ADVERTISEMENT:

 
 

Ramavili Nyelisani “The Rose of Limpopo” Thagamega, ane ari u khouya u dzula Zimbabwe ubva nga nwedzi wa Fulwane. Tshifanyiso: Victocr Mukwevho.

“The Rose of  Limpopo” u khou pfulutshela Zimbabwe sa ramavili.

 

Tshiṱori nga: Victor Mukwevho. Ṱhalutshedzo nga: Khathutshelo Raliphaswa

Ramavili ane a khou ḓi sikela dzina kha mutambo wa mavili Nyelisani “The Rose of Limpopo” Thagamega obula zwauri nga ṅwedzi wa Fulwana ṅwaha uno uḓo pfuluwa ubva kha tshiṱiriki tsha Vhembe fhano Afrika Tshipembe a ya u dzula Zimbabwe.

Ramavili uyu ane abva kha kusi kwa Luheni kha tshiṱiriki tshetshi tsha Vhembe, o ṱahisa zwauri khaedu kana thaidzo ine avha nayo na nḓowetshumo ya mutambo wa mavili kha shango ḽashu ndiuri huna khaedu ya ṱhahelelo ya vhathu vhane vha tshimbidza nau alusa mutambo uyu zwavhuḓi, naho a tshi ḓi kukumusa nga uvha na nndwa dza fumi, he a kundiwa kha nthihi, a kunda kha dza malo.

“Athina huṅwe udi khethela nga nnḓa hau lwa ndi nnda ha shango ḽashu hune nda ḓo hola nga dzi dollar. Athi ṱoḓi u fa ndi tshisiwana savhanwe vhoramavili. Vhoramavili fhano Afrika Tshipembe vha holelwa masheleni maṱuku vhukuma. Vho ramabindu vhapo navho avha tsha lambedza mutambo wa mavili kha shango ḽashu ngauri avha dzhielwi nṱha musi vha tshi andadza nga ha mutambo uyu. Ndo no kunda kha nndwa dza malo zwa zwino, fhedzi naho zworalo athi athu u anḓadzwa kha thelevishini ya lushaka ndi luvhandeni ndi tshi lwa. Ndovha ndi tshi dzulela u anḓadzwa kha DSTV hune vhathu vhanzhi avha koni u mmbona ndi tshilwa sa izwi vhunzhi havho vhasina DSTV. Ri fanela uzwi humbula zwauri vhalambedzi navho vhavha vhe mushumoni wau ita khunguwedzo nga ha mabindu avho,” vha amba.

A tshi vhudziswa uri ndi ngani o nanga Zimbabwe kha mashango oṱhe a Afrika, o ṱahisa zwauri hango tou nanga Zimbabwe. O bvela phanḓa a amba zwauri o founelwa nga ramabindu a ḓivheaho wa Zimbabwe ane a vhidzwa Delta Munyadzira wa Delta Force Boxing Promotions ine yavha khamphani ya u mona na ḽifhasi i divheaho, nga murahu hau vhona nndwa dzawe dze a dzi lwa a ngei Emperor’s palace ire Kempton Park.

“Ndo tenda ngau vhona uri zwe vhavha vha khou mpha zwone zwovha zwi zwavhuḓi vhukuma, hone zwa zwino ndi Harare hune nda ḓo lwa kha undercard ya nndwa dza u mona na ḽifhasi ṅ fhasi ha zwiimiswa zwa mavili zwihulwane u mona na lifhasi. Zwi dovha hafhu zwavha dovha zwannea tshikhala tsha uri ndi ḓi sumbedzise kha tshitshavha sa ramavili, hone vha nfhulufhele musi ndi tshiri nga ḽiṅwe ḽa maḓuvha ndi ḓo vhuya na tshiphuga tsha vhugwena ha ḽifhasi,” a amba.  

Malugana na lwendo lwawe kha zwa, o amba zwauri nga murahu ha u wa kha Musangwe lwa tshifhinga tshilapfu, o ḓou dzhia tsheo yau lwa lwa phurofeshinala atshe Limpopo. O ḓou vhona ṱhahelela ya zwishumiswa zwa vhoramavili kha tshiṱiriki tsha Vhembe, a ya u dzula Johannesburg he a gudiswa nga Zwide Nxumalo.

O ḓou amba nga ha tshifhinga tshe a vhoniwa nga munnaavhane Digaan “The Ros of Soweto” Thobela musi a khou guda Soweto, e amu ḓivhadza kha mualusi wa mavili Rodney Berman, musi a khou gudiswa nga Harold “The Hammer” Volbrecht.

“Fhasi ha Volbrecht, ndo kunda kha nndwa dza rathi nga knockpout, nda ḓa nda kunda nthihi nga zwivhalo. Ndo tou kundiwa nga ene Deejay Kriel kha nndwa ya u dovholola,” a amba, a engedza zwauri nga murahu hau kunda Deejay Kriel nga knockout, o ḓou dovholola nndwa nae a wana gundo hafhu.

Uri ramavilia ane amu ṱuṱuwedza hone a dovha hafhu a tama u swikelela hune avha hone, ndi Mike Tyson. “Ndi ene ane nda shumisa video dzawe udi ṱuṱuwedza musi ndi tshi ya nndwani. Ndi dzula uḓi vhudzisa zwauri, arali Mike o zwi kona u kunda vhe avha a khou lwa navho kha luṱa lwau thoma, ndi ngani nne ndi sa koni u swikelela zwi fanaho na izwo? Ndi dzulela uya nndwani ndo ḓi vhudza zwauri ndi ṱoḓa u kunda kha luṱa lwau thoma sa Mike,” a amba.  

O tanḓavhudza zwauri u lwa e Zimbabwe na manwe mashango a Afrika azwi ambi uri ha tshavha mudzulapo wa Afrika Tshipembe. “Ndi tshe mudzulapo wa Afrika Tshipembe, fhedzi ndi fanela u ita masheleni ndi tshe na tshikhala tshau ita ngauralo,” a pendela.

 

Date:30 May 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 191

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT