ADVERTISEMENT:

 
 

Pfarelo Naledzani, mulindi wa tsireledzo a bvaho Tshithuthini Thengwe, e a wana digirii yawe ya Town Planning ubva Yunivesithi ya Venda. Tshifanyiso: Mazilitha.

Lwendo lwa Naledzani ubva kha uvha  mulindi wa tsireledzo uya kha uvha na honours ya yunivesithi

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Pfarelo Naledzani, wa minwaha ya furaru-rathi ane avha mulindi wa tsireledzo a bvaho Thengwe Tshithuthuni, o pfufhiwa nga ṱhanziela ya honours kha buḓo ḽa Town planning ubva Yunivesithi ya Venda (Univen). Izwo zwo tou sumbedza zwauri u bvelela u tevhela uḓi nekedzela nau shuma wo ḓi imisela.

Nga Lavhuraru ḽa fumi-ṱhanu Shundunthule, vhaeni na matshudeni vho dalelwa nga Dakalo vha tshi vhona Naledzani a tshi tshimbila luvhanḓeni, fhedzi zwa zwino ovha a sa tshimbili sa mulindi wa tsireledzo, fhedzi sa muṅwe wa matshudeni vhe vhavha vha khou avhelwa ṱhanziela dzavho dza honours.

Sa muthu o bebwaho muṱani u shayaho, lwendo lwawe kha zwa pfunzo lwovha lwo ḓala dzi khaedu na vhuleme zwi konḓaho. Fhedzi uvha na ḓora hawe lau wana nḓivho na uvha na vhuḓifhinduleli kha ene mune, Naledzani o hana u kundiwa nga nyimela dzawe na khaedu dzine a ṱangana nadzo.

“Hetshi tshovha tshifhinga tsha vhuthogwa tsha vhutshilo hanga, vha muṱa wanga, na vhoṱhe vhe vha ntikedza, ndi sa hangwi mufumakadzi wanga. U tou amba ngoho, lwendo lwovha lu songo leluwa naluthihi. Hovha na maḓuvha e nda ṱoḓa u laṱela thaula, tshinwe tshifhinga ndi tshi ya kilasini ndi songo la tshithu. Naho ndo ṱangana na khaedu idzo, ndo tou dzulela uḓi humbudza nga ha u ṱoḓa u wedza ndoro dzanga,” a amba. 

Nga murahu hau phasa murole wa vhufumi-na-vhuvhili tshikoloni tsha nṱha Azwifarwi nga ṅwaha wa 2006, o ḓouya u khwinifhadza maraga dzawe dza thero ya mbalo na physical science he a kona u wana maraga dzine dza mu swikisa u dzhena yunivesithi nga murahu hau lingedza lwa tshivhalo. O ḓou thoma na pfunzo dzawe nga ṅwaha wa 2010 fhedzi a litsha nga ṅwaha wa 2016 nga zwivhangi zwinzhi, hu tshi katelwa u xetshelwa nga ndambadzo pfunzo ya NSFAS. Nga tshifhinga itsho ovha o salelwa nga thero nthihi uri a ise bambiri ḽawe ḽa ṱhoḓisiso, apfa o nyama a litsha tshikolo. Zworalo, o ḓou thoma lwendo lwau ṱoḓa mshumo, e na fulufhelo lauri udo dovha hafhu a humela Univen.

“Mme anga vho ḓou nnea masheleni au badela uḓi ṅwalisa, masheleni ayo ndo ḓou a shumisa u ḓi ṅwalisa u wana ṱhanziela ya vhulindi uri ndi kone u badelela pfunzo dzanga nga ṅwaha wa 2017. Mushumo uyo wa vhulindi ha tsireledzo wo ḓo nthusa u humela tshikoloni nda kona ha u ṱhaphudza pfunzo dzanga. Naho ndo ṱangana na khaedu, ndo konḓelela, ndavha munna ane a khou unḓa muṱa wawe ngeno ndi khou badela na pfunzo dzanga. Kha zwoṱhe hezwo, ndovha ndo sedzana na ndivho yanga,” a amba.

U shuma na uvha mutshudeni nga tshifhinga tshithihi zwovha khaedu nga zwone zwine, fhedzi Naledzani u ṱuṱuwedza avho vhane vhari vha khou laṱa fulufhelo kha u wedza ndoro dzavho. “Tshenzhemo yanga kha zwa vhulindi i khwinifhadza ndivho yanga kha zwa Town planning, zwine zwa nkonisa u shela mulenzhe kha u fhaṱa tshitshavha tshire na tsireledzo ya khwine, ine ya dovha hafhu ya takalelwa nga vhathu,” a amba.

 

Date:30 May 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 164

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT