ADVERTISEMENT:

 
 

Mukovhe Vincent Makhuvha utshe khothoni, o lindela u gwevhiwa malugana na milandu yawe. Tshifanyiso: Silas Nduvheni.

Mudzia u tshipa wa Facebook o lindela u gwevhiwa.

 

Tshiṱori nga: Maanda Bele. Ṱhalutshedzo nga: Khathutshelo Raliphaswa.

Mukovhe Vincent Makhavhu u tshiṱokisini zwa zwino, o lindela u gwevhelwa milandu yawe. Vhunzhi ha vhapondiwa vhawe vhari vha na fulufhelo ḽauri uḓo fariwa a valelwa dzhele lwa tshifhinga tshilapfu. Mukovhe “mudzia u tshipa khasiatari laz zwavhudavhidzani ha( Facebook) o sia o huvhadza vhapondiwa vhawe lune vhari a vha kholwi zwauri vha ḓo fhola zwino kha zwe vha ṱangana nazwo.

Mulandu uyu wa muporofita wasiatari la vhudavhidzani kha Facebook ndi une wavha wa vhuṱhogwa nga nḓila nnzhi.  U sumbedzisa nḓila dzo leluwaho dzine vhathu vha kona u fhura vhaṅwe vha tshi shumisa zwileludzi zwa vhudavhidzani, hune vhathu vha kundelwa u vhona masiaṱari a vhukuma na a vhufhura. U dovha hafhu wa sumbedzisa khombo ya ḽifhasi ḽa zwileludzi zwa vhudavhidzani, hune vhathu vhane a vhana mulandu vha pomokwa milandu ine avha ḓivhi tshithu ngayo.         

Nga Lavhuraru ḽa fumbili-iṋa Lambamai, Mukovhe o wanwa mulandu malugana na milandu mina yau tshipa, muthihi wau ṱhasela, na muṅwe wa u ṱangula. Mulandu we wa pfiwa khothe ya nṱha ya Ṱhohoyanḓou, wo ḓou fhiriselwa phanḓa uya kha ḽa raru Fulwi hu tshi itelwa thangeli dzau ṱolwa hau gwevhiwa.

Siaṱari ḽa vhufhura ḽa Facebook, ḽine ḽa vhidzwa Elma Mutavhatsini, lo kunga maṱo a vhashumisi vha zwileudzi zwa vhudavhidzani ha Facebook nga ṅwaha wa 2021 nga Ṱhafamuhwe. Vha nyanḓadza mafhungo ya Limpopo Mirror vho ṅwala nga ha u hweswa u tshipa ha muporofita uyu wa mazwifhi we a shumisa siaṱari ya zwileludzi u kunga vhafumakadzi a fhedza nga u vha tshipa na u vha ṱhasela.

Siaṱari iḽo ḽa Facebook ḽo dou aluwa nga luvhilo luhulu a tshi amba nga ha vhukoni hawe. O fulufhedzisa vhatevheli vhawe thabelo dza mahala malugana na zwinzhi zwine vhavha vha khou ṱoḓa zwone, u fana na zwikhala zwa mishumo, mathada a miṱani, u fhola nau ṱanzwiwa. O engedza ngau amba nga ha zwithu zwine vhathu vha ita maswiswini u fana na vhuloi nau sumba vhathu uri ndi vho ntende kha mabulayo a muvhundu wavho. Ho swika kha he siaṱari iḽo ḽa 'Elma Mutavhatsindi' ḽavha na vhatevheli vha paḓaho zwigidi zwa ḓana.

Thaidzo yo takuwa musi muṅwe wa vhapondiwa vhawe vhe avha tshipa a tshi ya kha radio ya lushaka a ita khuwelelo kha vhathu uri vha thanyele Elma Mutavhatsindi. Mupondiwa uyo, ane dzina aḽi ngaḓo bulwa, o ṱahisa zwauri o kungiwa nga kha Facebook a iswa tsini na Phiphidi, he a ṱhaselwa a tshipiwa.

Mufumakadzi uyo o amba zwauri o thoma ngau fhindula kha siaṱari ḽa Facebook, a swika kha uvha na nyambedzano na muthu we ari u “muporofita”. Nga murahu ha tshifhinga, o ḓou neiwa nomboro dza muthu a vhidzwaho Ndivhuwo, he vhuvhli havho vha tendelana u ṱangana Phiphidi nga ḓuvha li tevhelaho.

Zwe zwa itea kha mufumakadzi uyo hovha tshilonda tshine a tshi nga ḓo fhola khae. O kungelwa mulamboni nga munna uyo, he a mu tshipa. O dou kona u shavha aya kha kusi kwa tsini, he vhana vhararu vha mu phulusa. Mulandu uyo wo ḓou vhigiwa mapholisani.

Kha nyambedzano ya zwino na vha Limpopo Mirror, o amba zwauri o takala vhukuma uri Mukovhe o waniwa mulandu, fhedzi tshilonda tshe a sia kha vhutshilo hawe tshi ḓo lenga u fhola. “Ndi muloro muvhi une nda ḓo tshila nawo vhutshilo hanga hoṱhe, fhedzi ndo takala uri ro wana vhulamukanyi. Musi ndo dzula ndi ndoṱhe, zwoṱhe zwe zwa itea kha nne zwia vhuya muhumbuloni,” vha amba.

Tshiwo itsho kwasha mbingano yavho. “Nga murahu ha nyambedzano kha radio ya lushaka, mbingano yanga aingo tsha dovha ya fana na kale, he ra fhedza ro fhambana. Ndo fhira kha zwithu zwinzhi kha minwaha heyi miraru ye ya pfukha, hone ndo lingedza udi haṱula vhutshilo, fhedzi nda wana thusa ubva kha vhadzulapo ha vhaḓivhi vha zwa mutakalo. Ndo novha na vhuḓifulufheli kha nne mune, hone zwa zwino ndi a kona u tshimbila tshitshavhani ndi sa dzhieli nṱha zwithu zwoṱhe zwine vhathu vha amba,” vha amba.

Mukovhe hango shumisa siaṱari iḽo u kunga vhafumakadzi fhedzi hune a kona u vha tshipa. O dovha hafhu a lingedza u fhura vhathu masheleni, a tshi di ita “muporofita”, he ari u na maanḓa nau kona u vhona mabono.

Vhaṅwe vha vhapondiwa ndi vha muṱa wa ha Nemaranzhe vha bvaho Duthuni tsini na Ṱhohoyanḓou. Vha ha Nemaranzhe vhovha vhe kha fulo ḽau ṱoda ṅwananyana wavho e a ngalangala  nga ṅwaha wa 2021, he Elma Mutavhatsindi a shumisa tshiimo itsho u fhura muṱa uyo masheleni a paḓaho R25.000 ubva khavho. Vho dou vhudziwa zwauri ṅwananyana wavho o dzhiiwa nga khani hone o valelwa Gauteng, hune vha fanela u badela masheleni a paḓaho R25,000.

Kha nyambedzano ye ya itea zwa zwino, mukomana wa ṅwananyana we a ngalangala, Thina Nemaranzhe, o amba zwauri o takala sa izwi Mukovhe o wana duvha ḽawe khothe, hone vha fulufhela zwauri udo gwevhiwa tshigwevho tsho fanelaho.”O vhaisa vhathu vhanzhi. Rovha ri khou lila musi atshi lingedza u ri fhura masheleni ashu,” a amba. Thina o engedza zwauri Mukovhe o ṅwala zwithu zwinzhi zwi tatisaho nga ha murathu wawe. O amba zwauri vha muṱa vha tshe kha fulo lau ṱoḓana na Rolivhuwa, hone vha na fulufhelo ḽauri nga ḽiṅwe ḽa maḓuvha u ḓo wanala.

Fhedzi mulandu wa Elma Mutavhatsindi wo ḓou hweswa munwe muthu, we a hweswa mulandu usi wone a tshi itwa muporofita wa vhufhura na mudzia u tshipa. Mutshidzi Rakhuhu o farwa nga ṅwaha wa 2021 a lungululwa nga murahu ha vhege dza sumbe nau wana beiḽi ya tshigidi tshithihi tsha dzi rannda. Nga la 22 Fulwi 2021, khothe iyo yo ḓou anḓadza zwauri mulandu une a khou hweswa wone uḓo phumulwa sa izwi husina vhuṱanzi vhufushaho.

Nga tshifhinga itsho, vhasedzulusi vho ḓou wana zwauri mudzia u tshipa wa vhukuma u nnḓa. Mukwevho o ḓou ḓi vhonadza khothe ya madzhisiṱiraṱa wa Krugersdorp nga Tshimedzi 2021 malugana na mulandu u sa ḓivhei. Khothe, nga usa ḓivha zwauri mapholisa vha Limpopo vha khou zwimana na Mukovhe malugana na milandu miṱanu, vho ḓou mu vhofholola.

Mukovhe o ḓou vhigelwa mapholisani nga maine ane a dzula Vhembe. O dalela maine avho a humbela mishonga yau nyamaladza milandu. Nga hone u ḓivha zwiito na milandu yawe, vho ḓou vhidza mapholisa, vhe vha swika vha mu fara na zwenezwo.

Naho u fariwa ha Mukovhe zwo rudza mbilu ya Mutshidzi Rakhuhu, hovha ho no tshinyala zwinzhi. ”Musi ndi tshi fariwa, ndo phaḓaladzwa kha zwileludzi zwa vhudavhidzani nga vhunzhi. Nda tshinyiwa dzina. Ndi tou livhuwa mapholisa vhe vha fara Mukovhe nau wana vhuṱanzi hoṱhe vhune ha fusha. Ndi khou lingedza u vhuyedza zwe zwavha zwo kwashekanywa nga nṋe. Zwa zwino ahuna hune nda nga shavhela hone, naho vhaṅwe vha vhathu vha tshi ḓi mmbidza uri ‘Elma’. Ndi tou takala uri vhathu vha ḓo ḓivha ‘Elma’ wa vhukuma,” a amba.

 

Date:20 May 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 189

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT