Richard Rambau o anḓadza bugu mbili dza ṱhuṱhuwedzo.

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Muṅwali Richard Rambau, a bvaho Hanthabalala, o anḓadza dzi bugu mbili ṅwedzi uno, ya “Tap into your true potential and succeed” na ya “Becoming a highly effective employee”.

Rambau ndi kale a tshi ḓivhelwa u nea dzi nyambo dza ṱhuṱhuwedzo, milaedza ya u maanḓafhadza, na u ṅwala bugu nga ha mveledziso yawe ene mune, vhurangaphanḓa, na mveledziso ya madzangano na zwiimiswa. U dovha hafhu a nea dzi ngeletshedzo kha vhathu na zwiimiswa.

Nga tshifhinga tsha vhukati ha ṅwaha wa gidimbili fumi-sumbe na gidimbili fumbili-raru o no anḓadza bugu dza malo. “Bugu ya ‘Tap into you true potential and succeed’ yo ṅwaliwa hu na ndivho ya u thuso vhathu uri vha wane vhukoni havho na u bveledza zwine vha kona na vhuvha havho vhone vhane. I ṱuṱuwedza muvhali uri a kone u shumela u wedza miloro yawe . Munwe na munwe o bebiwa e na mpho na zwine a fanela u bveledza, fhedzi asi vhoṱhe vhane vha kona u swikelela u bveledza mpho dzavho. Ndi zwone zwe zwa nṱuṱuwedza u ṅwala iyi bugu,” a amba.

Bugu ya vhuvhili, “Becoming a highly effective employee”, yo ṅwaleliwa vhashumi na vhatholi. “Bugu iyi i sumbedza vhathu nga ha hune vhathu vha shuma hone na khaedu dzine vha ṱangana nadzo, vhoṱhe vhashumi na vhatholi, ḓuvha ḽinwe na ḽinwe. I dovha hafhu ya thusa vhavhali uri vha wane nḓila dza u aluwa musi vhe mishumoni na kha zwiimiswa. Sa izwi ri tshi fhedza tshifhinga tshinzhi ri mishumoni, ri fanela uvha vhathu vha khwine musi ri mishumoni kana kha madzangano. Ndi zwa vhuṱhogwa uri muthu a sie zwine vhathu vha ḓo mu humbula ngazwo a sa athu u awela mushumo,” a amba.

Rambau u ṱuṱuwedza vhathu uri vha shumise mpho dzavho. “Ri tshila kha zwifhinga zwine muthu ha ḓivhi uri u ḓo fhira fhano shangoni lini. Ahuna ane a ḓivha ḽa matshelo. Muthu u fanela u shumela u wedza miḽoro yawe ngauri ahuna ane ḓo wedza ya munwe muthu,” a engedza.

Date:31 October 2023

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 247