ADVERTISEMENT:

 
 

Xivono Hlungwani, wana wa lutshetshe wa miṅwedzi ya fumbili a bvaho Xigalo Mahlambandlopfu ngei ha Malamulele, e a lovha zwi tshi tevhela u wela ngomu ha fagi ḽa mathukhwi lo ḓala maḓi. Tshifanyiso tsho bveledzwa.

Ṅwana wa miṅwedzi ya fumbili o lovha o wela kha fagi ḽa maḓi.

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa. 

Ho bvelela tshiwo ngei Xigalo Mahlambandlopfu vhuponi ha Malamulele, he ṅwana wa lutshetshe wa minwedzi ya mahumi mavhili, Xivono Hlungwani a lovha zwi tshi tevhela u wela ngomu ha fagi ḽa mathukhwi ḽe ḽavha ḽo ḓala nga maḓi. Tshiwo itsho tsho itea vhege yo fhiraho nga Lavhuṱanu.

Thoḓisiso thangeli dzo ṱalusa zwauri ṅwana uyo ovha a khou tamba musi mme awe vha khou shuma mishumo ya hayani. Nga murahu ha mithethe, mme awe na vhaṅwe vha muta vho ḓou limuwa zwauri Xivono ha khou vhonala fhethu. Ndi he vha thoma u mu sedza vha ḓou mu wana ngomu ha fagi iḽo ḽa mathukhwi ḽo ḓalaho maḓi. Vho ḓou ṱavhanya vha mu nula maḓini ayo fhedzi avha asa sumbedzi u tshila naluthihi.

Vhadzulapo na vha muṱa vha kusi ukwo, vhari vha hwesa mulandu uyu kha u ṱahelelwa ha maḓi. Vhari zwezwi phaiphi dza maḓi adzi bvi maḓi lwa vhege dza tshivhalo, vha muṱa uyu, u fana na vhaṅwe vhadzulapo kha muvhundu washu vha kelela maḓi vha vhea kha mafagi na zwigubu, hu tshi katelwa na eneo mafagi a mathukhwi vha tshi itela u dzula vhe na maḓi.

Musi vha Limpopo Mirror vha tshi amba na mme a ṅwana uyo o lovhaho, Vho Hlayisani Hlungwani, vho amba zwauri vho vhaisala vhukuma nga tshiwo itshi he vhari ndi khwine vhoramafhungo vha tshi tou amba na mudzulatsini wavho, Vho Portia Khosa.

Vho Khosa vho amba zwauri vha tshe vho shushea nga zwe zwa itea. “Tshiwo itshi tshi touvha masinḓambilu ngauri vhutshilo hawe ho lozwa nga nwambo wa u ṱahelelwa nga maḓi. Xivono (zwine zwa amba bono) ovha e ṅwana a funeaho we avha atshidzulela uda u ndalela muḓini. O vhulungiwa nga Lavhuraru ḽa fumbili-ṱahe Shunduthule, hayani hawe, hone riḓo dzulela u mu humbula na umu elelwa,” vha amba.

Vho John Baloyi, vhane vhavha mukhantselera wa wadi 26, vho rumela maipfi a nḓiliso kha vhamuta wa Hahlungwani. Vho amba zwauri khaedu iyi ya maḓi yovha i khou ambiwa nga hayo, hone zwa zwino hu na milonga ya maḓi. “Ro dzudzanya uri vha muṱa vha wane thuso ya zwa muhumbulo zwi tshi tevhela tshiwo itshi,” vha amba.

Lt-Col Malesela Ledwaba, muambeli wa mapholisa a Limpopo, vho khwaṱhisedza tshiwo vhari ho vulwa mulandu une wa khou ṱoḓisiswa nga vha tshiṱitshi tsha mapholisa a Malamulele. Vho amba zwauri mapholisa vho kwamiwa uri vha ḓe he tshiwo tsha itea hone, he vhari vha tshi swika vha wana tshitumbu tshawe tsho ladziwa ngomu nḓuni. “Vha tshumelo ya shishi vhori vha tshi swika he tshiwo tsha itea hone, vha amba zwauri nwana uyo o lovha,” vha amba Vho Ledwaba.

Mukhomishinara vha mapholisa a Limpopo Lt-Gen Thembi Hadebe vhari vha humbela zwauri vhabebi na vhaunḓi vha ṱhogomele vhana tshifhinga tshoṱhe na uvha na vhusedzi khavho tshifhinga tshoṱhe.

Muambeli wa masipala wa tshiṱiriki tsha Vhembe (VDM), Vho Moses Shibambu, vhari vha VDM vha kha nzudzanyo yau khwinifhadza nḓisedzo ya maḓi kha kusi uko. Vhari mushumo wau khwinifhadza vhupo ha maḓi ha Malamulele utshe wo vheiwa kha thandela hune zwezwi vha tshi i fhedza, iyi sisiṱeme ye yavha i khou shumiswa yavha itshifhela  i ḓoisa tshumelo kha tshitshavha.

Vho Shibambu vho amba zwauri hu na milandu minzhi yau ṱumiwa ha maḓi zwi siho mulayoni kha kusi kwa Xigalo he vhari vhadzulapo vha kha tshiṱiriki tsha Vhembe  vha fanela uzwi vhiga kha VDM.

 

Date:03 June 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 170

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT