ADVERTISEMENT:

 
 

Mufu, Martin Ramathuthu (29). Tshifanyiso tsho bveledzwa.

Mutambo wa ha Rabali wo fhela nga masindambilu.

 

Tshiṱori nga: Maanda Bele. Ṱhalutshedzo  nga: Khathutshelo Raliphaswa.

Mutambo we wavha wo lindelwa wa vhukati ha Matanda Rockers FC and Rabali Pull Together FC wo fhela nga masinḓambilu, he munna a lovha ngeno mukomana wawe o hwalelwa vhuongeloni.

Thimu idzo mbili dzovha dzi khou tamba mutambo wau lwela vhugwena ha ḽigi ya Safa Vhembe Hollywood Bets. Mutambo uyo wo tambiwa  nga Mugivhela wa ḽa fumi-malo Shundunthule luvhanḓeni lwa Tshifulanani sa izwi wovha u pfuluswa ubva mudavhini wa bola wa Harabali sa izwi hovha na khuḓano  nau shushedzwa nga zwiito zwi songo ṱanganedzeaho ubva kha vhatevheli vhe vhavha vhe afho.

Khuḓano ya murahu vhukati ha thimu idzo mbili yo Fhela nga dzi nndwa musi vhatevheli vha Rockers vha tshi swika vha pomoka malogwane uvha na udzhi sia vhukati ha thimu idzo. Mutambo wo ḓou ima nga murahu ha u vuwa ha nndwa vhukati ha vhatikedzi vha thimu dzoṱhe vhe vha hana u bva mudavhini nga murahu hau kaidzwa.

Uya nga munwe wa vhatikedzi vhe vhavha vhe afho mutamboni luvhanḓeni lwa Tshifulanani, mutambo wo fhela thimu idzo dzowa malinga husika yokoraho, zwe zwa takadza vha Pull Together sa izwi vhovha dzingwena dza ḽigi sa izwi vhovha vha khou ṱoḓa phointhi nthihi fhedzi.

“Nga murahu ha mutambo, vhatikedzi vha Rabali vho ḓou dzhena mudavhini nga khani vha tshi shushedza mugudisi wa Rockers nga phanga, fhedzi mugudisi vha kona u shavha vhe na vhatambi. Ndi he ha vuwa nndwa ha ṱhavhiwa mutikedzi muthihi wa Rockers,” vha amba. Hu tendiwa zwauri nndwa iyi ṱumanywa na khuḓano ye ya bvelela Harabali.

Munwe mutikedzi o ḓou sala o huvhala, e a ḓivhadzwa uri ndi Steward Ramathuthu, a hwalelwa vhuongeloni ha Tshilidzini hune a khou ongiwa hone zwa zwino.

Nga Sondaha, ya ḽa fumi-ṱahe Shundunthule, murathu wa Steward, Martin Ramathuthu (29) a bvaho Tshiṱuni Thembaluvhilo ngei Nzhelele, o ḓou ya Harabali a tshiya u lifhedzela zwe zwa bvelela kha mukomana wawe. Mashudu mavhi zwiito zwawe zwo mu ṱanganisa na masindambilu.

Muambeli wa mapholisa Vhembe W/O Vuledzani Dathi vho khwaṱhisedza tshiwo he vha amba zwauri tshiwo tsho itea nga awara ya vhufumi-thihi nga matsheloni. Vhari mapholisa vho wana ṱhingo ubva kha mudzulapo, e avha luma nḓevhe nga ha khuḓano vhukati ha Vho Mukovhe Masakona na Martin, he Martin avha a khou kwasha ndaka ya Vho Masakona. Mudzulapo uyo o dovha hafhu a amba zwauri Martin o ḓou engedza ngau sumbe mufumakadzi wa Vho Masakona nga tshigidi. ḽ

Vho Dathi vhari musi mapholisa vha tshi swika muḓini uyo, vho dou vhudziwa zwauri muhumbulelwa o ṱhaselwa nga vhadzulapo tsini na tshikolo tsha fhasi tsha Rabali. “Mapholisa vho ḓou bvela phanḓa na uya he mupondwa avha e hone, he vha mu wana o eḓela fhasi e na mavhadzi au fhiswa kha muvhili woṱhe.” Martin ovha a kha ḓi fema fhedzi asa koni u amba.

Musi mapholisa vha tshi ṱola muvhili wawe, vhadzulapo vho ḓo netshedza mapholisa tshiputo tsha mamasalela agulu yatshigidi tshi si na tshithu, lufhanga, na vhurukhu vhutsu, zwe vhari vha tenda uri ndi zwawe. O ḓou hwalelwa vhuongeloni ha Siloam he mashudu mavhi a fhedza o lovha.

W/O Dathi vhari mufu ovha o dalela muthu ane ovha a khou humbulelwa zwauri ndi ene o ṱhavhaho mukomana wawe, fhedzi a wana muthu asi ene. “O dou bvela phanḓa aya dangani la Vho Machekecheke, he a thoma zwe a ita murahu mudini wa Vho Masakona.” Martin o ḓou sumba Vho Dakalo Machekecheke nga tshigidi a ita nau tshi thuntsha o sumba nṱha. Musi Vho Machekecheke vha tshi vhidza vhanwe vhadzulapo uri vha vha thuse, vho ṱavhanya uda u vha thusa, he vha pandela Ramathuthu.

Vho Dathi vho amba zwauri uya nga ha vhuṱanzi havho, mufu o ḓou farwa nga vhadzulapo vhe vha mu dzhiela tshigidi na lufhanga zwe avha e nazwo vha sa athu u mu ṱhasela. Ho wanala gulu si na tshithu he tshiwo tsha bvelela hone. “Ahuna muthu ane ono farwa zwa zwino kha tshiwo itshi hone na vhadzulapo vhe vha mu ṱhasela a vha athu u bviselwa khagala,” Vho Dathi vha amba.

Khotsi a mufu, Vho Takalani Ramathuthu, vhari vho vhaisala nga zwe zwa bvelela, zwe zwa sia ṅwana wavho o lovha ngeno muṅwe a khou lwa navhadzimu  vhuongeloni. “Ri khou tou bva u vhulunga mme avho ṅwaha wo faho. Ovha e murwa are tsinisa na mbilu yanga hone o sia vharathu na mukomana. Ri fulufhela zwauri mulayo uḓo dzhia,” vha amba. Vho engedza zwauri Martin ndi ene we avha atshi dzulela u vha thusa tshifhinga tshoṱhe hayani.

Vha muṱa vha khou lugisela tshumelo ya mbulungo zwa zwino hone vha ḓo livhuwa thuso dzoṱhe dzine vhathu vha nga vha thusa ngadzo kha mbulungo.

Mugudisi vha Rockers Vho Elelwani “Killer” Siavhe vho isa khumbelo kha vha SAFA Vhembe uri vha pfuluse thimu iyi uya kha lunwe luta kha khalanwaha i ḓaho. Vho tahisa zwauri vha na ndavha na tsireledzo ya vhatambi vhavho..

Mapholisa vha khou ita khuwelelo kha vhathu vhare na vhutanzi vhune ha nga thusa kha mulandu uyu uri vha kwame muofisiri wa ṱhoḓisiso Sgt Lerovha Mashudu Fortune kha 072 943 5360.

 

Date:27 May 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 291

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT