Mavemu mavhili vho kundwa vha khou lingedza u ṱangula vhengele.

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Mavemu mavhili ngei kusini kwa Manavhela, nnḓa ha Vuwani vho ṱangana na tshimangadzo tsha vhutshilo havho musi vha tshi lingedza u ṱangula vhengele ḽa u ḽela. Vhovha vha khou lingedza u ṱangula vhengele iḽo nga u ḓivha uri mune waḽo ndi mualuwa wa minwaha ya fusumbe-thihi. Mashudu mavhi kha mavemu ayo, vho ṱuwa husina zwe vha ṱangula. Tshiwo itsho tsho bvelela vhege yo fhela nga ḽa mbili Ḽara, nga madekwana.

Uya nga muambeli wa mapholisa a vunḓu ḽa Limpopo, Brig Hlulani Mashaba, mualuwa avho vhovha vha khou vala vhengele ḽavho musi vhanna vhavhili vho ḓi ṱamaho nga zwigidi vha tshi bvelela vha tshi ḓi ita vharengi, ndi he munwe wavho a vha sumba nga tshigidi, a tshi ṱoḓa masheleni.

Naho zworalo, avho mualuwa a vhango tenda u kundiwa nga vhathu vhaṱuku. Vho mbo lwedzana navho vha vha kunda nga u dzhavhula tshigidi tshe vha vha vhe natsho, mavemu avho vho ḓou kundelwa khavhumbulu havho. Mapholisa vho ḓou vhigelwa tshiwo itsho, hone ho vulwa mulandu wa u lingedza u ṱangula bindu. Fulo ḽa u zwimana na vhanna avho vhavhili vha sa ḓivhei ḽi khou bvela phanḓa.

Mpholisa vha khou humbela ane avha na vhuṱanzi vhune ha nga thusa kha mulandu uyu uri a vhige kha tshiṱitshi tsha tsini. Vha nga kwamana na muofisiri wa tsedzuluso Vho Rhanzu Mabedle kha 079 849 6309, kana kha nomboro dza lushaka dza 08600 10111. Na u rumela mulaedza ka epe ya MySAPSApp.

Date:09 November 2023

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 324