ADVERTISEMENT:

 
 

Vho William Sadiki (104) vhe vha ya u khetha kha khetho guṱe dza Lavhuraru ngei tshikoloni tsha fhasi tsha Manavhela. Tshifanyiso: Thembi Siaga.

Muaaluwa vha minwaha ya 104 vho dzhenelela khetho guṱe dza lushaka.

 

Tshiṱori nga:Kaizer Nengovhela. Ṱhalutshedzo nga: Khathutshelo Raliphaswa.

Vhadzulapo vha Vhembe vho bva nga vhunzhi vha tshi dzhenelela khetho guṱe dza lushaka dza ḽa fumbili-ṱahe Shundunthule, khetho idzo ndi dze vhanzhi vhovha vha dzi lindela u fana na khetho dzau thoma dza dimokirasi dza ṅwaha wa gidiḓaṱahe fuṱahe-iṋa. Kha vhakhethi hu katelwa vharangaphanḓa vha mivhundu, vhoramabindu, vhashumi vha muvhusoni, na vhaṅwe vhaswa vhanzhi vhane vha wela kha mbalo ya vhathu vhasina mishumo zwa zwino. Vhunzhi havhathu vha tenda zwauri ḽihoro ḽe vha khetha kha khetho guṱe idzi kana onoyo nkhetheni e vhamu khetha zwi ḓo ḓisa tshanduko kha shango lashu.

Muthu vhe vhavha vha khou humbulelwa uvha muhulwane kha vhathu vhoṱhe vhe vha khetha  fhano Vhembe ndi Vho William Sadiki vha minwaha ya ḓana-na-iṋa vha bvaho Hamanavhela kha vhupo ha Hakutama. Vhathu vhari vhovha vha khou lavhelela zwauri Vho Sadiki vha ḓo farwa sa muthu wa tshipentshele kana sa muholefhali, fhedzi izwi a zwingo ralo kha khetho idzi. Naho vha tshi shumisa thonga u ḓi tika musi vha tshi tshimbila, Vho Sadiki vho swika tshiṱitshini tshau khethela tsha tshikolo tsha fhasi tsha Manavhela nga matsheloni a Lavhuraru, vho ambara swuthu yavho ine vhaḓi hudza ngayo ire na mimendele ya nndwani.

Vho Sadiki ndi muṅwe wa masole vha nndwa ya ḽifhasi ya vhuvili Afrika Tshipembe hone vhe vhone vhe vhoṱhe vha murema vho salaho. Vho ḓi ṅwalisa nga ṅwaha wa 1941, vhe na minwaha ya fumbili-thihi, vha shuma kha Native Military Corps (NMC). Vha NMC vhovha vha tshi tikedza fulo la North African, vha tshi vha nea tshumelo dzi fanaho na zwiendedzi zwa vhuendi, tshumelo, na tshumelo dza zwa mutakalo kha dzi yunithi dza fulo ilo.

Vho ṱalutshedza nga ha nḓila ye vha ḓi wana vhe vhusoleni. “Ndovha ndi tshi shuma bulasini ḽire tsini na Hakutama musi ndi tshi vhidzwa nga vhanna vhavhili vhane vhavha vhatshena vhe vhavha vho dalela khoro ya musanda wa ha Kutama. Ndo ḓou pfumbudzwa Springs nda ya kha pfumbudzo ulwa lwa ṅwaha muthihi. Ndo ḓou hweswa vhuḓifhindulelei hau pfumbudza vhathu vhaswa u shumisa zwigidi na dzinwe nḓowenḓowe.”

Musi nndwa i tshi fhela nga ṅwaha wa gidiḓaṱahe fuṱahe-ṱhanu, masole vho ḓou neiwa zwiphuga, hu tshi katelwa na ṱhanziela dza tshumelo, mendele dza nndwa, na mendele dza tshumelo dza Afrika. “Nndwa yovha tshenzhemo i songo ḓoweleaho kha nṋe, fhedzi ndo guda zwinzhi,” vha amba.

Ho no fhela minwaha i hovhelelaho ya fumalo, fhedzi Vho Sadiki vha tshe na nungo dza ulwa khavho. U vhona zwo novha khaedu khavho, fhedzi muhumbulo wavho utshe wo fhelela, vhakhaḓi kona u humbula zwa murahu, naho minwaha yavho yo no enda vhukuma.

“Tshifhinga tsha murahu, rovha ri tshi dzula kha nnḓu dza ranndavhula dza u fulelwa nga mahatsi, hovha husina nnḓu dzi fanaho na dza masualauno. Hovha husina zwikolo, dzi kiḽiniki, maongelo, kana dzone bada dza khwine. Rovha ri tshi tshimbila nyendo ndapfu nga milenzhe husina na zwiendedzi. Vhaaluwa vhovha vha tshi fhedza vhunzhi ha tshifhinga tshavho vha tshi ṱoḓa zwiḽiwa, ngeno vhasidzana na vhaswuhana u fana na rine rovha ri na vhuḓifhinduleli ha u lisa dzi mbudzi. Rovha ri tshi ka maḓi ubva zwisimani, rovha ri sa fani na namusi hune ra ka maḓi ubva kha dzi phaiphi,” vha amba.

Vho Sadiki vho ita nau kovhela vhaswa tshiphiri tshavho tsha u kona u tshila tshifhinga tshilapfu, he vhari: “itani ndowendowe, ni tshile vhutshilo ho kunaho na uḽa zwiḽiwa zwa pfushi tshifhinga tshoṱhe, izwo zwoṱhe zwi engedza maḓuvha anu a vhushilo.”

Lutamo lwavho ndi u ṱangana na muphuresidenthe vha Afrika Tshipembe Vho Cyril Ramaphosa, uri vha vha vhudze nga ha tshenzhemo yavho vhe nndwani vha sa athu u lovha. Vho takala uri vho kona u shela mulenzhe khau ita ḓivhazwakale kha shango ḽashu, fhedzi vho nyamiswa ngau vhona uri mishumo yavho na ya vhaṅwe azwi dzhielwi nṱha. Vho humbela muvhuso uri u vha hulise vha khaḓi tshila, u fhira musi vho no lovha.

Vha na vhana vha malo ubva kha vhafumakadzi vhavho vhavhili, vhane vhuna havho vho no lovha.

 

Date:31 May 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 142

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT