ADVERTISEMENT:

 
 

Thovhele Fhatuwani Mulima vhari zwikolo zwau fumbisa a zwingaḓo ṱanganedza vhana husina tsaino ya thendelo ubva kha vhabebi. Tshifanyiso tsho bveledzwa.

Ahuna vhana vhane vha ḓo fumbiswa husina thendelo ya vhabebi.

 

Thalutshedzo nga: Khathutshelo Raliphaswa.

Tshanḓa tsha mudzulatshidulo vha nnḓu ya vharangaphanḓa vha sialala kha tshiṱiriki tsha Vhembe, Thovhele Vho Fhatuwani Mulima, vho ḓivhadza zwauri zwikolo zwau fumbisa kha tshiṱiriki tsha Vhembe zwi ḓo vula ubva nga ḽa fumi-raru Fulwi u swika nga la fumi-raru Fulwana.

Vha tshi amba na vha nyanḓadza mafhungo ya Limpopo Mirror nga Mugivhela wa ḽa fumbili-ṱhanu Shundunthule, Thovhele vho amba zwauri uya nga mulayo wa zwikolo zwau fumbisa, vhabebi na vhaunḓi vha vhana vha fanela u nea tsaino ya thendelano nau nea zwikolo izwo ṱhanziela dza mabebo na mutevhe vha mutakalo wa nwana uyo uri vha kone u ṱanganedzwa zwikoloni zwau fumbiswa.

“Uya nga mulayo, vhana vha fanela u ṱanganedzwa zwikoloni izwi arali vhe na minwaha ya fumi-mbili uya nṱha. Zworalo vhana avho vha fanela u ḓa na muthu ane a ḓo vha ṱhogomela (mudabe) ane a ḓo vha ṱhogomela ubva nga ḓuvha ḽine vha ḓa ngalo, u swika mula utshiwa( vha tshi humela hayani) vhe afho tshikoloni,” vha amba.

Musi vha tshi vhudziswa nga ha vhana na vhathu vhahulwane vhane vha ya zwikoloni zwau fumbisa vha songo tendelwa vha swika vha ita dzi pfudzungule ngeno vhane vha tshikolo vha sa ḓivhi tshithu, vho amba zwauri vhafumbisi vhane vha fumbisa vhathu vha si na thendelo ubva kha vhabebi/vhaunḓi azwiho mulayoni.

“Ṅwaha wo fhiraho, hovha na ṅwana we a ṱanganedzwa husina tsaino ya thendelo ubva kha vhabebi vhawe, vhabebi vhawe vha ḓou ya mapholisani vha vula mulandu. Zwa zwino ndi ita khuwelelo kha vhane vha zwikolo zwau fumbisa uri vha songo ṱanganedza vhana husina tsaino ya thendelo, sa izwi vha tshi nga fhedza vho farwa,” vha amba.

Naho hu na vhathu vhane vhari vha ṱoḓa u fhisa zwikolo zwau fumbisa zwi tshi tevhela u lovha ha vhafumbiswa, zwihulu kha vunḓu ḽa Eastern Cape na Gauteng, vho amba zwauri zwikolo zwau fumbisa ndi zwa ndeme kha Vhavenda hone sialala na mvelele i fanela u bvela phanḓa. “Vhathu vha fanela u litsha vhane vha khadi tenda kha mvelele na sialala yashu vha bvele phanḓa, na vhenevho vhane vha ita zwithu nga nḓila ya musalauno vha bvele phanḓa na nḓila yavho. Ro no lozwa vhunzhi ha ḓivhazwakale ya sialala yashu nga hone u tevhela nḓila dza vhabvannḓa kha lushaka lwashu, fhedzi zwi tshi ḓa kha u fumbiswa, aringaḓo tenda zwi tshi fa. U fumbiswa zwi hone zwi ḓo dzulela uvha hone kha lushaka lwashu,” vha amba.

 

Date:04 June 2024

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 150

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT