ADVERTISEMENT:

 
 

Neḓorobo muswa wa masipala wa Makhado, Cllr Dorcus Mboyi (kha monde) na neḓorobo muswa wa masipala wa tshiṱiriki tsha Vhembe, Vho Freddah Nkondo. Tshifanyiso tsho bveledzwa.

Vho neḓorobo vho bviswa zwiduloni.

 

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

U sudzuluswa zwiduloni ha vho neḓorobo zwo ganḓiswa lwa mulayo. Vha ḽihoro ḽivhusi ḽa African National Congress (ANC) fhano Limpopo vho sudzuluswa vho neḓorobo vhararu zwiduloni sa vho neḓorobo. Vho neḓorobo avho ndi neḓorobo wa masipala wapo wa Makhado, Vho Samuel Munyai na neḓorobo wa masipala wa tshiṱiriki tsha Vhembe, Vho Dowelani Nenguda, na neḓorobo muhulwane wa tshiṱiriki tsha Sekhukhune, Vho Maleke Mokganyetji. Tsheo iyo ya u bvisa vho neḓorobo avho yo dzhiiwa nga Musumbuluwo kha muṱangano wa komiti khulwane ya vunḓu (PEC), we wa farelwa luvhanḓeni lwa Peter Mokaba, Bulugwane.

Kha tshidulo tsha Vho Munyai hu ḓo dzhena muambeli wa masipala wapo wa Makhado, Vho Dorcus Mboyi, ngeno kha thidulo tsha Vho Nenguda hu ḓo dzhena muambeli wa VDM, Vho Freddah Nkondo. Vho Mokganyetji vha ḓo bvisiwa ha dzhena Vho Minah Bahula. Vha ḽihoro ḽa ANC vhari vho neḓorobo avho vho bvisiwaho vha ḓo neiwa vhuḓifhinduleli ho teaho kha ḽihoro ḽeneḽo sa vhatholiwa.

Muṅwaleli wa vunḓu wa ḽihoro ḽa ANC, Vhamusanda Reuben Madadzhe, vhori, sa nḓila ya u dzudzanya mimasipala nga huswa, vha PEC vho dzhia tsheo ya u shadukisa vho neḓorobo. Vho Madadzhe vho engedza zwauri vha ANC vha na fulufhelo lauri vho neḓorobo vho tiiwaho zwino vha na vhukoni hone vha na tshendzhemo kha muvhuso wapo lune vha ḓo kona u khwinifhadza nḓisedzo ya tshumelo dza ndeme kha vhathu.

Mukhantselara wa ḽihoro ḽihanedzi ḽa EFF masipala wapo wa Makhado, Vho Wiseman Ramalwa, vhari vha pfa vha sa vhilaedzwi nga u bviswa ha neḓorobo wa masipala wapo wa Makhadzo sa izwi hutou lifhedzela. “Izwi zwoṱhe zwi khou ḓa nga murahu ha khuḓano ya tshidulo tsha CFO kha masipala uyu. Vho Munyai vha khou tou shumiswa sa tshiṱhavhelo nga vhathu vhavho nga u khetha muraḓo wa EFF na u tikedza muofisiri muhulwane wa masheleni vho farelano Vho Godfrey Raliphada. Ro no tshila lwa minwaha ya rathi hu na nḓisedzo ya tshumelo isa takadzi, zwa zwino ri nga tou lavhelela zwihulu kha zwe Vho Munyai vha ḓisela vhathu, kha vhane vho tiiwa sa vho neḓorobo. Khaedu dzine ra ḓo ṱangana nadzo fhasi ha u vhuswa nga ANC ndi nthihi. Zwine vha khou ita zwi tou fana na u shandukisa mureili wa tshiendedzi tshithihi,” vha amba Vho Ramalwa.

Mukhantselara wa ḽihoro ḽihanedzi ḽa Democratic Alliance (DA) Makhado, Vho Glenda Furumela, vhari ḽihoro ḽa DA Vha tikedza neḓorobo muswa, hone vha vha tamela mashudu mavhuya.

Muṅwaleli wa SAMWU masipala wa Makhado, Vho Tsanwani Raduvha, vhari dzangano ḽavho vho ṱanganedza tshanduko iyi zwavhuḓi. Vhari nedorobo vha kale vho vha vha tshi shuma vho ḓi nekedzela, fhedzi vho vha vha tshi ṱoḓa thuso. “Ri na fulufhelo kha Vho Mboyi. Ri ḓo kona u swikelela kha u ḓisa thandululo kha khaedu dza nḓisedzo dza tshumelo. Ri ḓo ambedzana navho.” vha amba.

 

Date:09 November 2023

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 323

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT