Zwikadzi zwi khou ṱhasela vhuongelo ha Siloam.

Tshiṱori nga: Maanda Bele. Ṱhalutshedzo nga: Khathutshelo Raliphaswa.

Uvha muongiwa vhuongeloni ndi nyimelo i lemelaho, fhedzi kha vhaongiwa vha vhaongowaho vhuongeloni ha Siloam, zwo novha tshenzhemo i sa konḓelelei sa izwi hu tshi dzulela u monamona zwimange zwine zwa monamona afho vhungeloni lune zwa ḽa na zwiḽiwa zwa vhaongiwa.

Uya nga vhadzulapo vha tsini na vhuongelo uho, zwi na minwaha zwimange izwi zwi tshi dzulela u monamona vhuongeloni hone zwi khou tou nana. Nga u vhona u nana ha nyimele iyi, muraḓo wa ḽihoro ḽa EFF ngei phalamenndeni, Dokotela Vho Sophie Suzan Thembekwayo vho zwi vhiga phalamenndeni. Vho vhudzisa minisiṱa wa mutakalo Dokotela Vho Joe Phaahla, uri naa ndi afhio maga ane vha ḓo a dzhia u tandulula iyi nyimelo ya u monamona ha zwimange vhuongeloni ha Siloam.

Mbilaelo ya Dokotela Thembekwayo yo fhinduliwa nga vha muhasho wa mutakalo Limpopo, vhe vhari: “Zwikadzi zwire vhuongeloni ha Siloam ndi zwine zwa ḓa vhuongelonbi zwi tshi ṱoḓa zwiliwa, zwi tshi bva kha miḓi ya tsini. U anda ha zwimange izwi ndi ngauri zwi khou beba zwiṅwe zwimange Vhuongelo hovha na thendelani na vhalimi vha tsini uri vha vha thuse nga u shumisa zwimange zwavho u vhulaha dzi mbevha dzire hone. Khuvhanganyo ya u thoma yovha nga ṅwedzi wa Khubvumedzi nwaha uno. Vha Ndou vha khou eletshedza vha muhasho wa mutakalo wa mutakalo uri vha wane thuso kha vha sosaithi ya u thivhela u tambudzwa ha zwifuwo (SPCA) uri vha vha wanele thandululo kha nyimelo iyi”.

Mudzulatsini wa vhuongelo we asi ṱoḓe u bulwa dzina uri zwo thoma musi vhaongi vha tshi thoma u ya mushumoni na zwikadzi. Zwezwi minwaha i tshi ya, zwikadzi zwa thoma u ḓala lwe zwa thoma u ṱhasela na miḓi ya tsini.

Vho James Tshamaano vhe vha dalela vhuongelo uho vhoya u wana thuso ya zwa mutakalo vha fhedza vho valeliwa uri vha itiwe muaro lwa vhege mbili. Vhari vhege idzo mbili vhe vhuongeloni hovha hu tshifhinga tshi konḓaho vhukuma. “Ndovha ndi vhuṱunguni vhuhulu, ngeno zwikadzi zwi khou monamona nṱha ha mbete wanga. Tshinwe tshifhinga zwovha zwi tshi ḓa zwa tamba nṱha hanga, hone hovha husina ane a amba nga hazwo. Zwi sokou swika vhuongeloni zwa ri tswenya lune zwa dzhia na zwiliwa zwashu. Ndo tou fhedza ndo zwi ḓowela sa izwi zwovha zwi tshi dzulela u ḓa,” vha amba. Vho engedza nauri na vhuongeloni ha Tshilidzini zwo tourali.

Date:06 November 2023

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 147