ADVERTISEMENT:

 
 

Vhadzulapo vha kale vha Louis Trichardt Dawie na Chantal Roux, vho fodwa vha embasini ya Afrika Tshipembe ngei Abu Dhabi, he vha khetha hone nga Mugivhela wa ḽa fumi-malo Shundunthule. Tshifanyiso tsho bveledzwa.

Mugivhela wo ri sumbedza uri sa lushaka ri tshithu tshithihi. 

 

Tshiṱori nga: Andries van Zyl. Thalutshedzo nga: Khathutshelo Raliphaswa. 

Vhathu vha bvaho Afrika Tshipembe vhane vha dzula mashango ḓavha vhovha na tshikhala tsha u khetha kha khetho guṱe dza naṅwaha dze dza farwa nga mugivhela wa ḽa fumi-malo Shundunthule ngei mashango davha. Izwo zwo itea na ngei embasini ya Afrika Tshipembe ire Abu Dhabi ngei United Arab Emirates (UAE), he vhathu vha bvaho Afrika Tshipembe vha khetha uri vha pfiwe vho. 

Kha vhakhethi avho, hu katelwa na vhadzulapo vha kale vha Louis Trichrdt Dawie na Chantal Roux. “Mufhiso a ungo ri thivhela sa vhathu vha bvaho Afrika Tshipembe, ro no ṱangana na zwinzhi!,” vha amba vhuvhili havho.

Avho vha muṱa wa ha Roux vho ṱuwa vhafho Afrika Tshipembe minwaha ya malo yo fhiraho. Vha tshipiḓa tsha vhaṅwe vhathu vha bvaho Afrika Tshipembe vhane vha shuma kha dzi sekhithara dza zwa mutakalo, dza zwiḽiwa na vhuendeli na dziṅwe dza masheleni kha vhupo ha UAE. Vhadzulapo avho vha paḓa zwigidi zwa ḓana.

Vhukonani na matshilisano a vhathu vha bvaho Afrika Tshipembe musi vhe UAE ndi zwine zwavha zwavhuḓi vhukuma u fhira musi vhe fhano hayani. “Ari vhoni muvhala kana luambo kha muthu. Nga zwifhinga zwa mabembela, ri wana vhathu vha tshaka dzoṱhe vha tshi ḓi humbela u tambelwa nyimbo dza Afrikaans, ngauri vha pfa unga vha hayani. Muthu muṅwe na muṅwe u tikedza thimu dza lushaka; Springboks, Proteas na Bafana Bafana. Mitambo a ṱanganya maAfrika Tshipembe vhoṱhe, na ngeno UAE zworalo,” hu amba Chantal kha nyambedzano ya murahu ye ai fara na vha Limpopo Mirror nga ṅwedzi wa Nyendavhusiku ṅwaha wo fhelaho atshi ṱahisa nga ha nzulele na vhutshilo ha vhathu vha bvaho Afrika Tshipembe vhane vha shuma nau dzula mashango ḓavha.

Nga ḽa fumi-malo ṅwedzi uno, vhathu vha Afrika Tshipembe vhovha vho dovha hafhu u ṱanganywa, zwa zwino vho ṱanganela hone u khetha ngei embassy ya Afrika Tshipembe ya Abu Dhabi zwe zwa farwa u bva nga awara ya vhusumbe nga matsheloni u swika awara ya vhu sumbe nga madekwana. “Muimeleli o ḓivha a khou davhidzana na riṋe nga ha nḓila ine zwa khetho zwa khou tshimbila ngayo na uri zwi khou swika ngafhi. O ḓi amba nauri nga awara nṋa fhedzi dzi thoma u voutha, ho voutha vhathu vhanzhi vhane vha fhira vhathu vhoṱhe vhe vha voutha kha khetho dzo fhiraho.,” hu amba Chantal. Zwi dovha hafhu zwa sumbedza zwauri khetho dza nanwaha ndi dza ndeme u fana na khetho dza 1994.

“Nḓila ye vhathu vhovha vho takala ngayo zwovha zwi khou sumbedza uvha zwavhuḓi vhukuma,” hu amba Chantal. Engedza Dakalo kha vhathu avho vhe vhavha vha khou khetha, vha embassy ya Afrika Tshipembe vho vha ṋea madi ḓuvha ḽoṱhe, ngeno vha Hyperama, vhengele ḽa vhupo uho, vho ṋea vhathu dzi ice cream nga mahala. Vhakhethi vho dovha vha ingiwa ngau ṋeiwa zwiḽiwa zwa mahala.

“Zwovha zwi tshi touvha khagala uri tshaka dzoṱhe vha ṱoḓa u vhona tshanduko kha shango ḽashu. Khetho dza mugivhela dzo sumbedzisa zwauri na ngoho ro farana. Ri ḓi hudza nga ubva Afrika Tshipembe,” hu engedza vha muṱa wa ha Roux.

 

Date:28 May 2024

By: Andries van Zyl

Andries joined the Zoutpansberger and Limpopo Mirror in April 1993 as a darkroom assistant. Within a couple of months he moved over to the production side of the newspaper and eventually doubled as a reporter. In 1995 he left the newspaper group and travelled overseas for a couple of months. In 1996, Andries rejoined the Zoutpansberger as a reporter. In August 2002, he was appointed as News Editor of the Zoutpansberger, a position he holds until today.

Read: 198

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT