanḓa awe au fhodza vhathu.

Uya nga muambeli wa mapholisa mufareli wa tshiṱiriki tsha Vhembe, W/O Vuledzani Dathi, mulandu wa Gadisi wo fhiriselwa phanḓa uya kha ḽa sumbe Thangule uri ṱhoḓisiso dza mapholisa dzi bvele phanḓa.

Date:05 August 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 206