ADVERTISEMENT:

 
 

Thovhele Vho Tshifularo Margret Muthige Makuya vho ḓadza mativha ngei Hamakuya kha vhuṱambo he ha farelwa mudavhini wa Hamakuya nga Lavhuṱanu ḽa vhege yo fhiraho. Tshifanyiso: Victor Mukwevho.

Thovhele vha mufumakadzi vha ḓo rangaphanḓa Hamakuya.

 

Tshiṱori nga: Victor Mukwevho. Ṱhalutshedzo nga: Khathtshelo Raliphaswa.

Vhathu vha paḓaho zwigidi zwa sumbe vha u mona na vunḓu ḽa Limpopo vhovha vho kuvhangana mudavhini wa Hamakuya vha tshi kuvhanganela mushumo wau ḓadza mativha wa Khosi pfareli ya Hamakuya we wavha wo lindelwa lwa tshifhinga tshilapfu. Thovhele Vho Margret Muthige Makuya vho ḓadza mativha nga Lavhuṱanu ḽa vhege yo fhiraho.

Kha vhahulisei vhe vhavha vhe hone afho vhuṱamboni, hu katelwa mahosi a bvaho Limpopo na Mpumalanga. MEC wa muhasho wa mavhusele, nzulele ya vhathu, na zwa sialala (CoGHSTA) Vho Basikopo Makamu, Thovhele Vho Masala Mavis Mphephu, na vhaṅwe vha miraḓo ya mabindu a muvhundu uyo. Nga tshifhinga tsha vhuṱambo, Thovhele Vho Masala Mavis Mphephu vho ṱahisa u rulea havho nga uvha na Thovhele vha mufumakadzi kha tshiṱiriki tsha Vhembe.

“Hovha hu nne Thovhele vha mufumakadzi ndi ndoṱhe kha tshiṱiriki tsha Vhembe, hone zwa zwino ndo takala uri ndi ḓovha na muṅwe muthu vhane nda ḓo amba navho nga mafhungo ane a kwama vhafumakadzi. Murahu, ndovha ndi tshi wana ngeletshedzo ubva kha vhalingani vhanga vha vhanna, vhe vhavha vhe si na nḓivho yo ṱandavhuwaho kha mafhungo a kwamaho vhafumakdzi,” a amba.

Mubishopho Vho Makhuvha vha tshivhidzo tsha Union Churches Pastors Movement vho ḓou ḓolisa murangaphanḓa avha muswa nga mapfura a nḓodzo vha tshi buletshedza maipfi auri, “Vha ḓo vhusa vhathu vha mudzimu, hone vha ḓo vha phulusa kha zwanḓa zwa maswina a tsini na kule. Izwi zwi ḓovha tsumbo yauri mudzimu vho vha ḓolisa uvha murangaphanḓa wa Hamakuya,” vha buletshedza.

Zworalo, MEC Vho Basikopo Makamu, vhe vhavha vha khou imelela Vho Chupu Stanley Mathabatha, vho vha nea ṱhanziela ine ya vha limuwa sa Thovhele vhe vha nangiwa nga vha nnḓu ya vhuhosi ya Makuya sa Thovhele pfareli. Vho Makamu vho ombedzela zwauri muvhuso au khethi mahosi na vharangaphanḓa fhedzi vha ṱhonifha tsheo dzine dza dzhiiwa nga vhurangaphanḓa ha sialala vha tshi tevhedza maitele na nḓila dzvho dza sialala na mvelele.

“Musi u dzula hanga tshiduloni sa MEC hu tshi ḓo swika magumoni na khetho dzine dzo sendela, uhu ndi vhuṱambo hau fhedzisela hune nda khou ḓadza mativha. Ndi fhululedza nau tamela mashudu Thovhele Vho Tshifulato Margret Muthige Makuya kha lwendo lwavho,” Vho Makamu vha amba.

Vho amba zwauri Thovhele Vho Makuya na vhurangaphanda vha fanela u khwaṱhisedza uri hu na u farana vhukati ha mashaka na u ḓisa mveledziso kha muvhundu wavho.

Vha tshi amba nga ha zwine vhathu vha khou vhilaela zwauri naa vha nga kona u rangaphanḓa sa mufumakadzi?, Thovhele Vho Makuya vho fhindula zwauri: “Ndi na vhukoni hau rangaphanḓa tshitshavha. Lwendo lwa vhutshilo lu na nḓila nnzhi dzine muthu a dzi dzhia kana u ṱangana nadzo, hone namusi, ndo hweswa vhuḓifhinduleli vhune ha lemela fhedzi vha tenda zwauri ndi ḓo zwi kona. Nne na miraḓo ya nnḓu ya vhuhosi ha Ha- Makuya na vhadzulapo, ri ḓo zwi kona musi ro farisana kha zwoṱhe. Ri humbela ngeletshedzo nau tsivhudzwo hoṱhe hune zwa ḓovha zwi khou ṱoḓea, uri ri kone u lugisa he ra khakha hone, ra kona u bvela phanḓa.”

 

Date:24 May 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 267

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT