ADVERTISEMENT:

 
 

Makhulu Vho Nkhumeleni Netshimboni vho ima na ṱereṱere ḽe vha ḽi shumisa u humela kha zwa vhulimi. Tshifanyiso tsho bveledzwa.

‘Pfunzo a i huleliwi’

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Vhulwadze hau eḓela he havha hu songo ḓowelea ho kombetshedza makhulu Vho Nkhumeleni Netshimboni uri vha litsha tshikolo nga ṅwaha wa gidiḓaṱahe fusumbe-mbili musi vhe mugudiswa wa tshikolo tsha nṱha tsha Thengwe kha murole wa vhusumbe. Vho Nkhumbuleni vha bvaho kusini kwa Tshivhongweni, nnḓa nyana ha Musina, vho ḓou pfulutshela kha iṅwe ya dzi bulasi dza hanefho, he vha shuma sa rabulasi, vhavha na vhana vha rathi nga tshifhinga itsho.

Lwendo lwa Vho Netshimboni lwovha lu tshi ḓovha nga nḓila yauri vho shuma bulasini, vha notha, vha awela hayani sa izwi vhovha vha tshi ḓovha vhe mualuwa, fhedzi kha lwendo lwavho a zwingo itea ngauralo. Vhutshilo havho hoṱhe, vho shuma vhe na lutamo lwau ṱhaphudza pfunzo dzavho uri vhavhe na zwikhala zwa khwine zwa mishumo.

Nga ṅwaha wa gidiḓaṱahe fumalo-ṱahe, ho no fhela minwaha ya fumi-sumbe vho litsha tshikolo, vho ḓou dzhia tsheo yau humela tshikoloni lwa tshoṱhe u wana pfunzo ya khwine. Naho vho ṱangana na dzi khaedu nga tshifhinga itsho, hu tshi katelwa khaedu dzau wana zwidodombedzwa zwavho ubva kha tshikolo tsha nṱha tsha Thengwe, uḓi imisela havho hovha livhisa tshikoloni tsha Dyelamanavha, he vha ṱanganedzwa kha murole wa vhusumbe. Naho hovha na vhathu vhe vha vha nyamisa na uvha kolela nga ha tsheo yavho vho konḓelela u swika he vha ṱhaphudza murole wa vhufumi na vhuvhili nga ṅwaha wa gidiḓaṱahe fuṱahe-raru. U kolelwa nau nyamiswa zwo bva kha vhadzulapo vha muvhundu wavho na vhagudiswa zwi tshi tevhela minwaha yavho nga tshifhinga itsho. Zworalo, vhovha wa mashudu vha ṱanganedzwa kha gudedzi ḽa Yunivesithi ya Venda (Univen) ha vha ṱhaphudza digirii yavho ya BA. Vho kona u alusa vhana vhavho vha rathi ngeno vha khou sedza ngudo dzavho, he vha ṱhaphudza ngudo dzavho nga ṅwaha wa gidimbili.

“Mushumo wanga wau thoma wovha wau funza kha ngudo dza vhaaluwa dza ABET. Nga thuso ya muṅwe wa vhana vhanga, ro kona u fhaṱa nnḓu ya phera ṱhanu he ha shanduka matshilo a roṱhe. Ndo ḓou wana poswo yau funza ya tshoṱhe tshikoloni tsha nṱha tsha Ratshisase tshire kha vhupo ha Matshena, he nda funza nda notha nga nwaha wa gidimbili fumbili-mbili,” vha amba.

Vho Netshimboni vhovha ṱhuṱhuwedza ya vhanzhi muvhunduni wavho. Kha vhanzhi vhovha vhe tsumbo yauri arali muthu oḓi vhudza kha mishumo yawe, zwoṱhe zwia konadzea hone ahuna u lenga khau ṱoḓa u guda zwithu vhutshiloni. Fhedzi vhutshilo ha Vho Netshimboni avhungo fhela musi vha tshi notha sa mugudisi. Vho ḓou humela kha zwa vhulimi, he vha thoma u lima miroho nau fuwa zwifuwo.

“Pfunzo ndi ya ndeme. Ndovha ndi ngasi kone u bveledza tshithu na tshithihi vhutshiloni arali ndovha ndi songo humela tshikoloni. Gavhelo ḽanga ḽe nda ḽi wana nga murahu hau notha ndo ḽi shumisa u renga ṱereṱere, dzi mbudzi, nngu, na kholomo zwe nda vhuyela ngazwo kha vhulimi, zwine zwavha zwithu zwine nda zwi takalela zwihulu vhukuma. Ndo nea vhana vhanga kholomo-kholomo sa nḓila ya uvha thusau thoma nau dzhena kha vhubindudzi ha vhulimi,” Vho Netshimboni vha amba.

 

Date:15 May 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 186

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT