ADVERTISEMENT:

 
 

Luvhanḓe lwa Watreval lu khou lavhelelwa u fhela u fhaṱiwa nanwaha nga Fulwi. Tshifanyiso: Thembi Siaga.

Luvhanḓe lwa Waterval lu khou lavhelelwa u fhela ṅwedzi uno

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Luvhanḓe lwa Waterval lune lwoḓura miḽiyoni wa dzi rannda lu khou lavhelelwa u fhela u fhaṱiwa nga ṅwedzi wa Fulwi ṅwaha uno, izwi zwo touvha matakadza mbilu kha vhadazulapo vha Waterval na zwisi zwa tsini u fana na Mpheni, Shirley na Hamutonga. Uya nga mugaganya gwama wa masipala wa Makhado. Ho engedzwa masheleni a miḽiyoni nṋa wa dzi rannda hu tshi badelwa vhorakhontiraka vhaswa uri vha fhedzise luvhanḓe ulwo. Luvhanḓe ulu ndi lune lwavha na minwaha ya malo lu khou fhaṱwa.

Afho hune ha khou fhaṱwa luvhanḓe ulu ho thoma hu mudavhi wa tshitshavha, ha thoma u fhaṱwa luvhanḓe nga ṅwaha wa gidiḓaṱahe fumi-na-sumbe fhedzi havha na u lenga u fhedzwa miṅwe ya mishumo afho. Vhunzhi ha u lenga u fhedzwa miṅwe mishumo zwo vhangiwa nga khuḓano dze dzavha hone vhukati ha vha masipala wa Makhado na vhorakontiraka vhe vhavha vha khou fanela u fhedza u fhaṱa luṱa lwa vhuvili na lwavhu raru, zwa engedza maḓuvha na tshifhinga tshau fhedza u fhaṱa nau sia huna usa anḓana nau humiselwa murahu ha mishumo.

Naho hovha na dzi khaedu, hovha nau phuletshedza zwa zwino, hune ha vhonala u fhela u fhaṱwa ha luvhanḓe zwo no sendela tsini. Vhuḓifhinduleli ha vhorakontiraka vhaswa hu katela u ḓisa zwishumiswa na vhashumi vhane vha ḓo shela fhasi. Musi luvhanḓe ulu lwo no fhela, lu ḓo shumiswa kha mishumo yo fhambanaho u fana na u tambela mitambo ya bola ya milenzhe, maguvhanganao a zwa mvelele na sialala, zwimima, na mabembela a tshitshavha, izwi zwi ḓo dovha hafhu zwa engedza vhupo ha vhubindudzi kha muvhundu wa Elim na Waterval.

Vho Ntsako Mashimbyi, vhane vhavha mutumbuli thimu ya bola ya milenzhe ya Waterval Real Stars, vho amba zwauri u engedzwa ha tshifhinga tsha u fhaṱa luvhanḓe zwo vha sinyusa vhukuma. U sa fhela ha luvhanḓe zwovha khaedu kha vhatambi vhashu vhahayani sa izwi vhovha vha tshi shumisa midavhi ya buse musi vha tshi ita nḓowendowe dzavho hone fhethu hune vhovha vha tshivha vha khou vhoniwa nga nnyi na nnyi. “Zwinwe zwifhinga vhatambi vhashu vhovha vha tshi fanela uya fhethu hune havha kule u tou ita nḓowenḓowe fhedzi, hone ndi vhathu vhane vha tshe vhagudiswa vha zwikoloni. Zwovha zwitshi dovha hafhu zwavha khaedu u dzudzanya maḓuvha a uvha na dzi nḓowenḓowe. Ndi vhona uri ngavhe luvhanḓe lwovha lwo no fhela, vhaswa vhanzhi vhovha vha tshi ḓovha vhe na fhethu havho hune vha ḓo fhedza hone tshifhinga tshavho u fhira uvha vha khou tambudza zwikambi na zwidzidzivhadz zwitaratani,” vha amba.

Uya nga maano a mveledziso a masipala wa Makhado a 2021/22, vhuleme ha thendela yau shuma luṱa lwa vhuraru kha luvhanḓe ulu hovha ho anganyelwa R28.4 miliyoni. Mugaganya gwama wa kale wa sumbedzisa zwauri ho vhetshelwa thungo R11 miliyoni yau shuma kha luṱa lwavhuvhili nga ṅwaha wa 2018/19, na inwe hafhu R9 miliyoni yau shuma mushumo uyo nga 2020/21.

Muambeli wa masipala wa Makhado, Vho Louis Bobodi, vho khwaṱhisedza zwauri mushumo zwa zwino u kha luṱa lwau fhedza. “Vha thendela vhane vha khou shumana na luvhanḓe ulwo vha tsini nau fhedza, hone luvhanḓe lu khou lavhelelwa u fhela nga ṅwedzi wa Fulwi ṅwaha uno,” vha amba.

Musi vha nyanḓadza mafhungo ya Limpopo Mirror vha tshi humbela vhupfiwa ha vhorakontiraka avho muswa, vho hana u bulwa dzina ḽavho kana ḽa ḽimaga ḽavho, fhedzi vha khwathisedza zwauri na ngoho vha kati nau fhedza u fhaṱa luvhanḓe kh luta lwau fhedza. “Ri ḓo fhedza hutshe na tshifhinga, hone na zwino ndi khou amba ndi hanefha luvhanḓeni,” vha amba.

 

Date:05 June 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 123

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT