ADVERTISEMENT:

 
 

Makhulu Vho Rilisa Shidzinga vhe vha ṱangulwa masheleni vha siiwa na mabammbiri asina mushumo. Tshifanyiso: Elmon Tshikhudo.

Zwiito zwau ṱangula hu tshi shumiswa mishonga zwo vuwa nga huhulu.

 

Tshiṱori nga: Elmon Tshikhudo. Thalutshedzo nga: Khathutshelo Raliphaswa.

Tshivhindini tsha vhubindudzi ha Ṱhohoyandou, Louis Trichardt na Shayandima ho novha tshivhilelani ha u ṱangulwa vhathu masheleni avho nga nḓila dzine vha sala vha sa pfesesi uri ho itea mini khavho.

Kha zwiṅwe zwa zwiwo zwa u ṱangulwa uhu, mualuwa vho ṱangulwa garaṱa yavho ya banngani na R350 ngei mavhengele tserekano a Shayandima P&L nga Lavhuṋa ḽa fumbili-raru Shundunthule. Mashudu mavhuya hovha na muthu e avha a khou zwi vhona izwo zwoṱhe zwi tshi itea, a ya u vha phulusa. Muthu uyo we avha a khou vhona zwi tshi itea o ḓou ya a vha lamulela. Mapholisa vho ḓou vhigelwa tshiyo itshi he vha swika vha fara vhanna vhararu. Vhavhili kha avho vhanna vhararu vho ḓou lungululwa sa izwi hovha husina vhuṱanzi vhune ha fusha vhune ha vha ṱumanya na mulandu.

Kha tshiṅwe tshiwo, makhulu Vho Rilisa Shidzinga vho ṱangana na mavemu ngei Louis Trichartd he vhasivhe wa mashudu naluthihi. Vho Shidzinga vho bva hayani vha tshiya ḓoroboni (Louis Trichardt) he vhavha vho ḓi vhudza zwauri vha ya u renga zwiḽiwa na zwiṅwe zwishumiswa zwa hayani. Vhori vha tshi swika Doroboni ya Louis Trichardt vha ya banngani he vha bvisa masheleni a swikaho tshigidi tshithihi tsha dzi rannda uri vha i shumise u renga zwe vha ḓela zwone. Mashudu mavhi vho ḓou ṱangulwa masheleni oṱhe hu tshi shumiswa mushonga khavho, mavemu avho vho vha sia vho fara mabammbiri o tou thukukanyaho a gurannḓa.

“Na zwino athi athu u tenda uri zwo itea kha nṋe. Ndo no tshimbila ndo fara masheleni manzhi vhukuma fhedzi ndi u thoma ndi tshi ṱangulwa masheleni. Ndovha ndi khou toubva u a bvisa bannganai musi muṅwe munna a tshi ḓa kha nne a mpfara kha haḓa, u bva afho masheleni oṱhe avha o ṱuwa. Ndi sa athu u swika kule ngau tshimbila, ndo ḓou ṱangana na vhaṅwe mufumakadzi vhe vha mmbudza zwauri ndo shumiselwa mushonga hone navho vho ṱangana na tshiwo tshoraliho,” hu amba Vho Shidzinga.

Mufumakadzi uyo o ḓou amba zwauri ndi khwine vha tshi tevhela munna we avha shumisela mushonga. “Ro ḓou swika kha goloi yo imaho, he vha mmbudza zwauri ndi ḓise masheleni anga oṱhe uri asi xele ngau shumiswa ha mushonga. Tshelede yovha yo vheila kha fuḽobo, hone ndisa athu uzwi limuwa, fuḽobo iyo yo ḓou tshintshaniwa nṋe nda ṋeiwa inwe nda thathwa tsini na goloi,” vha engedza.

Vho Shidzinga vho amba zwauri vhori vha tshi vula fuḽobo, vha wana yo ḓala nga mabammbiri a gurannḓa o kherulwaho. “Ndi tshe ndo shushea hone ndi tenda zwauri vho tou shumisa mushonga kha nṋe. Zwoṱhe zwo itea nga tshihaḓu, hone hovha husina tshifhinga tshau zwi elekanya zwavhuḓi zwe zwavha zwi khou ambiwa. Ndo guda u vhavha hone ndi eletshedza na vhaṅwe uri vha songo kholwa zwiṅwe na zwiṅwe zwine muthu ada a vha vhudza. Vha songo ṱanganedza thuso ine a vhango i humbela kha vhathu vhane vhavha vha sa vha ḓivhi naluthihi sa izwi vha tshi nga fhelela he na nṋe nda fhelela hone,” vha engedza.

Muambeli wa mapholisa a Vhembe W/O Vuledzani Dathi vho khwaṱhisedza tshiwo tsha Shayandima, vhari mualuwa wa minwaha ya fuṱhanu-malo vho ṱangulwa Shayandima. “Ri nga khwaṱhisedza zwauri munna wa minwaha ya fuiṋa-sumbe o farwa malugana na tshiwo tsha Shayandima. Munna uyo u ḓo ḓi vhonadza khothe husikale,” vha amba.

 

Date:03 June 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 234

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT