ADVERTISEMENT:

 
 

Vhabebi na vhagudisi vha vhana vha tshikolo tsha fhasi tsha Mabila tshire Matavhela Hamabila vhari vha khou vhilaedzwa nga u shumiswa ha mabunga a mulonga. Tshifanyiso tsho bveledzwa.

Mabunga a milonga a vhonala a khombo kha vhagudiswa vha Mabila.

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Vhadedzi na vhabebi vha vhana vha tshikolo tsha fhasi tsha Mabila tshine tsha wanala Matavhela Hamabila vhari vha na mbilaelo uri vhaṅwe vha vhagudiswa vha nga fhedza vho wela milongani ya mabunga ine vha i shumisa tshikoloni tshavho. Tshikolo itshi tshi na vhagudiswa vhane vha paḓa ḓana, hone vhashumisa mabunga a milonga mina ane vhari hango tsireledzea.

Vha tshikolo itshi tsha Mabila vhovha vho katelwa kha Accelerated Schools Delivery Initiative (ASIDI) ye ya ḓiswa nga vha Mvula Trust. Naho vha tshikolo vhovha vho neiwa zwishumiswa zwau fhaṱa mabunga maswa minwaha ya malo yo faho, vho kundelwa u khetha kana u thola vhorakonṱiraka sa izwi tshikolo itshi tshovha tshi khou tea uvha na ṱhanganelano na vha tshikolo tsha Guyuni.

Vha tshi amba na vha nyanḓadza mafhungo ya Limpopo Mirror, Vho Mishumo Mabila, vhane vhavha muṅwe wa vhabebi vha vhagudiswa vha tshikolo itsho, vho ṱahisa zwauri vha na mbilaelo yauri mabunga aya ndi a khombo kha vhagudiswa vha tshikolo itshi. “Mabunga haya a khombo kha vhana, hu nga ḓi wanala dzi nowa na zwiṅwe zwithu zwine zwa vhea matshilo a vhana vhashu khomboni, zwihulu vhana vha murole wa R, vhane vhavha vhaṱuku lune nau wela nga ngomu vha nga wela nga ngomu. Ri khou humbela uri vha muhasho wa pfunzo vha fhaṱe mabunga o tsireledzeaho vha tshiitela vhagudiswa vhashu uri vha tsireledzee misi yoṱhe musi vha tshikoloni,” vha amba.

Vho Rotshidzwa Maluga, mudzulatshidulo vha khoro mbusi ya tshikolo tsha fhasi tsha Mabila, vho amba zwauri sa tshikolo na khoro mbusi vho humbela mabunga thendeleki nga ṅwaha wa gidimbili fumbili, fhedzi asi swikiswe tshikoloni. Vho ḓou isa iṅwe khumbelo hafhu ṅwedzi wo fhiraho. Vhari mabunga ane a hone zwa zwino hango lugela u shumiswa nga vhagudi hone tshikolo itshi tshi fanela u wana mabunga thendeleki nga tshihaḓu.

“Vho fulufhedzisa zwauri nga murahu ha u neiwa mabunga thendeleki kha tshikolo, vha ḓo thola rakonṱiraka uri vha kwashe aya mabunga ane a shumiswa zwa zwino. Izwi zwoṱhe azwi faneli u vha hangwisa uri vhagudiswa vha fanela u wana mabunga o teaho, husi uri vha wane mabunga thendeleki fhedzi,” Vho Maluga vha amba.

Nga ḽa furaru-thihi Thafamuhwe nwaha uno, muvhuso wa Afrika Tshipembe vho fulufhedzisa uri huḓo lugiswa mabunga a milonga zwikoloni zwoṱhe u mona na shango ḽashu, fhedzi izwi azwiathu u itea. Minisiṱa wa muhasho wa pfunzo dza fhasi Vho Angie Motshekga vho amba zwauri zwikolo zwa 3,398 zwi khaḓi shumisa mabunga a milonga, hone uri zwikolo izwo zwi wane mabunga maswa ndi mushumo une wo vhetshelwa u swika ṅwaha wa 2025.

Muambeli mufareli wa muhasho wa pfunzo, Vho Mosebjane Kgaffe, vhari vhathu vhane vha tea u ḓisa tshumelo dzau fhaṱa mabunga vha khaḓi shuma zwau kwasha zwikoloni zwa sekhethe dza Niani dza vhupo ha vhubvaḓuvha na vhukovhela, hone na tshikolo tsha Mabila ndi tshithihi na zwikolo zwa vhupo uho zwine zwa fanela u kwashwa. “Mabunga thendeleki a rathi a ḓo netshedzwa tshikolo tshiṅwe na tshiṅwe hu sa athu u kwashwa mabunga are hone zwa zwino, zwihulu kha tshikolo tsha Mabila,” Vho Kgaffe vha amba.

 

 

Date:05 June 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 123

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT